மாவட்ட செய்திகள்

திருச்சி ஜங்ஷன் ரெயில் நிலையத்தில் புதிய தண்டவாளங்கள் பொருத்தும் பணி தீவிரம் + "||" + Work on introducing new rails at Trichy Junction Railway Station

திருச்சி ஜங்ஷன் ரெயில் நிலையத்தில் புதிய தண்டவாளங்கள் பொருத்தும் பணி தீவிரம்

திருச்சி ஜங்ஷன் ரெயில் நிலையத்தில் புதிய தண்டவாளங்கள் பொருத்தும் பணி தீவிரம்
திருச்சி ஜங்ஷன் ரெயில் நிலையத்தில் புதிய தண்டவாளங்கள் பொருத்தும் பணி தீவிரமாக நடந்து வருகிறது.
திருச்சி,

ரெயில்வே தண்டவாள பாதையில் குறிப்பிட்ட ஆண்டுகளுக்கு ஒரு முறை தண்டவாளம் மாற்றப்படுவது வழக்கம். பழைய தண்டவாளங்களை மாற்றிவிட்டு புதிய தண்டவாளம் பொருத்தப்படும். அந்த வகையில் திருச்சி ஜங்ஷன் ரெயில் நிலையத்தில் முதலாவது மற்றும் 1 ஏ நடைமேடையில் இருந்து கரூர் நோக்கி செல்லக்கூடிய பாதையில் குறிப்பிட்ட தூரம் வரை தண்டவாளம் அமைக்கப்பட்டு 15 ஆண்டுகளுக்கு மேல் ஆகி விட்டது. இதையடுத்து அதனை மாற்ற ரெயில்வே அதிகாரிகள் முடிவு செய்தனர். அதன்படி தண்டவாளங்களை மாற்ற ரெயில்வே அதிகாரிகள் நடவடிக்கை எடுத்துள்ளனர். முன்பு ரெயில் போக்குவரத்தில் மாற்றம் செய்யப்பட்டு தண்டவாளங்கள் மாற்றப்படும். தற்போது இந்த நடைமுறையில் இல்லாமல் நவீன முறையில் பணிகள் மேற்கொள்ளப்படுகிறது. அதாவது சிலிப்பர் கட்டைகளுடன் தண்டவாளத்தை பொருத்தி தனியாக வைக்கப்படும். அதன்பின் பழைய தண்டவாளத்தை அகற்றிவிட்டு அந்த இடத்தில் சிலிப்பர் கட்டைகளுடன் பொருத்திய புதிய தண்டவாளம் வைக்கப்படும். இதன் மூலம் ரெயில் போக்குவரத்தில் அதிகம் பாதிப்பு ஏற்படாது.


இந்த நிலையில் புதிய தண்டவாளங்கள் அமைப்பதற்காக ஜங்ஷன் ரெயில் நிலையத்தில் முதலாவது நடைமேடையில் பொன்மலை செல்லும் பகுதியில் சிலிப்பர் கட்டைகள், தண்டவாளங்களை வைத்து பொருத்தும் பணி தீவிரமாக நடந்து வருகிறது. இந்த பணி ஒரிரு நாட்களில் முடிவடையும் எனவும், அதன்பின் பழைய தண்டவாளங்களை அகற்றிவிட்டு புதிய தண்டவாளங்கள் பொருத்த நடவடிக்கை எடுக்கப்படும் என ரெயில்வே அதிகாரிகள் தெரிவித்தனர். புதிய தண்டவாளம் பொருத்தும் பணி நடைபெறும் நாளில் ரெயில் போக்குவரத்தில் மாற்றம் செய்யப்படும் என்பது குறிப்பிடத்தக்கது.

தொடர்புடைய செய்திகள்

1. திருச்சி மத்திய பஸ் நிலையத்தில் இருந்து கோவை, பழனிக்கு 3 புதிய குளிர்சாதன பஸ்கள்
திருச்சி மத்திய பஸ் நிலையத்தில் இருந்து கோவை, பழனிக்கு 3 புதிய குளிர்சாதன பஸ்களை அமைச்சர்கள் கொடியசைத்து தொடங்கி வைத்தனர்.
2. கும்பகோணம் சாரங்கபாணி கோவில் தேருக்கு ரூ.6 லட்சத்தில் புதிய வடங்கள்
சாரங்கபாணி கோவில் தேருக்கு ரூ.6 லட்சத்தில் புதிய வடங்கள் தயாரிக்கப்பட்டு நேற்று கோவிலுக்கு கொண்டு வரப்பட்டன.
3. முட்டப்பதி வைகுண்டசாமிக்கு ரூ.1 கோடியில் புதிய தேர் தயார் செய்யும் பணி தீவிரம்
முட்டப்பதி அய்யா வைகுண்டசாமி பதியில் ரூ.1 கோடி செலவில் புதிய தேர் செய்யும் பணி தீவிரமாக நடந்து வருகிறது.
4. தண்டவாளத்தை கடந்து செல்ல முயன்றபோது ரெயில் வந்ததால் தண்டவாளத்தில் படுத்து உயிர் பிழைத்த மூதாட்டி
கலபுரகி மாவட்டம் சித்தாபுரா டவுன் அருகே உள்ள கிராமத்தில் வசித்து வருபவர் முனிபாய் (வயது 62). இவர் நேற்று முன்தினம் சித்தாபுரா ரெயில் நிலையத்துக்கு சென்றார்.
5. அபராதம் விதிக்கப்படும் என்ற எச்சரிக்கையை மீறி, மலைரெயில் தண்டவாளத்தில் நின்று செல்பி எடுக்கும் சுற்றுலா பயணிகள்
அபராதம் விதிக்கப்படும் என்ற எச்சரிக்கையை மீறி மலைரெயில் தண்டவாளத்தில் நின்று சுற்றுலா பயணிகள் செல்பி எடுக்கின்றனர்.

அதிகம் வாசிக்கப்பட்டவை