மாவட்ட செய்திகள்

நெல்லித்தோப்பு மார்க்கெட்டில் நடந்த சம்பவம்: என்னை அடித்து துன்புறுத்தியதால் வாலிபரை கொலை செய்தேன், கைதான தொழிலாளி வாக்குமூலம் + "||" + At the Nellipoptu Market I killed the young man because he beat me, Arrest worker Confessions

நெல்லித்தோப்பு மார்க்கெட்டில் நடந்த சம்பவம்: என்னை அடித்து துன்புறுத்தியதால் வாலிபரை கொலை செய்தேன், கைதான தொழிலாளி வாக்குமூலம்

நெல்லித்தோப்பு மார்க்கெட்டில் நடந்த சம்பவம்: என்னை அடித்து துன்புறுத்தியதால் வாலிபரை கொலை செய்தேன், கைதான தொழிலாளி வாக்குமூலம்
நெல்லித்தோப்பு மார்க்கெட்டில் தலையில் கல்லை தூக்கிப் போட்டு வாலிபரை கொலை செய்ததாக ஒருவர் கைது செய்யப்பட்டார். தினமும் அடித்து துன்புறுத்தியதால் ஆத்திரத்தில் கொலை செய்ததாக போலீசில் அவர் வாக்குமூலம் அளித்தார்.
புதுச்சேரி,

புதுவை சண்முகாபுரத்தை சேர்ந்தவர் தமிழ்வாணன் (வயது 35). இவர் நெல்லிதோப்பு மார்க்கெட்டில் கோழிக்கடை ஒன்றில் வேலைபார்த்து வந்தார். அதே மார்க்கெட்டில் காய்கறி கடை ஒன்றில் எல்லைப்பிள்ளைசாவடியை சேர்ந்த தேவநாதன் (42) வேலை பார்த்தார். இருவருக்கும் திருமணமாகவில்லை.


இவர்கள் இருவரும் சேர்ந்து தினமும் இரவில் மது குடிப்பதும் சண்டை போட்டுக்கொள்வதும் வழக்கம். அதன்படி கடந்த 8-ந்தேதி இரவும் இவர்களுக்குள் தகராறு ஏற்பட்டதாக தெரிகிறது. அங்கிருந்தவர்கள் அவர்களை சமாதானம் செய்து வைத்தனர். இதன்பின் தமிழ்வாணனும், தேவநாதனும் அங்கேயே தூங்கினர்.

இந்தநிலையில் அதிகாலையில் எழுந்த தேவநாதன் தனது அருகில் தூங்கிக் கொண்டிருந்த தமிழ்வாணனை பார்த்ததும் ஆத்திரமடைந்தார். உடனே அவர் அங்கு கிடந்த கல்லை தூக்கி தமிழ்வாணனின் தலையில் போட்டு விட்டு அங்கிருந்து தப்பிச் சென்றார். இதில் படுகாயமடைந்த அவர் சம்பவ இடத்திலேயே ரத்த வெள்ளத்தில் துடிதுடித்து செத்தார்.

மார்க்கெட்டில் நடந்த இந்த சம்பவம் அங்கு பரபரப்பை ஏற்படுத்தியது. இதுகுறித்து தகவல் அறிந்ததும் உருளையன்பேட்டை போலீஸ் இன்ஸ்பெக்டர் சண்முகம், சப்-இன்ஸ்பெக்டர் ரமேஷ் மற்றும் போலீசார் வழக்குப்பதிவு செய்து புதுவை 100 அடி சாலையில் உள்ள மதுக்கடையில் தேவநாதனை கைது செய்தனர்.

போலீசில் தேவநாதன் அளித்த வாக்குமூலம் வருமாறு:-

நானும், தமிழ்வாணனும் நண்பர்களாக இருந் தோம். இந்தநிலையில் கடந்த சில மாதங்களாக தமிழ்வாணன் குடித்துவிட்டு என்னை தினமும் அடித்து துன்புறுத்தி வந்தான். வயதில் மூத்தவன். மரியாதையாக நடக்கும்படி பலமுறை எச்சரித்தேன். ஆனால் என்னை தொடர்ந்து துன்புறுத்தி வந்தான். இதனால் நான் மிகுந்த மன உளைச்சலுக்கு ஆளானேன். இந்தநிலையில் நேற்று (நேற்று முன்தினம்) தமிழ்வாணன் நன்றாக தூங்கிக்கொண்டிருந்தான். இதுதான் சரியான நேரம் எனக்கருதி அவனது தலையில் கல்லைப்போட்டு கொலை செய்தேன். என்னை போலீசார் கைது செய்தனர்.

இவ்வாறு அவர் வாக்கு மூலம் அளித்தார்.

இதையடுத்து தேவநாதனை போலீசார் நீதிமன்றத்தில் ஆஜர்படுத்தி காலாப்பட்டு சிறையில் அடைத்தனர்.

தொடர்புடைய செய்திகள்

1. 7 மாத குழந்தையை கொன்ற இந்திய தாய்க்கு 6 வருடம் சிறை - லண்டன் கோர்ட்டு தீர்ப்பு
7 மாத குழந்தையை கொன்ற இந்திய தாய்க்கு, 6 வருடம் சிறை தண்டனை விதித்து லண்டன் கோர்ட்டு தீர்ப்பு வழங்கியது.
2. நாகர்கோவில் அருகே இரட்டை கொலை: சென்னை கோர்ட்டில் 2 பேர் சரண்
நாகர்கோவில் அருகே நடந்த இரட்டை கொலை வழக்கில் 2 பேர் சென்னை கோர்ட்டில் சரண் அடைந்தனர்.
3. திருமானூர் அருகே தொழிலாளியை அரிவாளால் வெட்டி கொலை செய்த 4 பேர் கைது
திருமானூர் அருகே தொழிலாளியை அரிவாளால் வெட்டிக்கொலை செய்த 4 பேரை போலீசார் கைது செய்தனர். மேலும் தலைமறைவாக உள்ளவர்களை தேடி வருகின்றனர்.
4. 8-வது மாடியில் இருந்து தள்ளிவிடப்பட்டாள் : ஒரு வாரமாக உயிருக்கு போராடிய சிறுமி பலி
8-வது மாடியில் இருந்து 16 வயது சிறுவனால் தள்ளிவிடப்பட்ட 12 வயது சிறுமி சிகிச்சை பலனின்றி பலியானாள். காதலை ஏற்க மறுத்ததால், இந்த கொடூரம் நடந்துள்ளது.
5. திருப்பூரில் பெண் குத்திக்கொலை: கைதான ஓட்டல் தொழிலாளி போலீசில் பரபரப்பு வாக்குமூலம்
திருப்பூரில் பெண் குத்திக்கொலை செய்யப்பட்டார். அவர் பலருடன் பழகியதை கைவிட மறுத்ததால் தீர்த்துக்கட்டியதாக ஓட்டல் தொழிலாளி போலீசில் அளித்த வாக்குமூலத்தில் தெரிவித்துள்ளார்.