மாவட்ட செய்திகள்

கறம்பக்குடி அருகே கூடுதல் பஸ் வசதி கேட்டு கல்லூரி மாணவர்கள் மறியல் போக்குவரத்து பாதிப்பு + "||" + College students seeking extra bus facility near Karambakkudi

கறம்பக்குடி அருகே கூடுதல் பஸ் வசதி கேட்டு கல்லூரி மாணவர்கள் மறியல் போக்குவரத்து பாதிப்பு

கறம்பக்குடி அருகே கூடுதல் பஸ் வசதி கேட்டு கல்லூரி மாணவர்கள் மறியல் போக்குவரத்து பாதிப்பு
கறம்பக்குடி அருகே கூடுதல் பஸ் வசதி கேட்டு கல்லூரி மாணவர்கள் சாலை மறியலில் ஈடுபட்டதால் போக்குவரத்து பாதிக்கப்பட்டது.
கறம்பக்குடி,

புதுக்கோட்டை மாவட்டம், கறம்பக்குடி அருகே உள்ள மருதன்கோன் விடுதி நால்ரோட்டில் அரசு கலை மற்றும் அறிவியல் கல்லூரி செயல்பட்டு வருகிறது. இங்கு கறம்பக்குடி, கந்தர்வகோட்டை, ரெகுநாதபுரம், ஊரணிபுரம் ஆகிய பகுதிகளிலிருந்து 500-க்கும் மேற்பட்ட மாணவ-மாணவிகள் படித்து வருகின்றனர். ஆனால் இந்த வழித்தடத்தில் போதுமான பஸ்கள் இயக்கப்படவில்லை.


இதனால் காலை மற்றும் மாலை நேரங்களில் இயக்கப்படும் ஒரே அரசு பஸ்சில், நூற்றுக்கணக்கான மாணவர்கள் சென்று வருகின்றனர். ஆபத்தான இந்த பயணத்தால் விபத்துகள் ஏற்படுவதும் தொடர்ந்து வருகிறது. இதுகுறித்து கல்லூரி மாணவர்கள் மற்றும் அப்பகுதி பொதுமக்கள் போக்குவரத்து துறை அதிகாரிகளிடம் பல முறை முறையிட்டும் எந்த நடவடிக்கையும் எடுக்கப்படவில்லை.

சாலை மறியல்

மேலும் இயக்கப்படும் ஒரு சில பஸ்களும் சரிவர இயக்கப்படுவதில்லை. இதனால் கல்லூரிக்கு செல்ல முடியாத நிலையும் ஏற்பட்டு வருகிறது. நேற்று கூட்டம் அதிகமாக இருந்ததால் ஒரு அரசு பஸ்சில் மாணவர்களை ஏற்றிச்செல்ல முடியவில்லை. இதனால் ஆத்திரமடைந்த மாணவர்கள் மருதன்கோன்விடுதி நால் ரோட்டில் சாலை மறியலில் ஈடுபட்டனர். அப்போது கறம்பக்குடி, ஊரணிபுரம், கந்தர்வகோட்டை பகுதியிலிருந்து அரசு கல்லூரிக்கு டவுன் பஸ் இயக்க வேண்டும். மேலும் அந்த வழித்தடத்தில் கூடுதல் பஸ் வசதி வேண்டும் என கோஷம் எழுப்பினர்.

இதுகுறித்து தகவல் அறிந்த கறம்பக்குடி போலீசார் சம்பவ இடத்திற்கு விரைந்து வந்தனர். பின்னர் மறியலில் ஈடுபட்ட மாணவர்களிடம் பேச்சுவார்த்தை நடத்தியதில் உடன்பாடு ஏற்பட்டதையடுத்து அனைவரும் அங்கிருந்து கலைந்து சென்றனர். இந்த மறியலால் மருதன்கோன்விடுதி நால்ரோட்டில் சிறிது நேரம் போக்குவரத்து பாதிக்கப்பட்டது. 

தொடர்புடைய செய்திகள்

1. நக்சலைட்டுகளால் பாதிக்கப்படும் மக்கள் நிதி உதவி பெற ஆதார் கட்டாயம்: மத்திய அரசு அறிவிப்பு
நக்சலைட்டுகள் வன்முறையில் பாதிக்கப்படும் மக்கள் மத்திய அரசின் நிதி உதவி பெறுவதற்கு ஆதார் கட்டாயம் என அறிவிக்கப்பட்டுள்ளது.
2. தேர்தல் நடத்தும் அதிகாரியை கண்டித்து அ.தி.மு.க.வினர் சாலை மறியல் போக்குவரத்து பாதிப்பு
திருமானூர் ஒன்றியக்குழு தலைவராக தி.மு.க. வேட்பாளர் தேர்வு செய்யப்பட்டதை தொடர்ந்து, தேர்தல் நடத்தும் அதிகாரியை கண்டித்து அ.தி.மு.க.வினர் சாலை மறியலில் ஈடுபட்டதால் போக்குவரத்து பாதிக்கப்பட்டது.
3. எருமப்பட்டி அருகே பஸ் மோதி டிரைவர் பலி உறவினர்கள் சாலைமறியலால் போக்குவரத்து பாதிப்பு
எருமப்பட்டி அருகே தனியார் பஸ் மோதி லாரி டிரைவர் பரிதாபமாக இறந்தார். இதையடுத்து அவரது உறவினர்கள் சாலைமறியலில் ஈடுபட்டதால் சுமார் 2 மணி நேரம் போக்குவரத்து பாதிக்கப்பட்டது.
4. அரசு ஆரம்ப சுகாதார நிலையத்தில் வழங்கப்பட்ட காலாவதியான மாத்திரை தின்றவருக்கு உயர் ரத்த அழுத்த பாதிப்பு
முத்துப்பேட்டை அருகே அரசு ஆரம்ப சுகாதார நிலையத்தில் வழங்கப்பட்ட காலாவதியான மாத்திரை தின்றவருக்கு உயர் ரத்த அழுத்த பாதிப்பு ஏற்பட்டது.
5. கறம்பக்குடி அருகே பாதைவசதி கேட்டு கிராம மக்கள் சாலை மறியல் போக்குவரத்து பாதிப்பு
கறம்பக்குடி அருகே பாதை வசதி கேட்டு கிராம மக்கள் சாலை மறியலில் ஈடுபட்டனர். இதனால் போக்குவரத்து பாதிக்கப்பட்டது.