மாவட்ட செய்திகள்

திருப்பூரில் ரெயில் மோதி 2 பேர் பலி + "||" + Two killed in Tirupur train crash

திருப்பூரில் ரெயில் மோதி 2 பேர் பலி

திருப்பூரில் ரெயில் மோதி 2 பேர் பலி
திருப்பூரில் ரெயில் மோதிய விபத்தில் 2 பேர் பலியாயினர்.
திருப்பூர்,

திருப்பூர் ரெயில்வே போலீஸ் நிலைய எல்லைக்குட்பட்ட சோமனூர்-வஞ்சிபாளையம் இடைப்பட்ட தண்டவாள பகுதியில் அடையாளம் தெரியாத வாலிபர் பிணம் கிடப்பதாக போலீசாருக்கு தகவல் கிடைத்தது. தகவலின்படி அங்கு விரைந்து சென்ற போலீசார் அந்த உடலை மீட்டு பிரேத பரிசோதனைக்காக திருப்பூர் அரசு ஆஸ்பத்திரிக்கு அனுப்பி வைத்து விசாரணை நடத்தினார்கள். விசாரணையில், அந்த வாலிபர் வடமாநிலத்தை சேர்ந்தவராக இருக்கலாம் என்றும், ரெயிலில் சென்று கொண்டிருந்த போது, தவறி விழுந்து இறந்திருக்கலாம் என்றும் போலீசார் தெரிவித்தனர். மேலும், அவர் யார்? எந்த ஊரை சேர்ந்தவர் என்பது குறித்து போலீசார் விசாரணை நடத்தி வருகின்றனர்.


இதுபோல காலேஜ்ரோடு, சலவைபட்டறை பகுதி ரெயில்வே தண்டவாளத்தில், ரெயில் மோதி இறந்த நிலையில் ஒரு ஆண் பிணம் கிடப்பதாக வந்த தகவலையடுத்து, அங்கு சென்ற போலீஸ் சப்-இன்ஸ்பெக்டர் அப்புசாமி தலைமையிலான போலீசார், பிணத்தை மீட்டு விசாரணை நடத்தினார்கள். விசாரணையில், அவர் தண்டவாளத்தை கடக்க முயன்றபோது அந்த வழியாக சென்ற ரெயில் மோதி இறந்திருக்கலாம் என்று போலீசார் தெரிவித்தனர். இறந்த நபர் ஊதா நிற டீ-சர்ட், சிமெண்டு நிறத்தில் வெள்ளை கோடு போட்ட லுங்கி அணிந்திருந்தார். ஆனால், அவர் யார்? எந்த ஊரை சேர்ந்தவர் என்பது தெரியவில்லை. தொடர்ந்து போலீசார் விசாரணை நடத்தி வருகின்றனர்.

தொடர்புடைய செய்திகள்

1. திருப்பூர் மாநகராட்சி ஊழியர் கொலையில் 2 வாலிபர்கள் கைது
திருப்பூர் மாநகராட்சி ஊழியரை கொலை செய்த வழக்கில் 2 வாலிபர்களை போலீசார் கைது செய்தனர். இதுகுறித்து போலீஸ் தரப்பில் கூறப்படுவதாவது:-
2. திருப்பூரில் மாநகராட்சி ஊழியர் மதுபாட்டிலால் குத்திக்கொலை - போலீசார் விசாரணை
திருப்பூரில் மாநகராட்சி ஊழியர் மதுபாட்டிலால் குத்திக்கொலை செய்யப்பட்டார். இந்த சம்பவம் தொடர்பாக போலீசார் விசாரணை நடத்தி வருகிறார்கள். இது பற்றி போலீஸ் தரப்பில் கூறப்படுவதாவது:-
3. திருப்பூரில் மின்சாரம் தாக்கி கட்டிட தொழிலாளி பலி: இழப்பீடு வழங்கக்கோரி அரசு ஆஸ்பத்திரி முன்பு உறவினா்கள் சாலைமறியல்
திருப்பூரில் மின்சாரம் தாக்கி கட்டிட தொழிலாளி பலியானார். அவருக்கு உரிய இழப்பீடு வழங்கக்கோரி திருப்பூர் அரசு ஆஸ்பத்திரி முன் உறவினர்கள் சாலை மறியல் போராட்டத்தில் ஈடுபட்டதால் பரப்பு ஏற்பட்டது.
4. திருப்பூர் பழனியம்மாள் மாநகராட்சி பள்ளி முன்பு மடிக்கணினி கேட்டு முன்னாள் மாணவிகள் சாலை மறியல்
திருப்பூர் பழனியம்மாள் மாநகராட்சி பெண்கள் மேல்நிலைப்பள்ளி முன்னாள் மாணவிகள் மடிக்கணினி கேட்டு சாலை மறியலில் ஈடுபட்டனர். தலைமையாசிரியையிடம் வாக்குவாதத்தில் ஈடுபட்டதால் பரபரப்பு ஏற்பட்டது. .
5. திருவொற்றியூரில் ரெயிலில் அடிபட்டு 2 பேர் பலி
திருவொற்றியூரில் ரெயிலில் அடிபட்டு வாலிபர் உள்பட 2 பேர் பரிதாபமாக இறந்தனர்.