மாவட்ட செய்திகள்

சிங்கப்பூரில் இருந்து கடத்தி வரப்பட்ட ரூ.11½ லட்சம் தங்க நகைகள் பறிமுதல் பெண் பயணியிடம் அதிகாரிகள் விசாரணை + "||" + Authorities investigate confiscation of gold jewelery worth Rs 11 lakh from smuggler

சிங்கப்பூரில் இருந்து கடத்தி வரப்பட்ட ரூ.11½ லட்சம் தங்க நகைகள் பறிமுதல் பெண் பயணியிடம் அதிகாரிகள் விசாரணை

சிங்கப்பூரில் இருந்து கடத்தி வரப்பட்ட ரூ.11½ லட்சம் தங்க நகைகள் பறிமுதல் பெண் பயணியிடம் அதிகாரிகள் விசாரணை
சிங்கப்பூரில் இருந்து திருச்சிக்கு கடத்தி வரப்பட்ட ரூ.11½ லட்சம் தங்க நகைகளை விமான நிலையத்தில் அதிகாரிகள் பறிமுதல் செய்தனர். மேலும் அதை கடத்தி வந்த பெண் பயணியிடம் அதிகாரிகள் விசாரணை நடத்தி வருகிறார்கள்.
செம்பட்டு,

திருச்சி சர்வதேச விமான நிலையத்தில் இருந்து வெளிநாட்டிற்கும், உள்நாட்டிற்கும் விமானங்கள் இயக்கப்படுகின்றன. இதில் இலங்கை, மலேசியா, சிங்கப்பூர், துபாய் உள்ளிட்ட வெளிநாடுகளில் இருந்து வரும் பயணிகளில் பலர் அங்கிருந்து தங்கம், மின்னணு பொருட்கள் போன்றவற்றை கடத்தி வருவதை வாடிக்கையாக கொண்டுள்ளனர்.


இவற்றை தடுக்க திருச்சி விமான நிலையத்தில் உள்ள வான் நுண்ணறிவு பிரிவு சுங்கத்துறை அதிகாரிகள், பயணிகளையும், அவர்களின் உடைமைகளையும் சோதனை செய்து வருகிறார்கள். ஆனால் தங்கம் கடத்தி வருவது குறைந்தது போல் தெரியவில்லை.

இந்த நிலையில் சிங்கப்பூரில் இருந்து நேற்று முன்தினம் இரவு ஸ்கூட் விமானம் திருச்சிக்கு வந்தது. இதில் வந்த பயணிகளையும் அவர்களின் உடைமைகளையும் திருச்சி விமானநிலைய வான் நுண்ணறிவு பிரிவு சுங்கத்துறை அதிகாரிகள் சோதனை செய்தனர்.

அப்போது, திருவாரூரை சேர்ந்த தேவி (வயது 36) என்ற பெண் பயணி 355 கிராம் தங்க நகைகளை கடத்தி வந்தது கண்டுபிடிக்கப்பட்டது. இதைதொடர்ந்து தேவியிடம் இருந்து தங்க நகைகளை பறிமுதல் செய்த அதிகாரிகள், அவரிடம் தொடர்ந்து விசாரணை நடத்தி வருகிறார்கள். பறிமுதல் செய்யப்பட்ட தங்க நகைகளின் மதிப்பு ரூ.11½ லட்சம் ஆகும்.

தொடர்புடைய செய்திகள்

1. புதுக்கோட்டை அருகே கீரனூரில் ரூ.200 கோடி மதிப்புள்ள பஞ்சலோக சிலைகள் பறிமுதல்
புதுக்கோட்டை அருகே கீரனூரில் விற்பதற்காக வைத்திருந்த சிவன், அம்மன், விநாயகர் உள்ளிட்ட ரூ.200 கோடி மதிப்புள்ள 5 பஞ்சலோக சாமி சிலைகளை சிலை கடத்தல் தடுப்பு பிரிவு போலீசார் பறிமுதல் செய்தனர். இது தொடர்பாக 4 பேரை கைது செய்து விசாரித்து வருகின்றனர்.
2. கம்பத்தில் இருந்து கேரளாவுக்கு காரில் கஞ்சா கடத்த முயன்ற தாய்-மகன் உள்பட 9 பேர் கைது
கம்பத்தில் இருந்து கேரளாவுக்கு காரில் கஞ்சா கடத்த முயன்ற தாய்-மகன் உள்பட 9 பேரை போலீசார் கைது செய்தனர்.
3. பாகிஸ்தானில் தொடரும் அவலம்: இந்து பெண்ணை கடத்தி கட்டாய மத மாற்றம்
பாகிஸ்தானில் இந்து பெண் கடத்தப்பட்டு கட்டாய மத மாற்றம் செய்து, முஸ்லிம் இளைஞருக்கு திருமணம் செய்து வைக்கப்பட்டார்.
4. தாய்லாந்தில் இருந்து சென்னைக்கு விமானத்தில் கடத்தி வந்த குரங்கு, அணில், ஓணான் பறிமுதல்
தாய்லாந்தில் இருந்து சென்னைக்கு விமானத்தில் கடத்தி வந்த குரங்கு, அணில், ஓணான் ஆகியவற்றை சுங்க இலாகா அதிகாரிகள் பறிமுதல் செய்தனர். அவற்றை தாய்லாந்து நாட்டிற்கு திருப்பி அனுப்பி அதிகாரிகள் நடவடிக்கை எடுத்தனர்.
5. குழந்தை கடத்தல் வழக்கில் மேலும் ஒரு பெண் அதிரடி கைது கர்ப்பிணியாக நடித்து நாடகமாடியது பற்றி பரபரப்பு வாக்குமூலம்
சென்னையில் குழந்தை கடத்தப்பட்ட வழக்கில் போலீசார் நேற்று மேலும் ஒரு பெண்ணை அதிரடியாக கைது செய்தனர். குழந்தையை கடத்தியதாக முதலில் கைது செய்யப்பட்ட பெண், கர்ப்பிணியாக நடித்து தனது கணவரிடம் நாடகமாடியதாக பரபரப்பு வாக்குமூலம் கொடுத்துள்ளார்.