மாவட்ட செய்திகள்

ஆனந்த்சிங் எம்.எல்.ஏ. ராஜினாமாவை வாபஸ் பெறுவார்; சித்தராமையா நம்பிக்கை + "||" + Anand Singh MLA will withdraw to resign; Siddaramaiah faith

ஆனந்த்சிங் எம்.எல்.ஏ. ராஜினாமாவை வாபஸ் பெறுவார்; சித்தராமையா நம்பிக்கை

ஆனந்த்சிங் எம்.எல்.ஏ. ராஜினாமாவை வாபஸ் பெறுவார்; சித்தராமையா நம்பிக்கை
ஆனந்த்சிங் எம்.எல்.ஏ. தனது ராஜினாமாவை வாபஸ் பெறுவார் என்று சித்தராமையா நம்பிக்கை தெரிவித்துள்ளார்.
பெங்களூரு,

கர்நாடக காங்கிரஸ் கட்சியை சேர்ந்த எம்.எல்.ஏ.க்கள் ஆனந்த்சிங், ரமேஷ் ஜார்கிகோளி ஆகியோர் ராஜினாமா செய்துள்ளனர். இதுகுறித்து கருத்து தெரிவித்துள்ள சபாநாயகர் ரமேஷ்குமார், ஆனந்த்சிங்கின் ராஜினாமா கடிதம் மட்டுமே தனக்கு கிடைத்துள்ளதாக கூறினார்.

ரமேஷ் ஜார்கிகோளியின் ராஜினாமா கடிதம் பேக்ஸ் மூலம் சபாநாயகர் அலுவலகத்திற்கு அனுப்பப்பட்டதாக கூறப்படுகிறது. அவர் தனது கைப்பட எழுதிய கடிதம் ஊடகங்களுக்கு அனுப்பப்பட்டது. இதுகுறித்து சித்தராமையா மைசூருவில் நேற்று நிருபர்களுக்கு அளித்த பேட்டியில் கூறியதாவது:-

ஆனந்த்சிங் எம்.எல்.ஏ. மட்டுமே ராஜினாமா செய்துள்ளார். அவரிடம் நாங்கள் பேசுவோம். அவர் தனது ராஜினாமாவை வாபஸ் பெறுவார். அவரை நேரடியாக தொடர்புகொள்ள முடியவில்லை. வேறு நபர் மூலம் அவரிடம் பேசியுள்ளோம். ஜிந்தால் நிறுவனத்திற்கு நிலம் விற்பனை செய்தது தொடர்பான காரணத்தை அவர் கூறியுள்ளார். ஆனால் ராஜினாமாவுக்கு அது உண்மையான காரணம் கிடையாது.

அவரை நாங்கள் சமாதானப்படுத்துவோம். மந்திரி பதவி கிடைக்கவில்லை என்பதற்காக அவர் ராஜினாமா செய்யவில்லை. ரமேஷ் ஜார்கிகோளியின் ராஜினாமா கடிதம் சபாநாயகர் அலுவலகத்திற்கு கிடைக்கவில்லை. இதுகுறித்து ஊடகங்களில் மட்டுமே செய்திகள் வெளியாகியுள்ளன. அவரது ராஜினாமா கடிதம் தனக்கு கிடைக்கவில்லை என்று சபாநாயகரே கூறியுள்ளார்.

ஆட்சியை கவிழ்க்கும் நோக்கத்தில் எம்.எல்.ஏ.க்கள் ராஜினாமா பின்னணியில் பா.ஜனதா உள்ளது. இந்த பணியை பிரதமர் மோடி, அமித்ஷா ஆகியோர் செய்து வருகிறார்கள். பா.ஜனதா எம்.எல்.ஏ.க்களை இழுக்க காங்கிரஸ் எந்த ஆபரேஷனையும் செய்யாது. தேவைப்பட்டால் பார்ப்போம். ஆனால் ஆபரேஷன் தாமரையோ அல்லது ஆபரேஷன் காங்கிரசோ எதுவாக இருந்தாலும் மாற்று கட்சி எம்.எல்.ஏ.க்களை இழுப்பதில் எனக்கு ஆர்வம் இல்லை. ஜனநாயகத்தில் யாரும் இத்தகைய செயலில் ஈடுபடக்கூடாது.  இவ்வாறு சித்தராமையா கூறினார்.

தொடர்புடைய செய்திகள்

1. பா.ஜனதா அரசுக்கு எதிராக தீவிர போராட்டம் நடத்தப்படும் - சித்தராமையா எச்சரிக்கை
அன்ன பாக்யா, இந்திரா உணவக திட்டங்களை நிறுத்தினால் பா.ஜனதா அரசுக்கு எதிராக தீவிர போராட்டம் நடத்தப்படும் என்று சித்த ராமையா எச்சரிக்கை விடுத்துள்ளார்.
2. சிலை இல்லாவிட்டாலும் தலத்தை வழிபடும் நம்பிக்கை இந்து மதத்தில் உள்ளது - அயோத்தி வழக்கில் வக்கீல் வாதம்
சிலை இல்லையென்றாலும் தலத்தை வழிபடும் நம்பிக்கை இந்து மதத்தில் உள்ளது என்று அயோத்தி வழக்கில் ராம் லல்லா தரப்பு வக்கீல் வாதிட்டார்.
3. அதிருப்தி எம்.எல்.ஏ.க்கள் 2 பேர் என்னை தொடர்பு கொண்டனர் - சித்தராமையா பரபரப்பு பேட்டி
3 எம்.எல்.ஏ.க்களை சபாநாயகர் தகுதி நீக்கம் செய்ததும் அதிருப்தி எம்.எல்.ஏ.க்கள் 2 பேர் என்னை தொடர்பு கொண்டனர் என்று முன்னாள் முதல்–மந்திரி சித்தராமையா தெரிவித்துள்ளார்.
4. கர்நாடக சட்டசபை எதிர்க்கட்சி தலைவராகிறார், சித்தராமையா?
கர்நாடகத்தில் நம்பிக்கை வாக்கெடுப்பில் தோல்வி அடைந்ததால் கூட்டணி அரசு கவிழ்ந்தது. இதையடுத்து, எடியூரப்பா தலைமையிலான பா.ஜனதா கட்சி ஆட்சி அமைத்துள்ளது.
5. பெரும்பான்மை பலம் இல்லாத பா.ஜனதா எப்படி ஆட்சி அமைக்க முடியும்? சித்தராமையா கேள்வி
பெரும்பான்மை பலம் இல்லாத பா.ஜனதா எப்படி ஆட்சி அமைக்க முடியும் என்று சித்தராமையா கேள்வி எழுப்பியுள்ளார்.