திருப்பூரில் ‘மெஸ்’ உரிமையாளர் தூக்குப்போட்டு தற்கொலை - கடன் பிரச்சினையா? போலீசார் விசாரணை

திருப்பூர்,

திருப்பூரில், மெஸ் உரிமையாளர் தூக்குப்போட்டு தற்கொலை செய்து கொண்ட சம்பவம் குறித்து போலீஸ் தரப்பில் கூறப்படுவதாவது:-

திருப்பூர் வாலிபாளையம் முருகன்கோவில் பகுதியை சேர்ந்தவர் தேவபிரகாஷ்(வயது 35). இவர் அதே பகுதியில் தனது குடும்பத்தினருடன் இணைந்து ‘மெஸ்’ நடத்தி வந்தார். இவருக்கு மனைவி மற்றும் 2 மகள்கள் உள்ளனர். இவருக்கு கடன் பிரச்சினை இருந்து வந்ததாக கூறப்படுகிறது. இதனால் கடந்த சில நாட்களாகவே அவர் மன அழுத்தத்தில் இருந்து வந்துள்ளார். நேற்று இரவு இவருடைய வீட்டில் தேவபிரகாஷ் மட்டும் தனியாக இருந்துள்ளார். அப்போது, தான் தற்கொலை செய்து கொள்ளப்போவதாக கூறி, சிலருக்கு செல்போனில் தொடர்பு கொண்டும், சிலருக்கு செல்போனில் குறுஞ்செய்தி அனுப்பியும் தகவல் தெரிவித்துள்ளார்.

இதனால் அதிர்ச்சி அடைந்த உறவினர்கள், உடனடியாக திருப்பூர் வடக்கு போலீஸ் நிலையத்திற்கு தகவல் தெரிவித்தனர். இந்த தகவலின்படி, அங்கு விரைந்து சென்ற போலீசார், ‘மெஸ்’சின் கதவை திறக்க முயற்சித்துள்ளனர். ஆனால் கதவு உள்பக்கமாக பூட்டப்பட்டிருந்தது. இதையடுத்து கதவை உடைத்து உள்ளே சென்று பார்த்த போது, அங்கு தேவபிரகாஷ் சேலையால் தூக்குப்போட்டு தொங்கிய நிலையில் இறந்து கிடந்தது தெரியவந்தது.