மாவட்ட செய்திகள்

ஏ.சி. வாங்கியதற்கு கார் பரிசு விழுந்து இருப்பதாக கூறி கடற்படை அதிகாரியிடம் செல்போன் மூலம் ரூ.2½ லட்சம் மோசடி + "||" + A.C. Navy officer allegedly cheated Rs.2.5 lakh by using cellphone

ஏ.சி. வாங்கியதற்கு கார் பரிசு விழுந்து இருப்பதாக கூறி கடற்படை அதிகாரியிடம் செல்போன் மூலம் ரூ.2½ லட்சம் மோசடி

ஏ.சி. வாங்கியதற்கு கார் பரிசு விழுந்து இருப்பதாக கூறி கடற்படை அதிகாரியிடம் செல்போன் மூலம் ரூ.2½ லட்சம் மோசடி
ஏ.சி. வாங்கியதற்கு கார் பரிசு விழுந்திருப்பதாக கூறி கடற்படை அதிகாரியிடம் மர்ம நபர் ஒருவர் செல்போன் மூலம் ரூ.2½ லட்சம் மோசடி செய்துள்ளார். இது தொடர்பாக போலீசார் விசாரணை நடத்தி வருகிறார்கள்.
தஞ்சாவூர்,

தஞ்சை சீனிவாசபுரம் கன்னியா நகரை சேர்ந்தவர் கார்த்திகேயன். இவர் இந்திய கடற்படையில் அலுவலராகப் பணியாற்றி வருகிறார். இவர் அண்மையில் ஆன்லைன் மூலம் ஏ.சி. வாங்கினார். இதற்கான பணத்தையும் இணையதள வங்கி சேவை மூலம் செலுத்தி உள்ளார்.


இந்த நிலையில் இவருடைய செல்போனுக்கு அவர் வாங்கிய ஏ.சி.க்கு ரூ. 12 லட்சம் மதிப்புள்ள கார், பம்பர் பரிசாக விழுந்திருப்பதாக குறுந்தகவல் வந்தது. மேலும் கார்த்திகேயன் செல்போனுக்கு ஒரு மர்ம நபர் தொடர்பு கொண்டு நீங்கள் ஏ.சி. வாங்கிய கம்பெனியில் இருந்து பேசுகிறேன். உங்களுக்கு பம்பர் பரிசாக கார் விழுந்துள்ளது.

ரூ.2½ லட்சம் மோசடி

இந்த பரிசை பெறுவதற்கு முதலில் ரூ. 2.59 லட்சம் எங்களது வங்கிக் கணக்குக்கு அனுப்ப வேண்டும். நீங்கள் கார் வேண்டுமானாலும் வாங்கிக்கொள்ளலாம் அல்லது பணமாக வேண்டுமானாலும் பெற்றுக்கொள்ளலாம் எனக்கூறியுள்ளார்.

இதை நம்பிய கார்த்தி கேயன் மர்ம நபர் கூறிய வங்கி கணக்குக்கு இணையவழி மூலம் 3 தவணையாக ரூ.2 லட்சத்து 59 ஆயிரம் செலுத்தி உள்ளார். அதன் பின்னர் அந்த மர்ம நபர் மேலும் ரூ.2 லட்சம் கேட்டுள்ளார். இதனால் கார்த்திகேயனுக்கு அவர் மீது சந்தேகம் ஏற்பட்டுள்ளது. இதனையடுத்து அவர் தான் வாங்கிய ஏ.சி. நிறுவனத்தை அணுகியுள்ளார். அப்போதுதான், தான் ஏமாற்றப்பட்டதை அவர் அறிந்தார். உடனே மர்ம நபர் தொடர்பு கொண்ட செல்போன் எண்ணுக்கு கார்த்திகேயன் தொடர்பு கொண்டார். ஆனால் அவரால் தொடர்பு கொள்ள முடியவில்லை.

போலீசார் விசாரணை

மர்ம நபர் தன்னை ஏமாற்றியதை அறிந்த கார்த்திகேயன் இதுகுறித்து தஞ்சை மாவட்ட குற்றப்பிரிவு போலீசில் புகார் செய்தார். இதன் பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.

தொடர்புடைய செய்திகள்

1. திண்டுக்கல்லில் தீபாவளி சீட்டு நடத்தி ரூ.3 கோடி மோசடி - நிதிநிறுவன அதிபர் மீது போலீஸ் சூப்பிரண்டிடம் புகார்
திண்டுக்கல்லில் தீபாவளி சீட்டு நடத்தி ரூ.3 கோடி மோசடி செய்ததாக நிதிநிறுவன அதிபர் மீது மாவட்ட போலீஸ் சூப்பிரண்டு சக்திவேலிடம் பொதுமக்கள் புகார் அளித்தனர்.
2. ரெயில்வே துறையில் வேலை வாங்கி தருவதாக கூறி ரூ.20 லட்சம் மோசடி - காய்கறி வியாபாரி கைது
ரெயில்வே துறையில் வேலை வாங்கி தருவதாக கூறி ரூ.20 லட்சம் மோசடி செய்த காய்கறி வியாபாரி கைது செய்யப்பட்டார்.
3. தேனி, வங்கிகளில் அடகு வைத்து மோசடி செய்ய போலி நகைகள் தயாரித்து கொடுத்தவர் கைது
வங்கிகளில் அடகு வைத்து மோசடி செய்ய போலி நகைகளை தயாரித்து கொடுத்த சின்னாளபட்டியை சேர்ந்த தொழிலாளியை போலீசார் கைது செய்தனர்.
4. என்.எல்.சி. புதிய அனல் மின்நிலையத்துக்கு, பர்னஸ் ஆயிலுக்கு பதில் டேங்கர் லாரியில் தண்ணீர் நிரப்பி கொண்டு வந்து மோசடி
என்.எல்.சி. புதிய அனல் மின்நிலையத்துக்கு பர்னஸ் ஆயிலுக்கு பதில் டேங்கர் லாரியில் தண்ணீரை நிரப்பி கொண்டு வந்து மோசடி செய்த டிரைவர் மற்றும் கிளனரை போலீசார் கைது செய்தனர்.
5. அரசு வேலை வாங்கி தருவதாக ரூ.15 லட்சம் மோசடி; மேலும் ஒரு வாலிபர் கைது
அரசு வேலை வாங்கி தருவதாக கூறி ரூ.15 லட்சம் மோசடி செய்த வழக்கில் மேலும் ஒரு வாலிபரை போலீசார் கைது செய்தனர்.