மாவட்ட செய்திகள்

தென்னிலை அருகே பெண் கத்தியால் குத்திக்கொலை மர்மநபர்களுக்கு போலீசார் வலைவீச்சு + "||" + Woman knives near south Cops leak to pranksters

தென்னிலை அருகே பெண் கத்தியால் குத்திக்கொலை மர்மநபர்களுக்கு போலீசார் வலைவீச்சு

தென்னிலை அருகே பெண் கத்தியால் குத்திக்கொலை மர்மநபர்களுக்கு போலீசார் வலைவீச்சு
தென்னிலை அருகே இளம்பெண்ணை கத்தியால் குத்திக்கொலை செய்த மர்மநபர்களை போலீசார் வலைவீசி தேடி வருகின்றனர்.
க.பரமத்தி,

கரூர் மாவட்டம், தென்னிலை அருகே உள்ள ராக்கியம் கவுண்டன்வலசுவில் நேற்று காலை சாலையோரம் 30 வயது மதிக்கத்தக்க பெண் ஒருவர் ரத்த வெள்ளத்தில் பிணமாக கிடந்தார். இதைக்கண்ட அந்த வழியாக சென்றவர்கள் அதிர்ச்சி அடைந்தனர். பின்னர் தென்னிலை கிராமநிர்வாக அதிகாரிக்கு தகவல் தெரிவித்தனர்.


இது குறித்து அவர் தென்னிலை போலீசாருக்கு தகவல் கூறினார். அதன்பேரில் மாவட்ட போலீஸ் சூப்பிரண்டு பாண்டியராஜன், தென்னிலை போலீஸ் இன்ஸ்பெக்டர் சிவக்குமார் மற்றும் போலீசார் சம்பவ இடத்திற்கு விரைந்து வந்து பார்வையிட்டனர். அப்போது அந்த பெண்ணின் கழுத்தில் கத்தியால் குத்தப்பட்டு இருந்தது. மர்ம நபர்கள் அவரை கொலைசெய்து சாலையோரத்தில் போட்டுவிட்டு சென்றுள்ளனர்.

இதையடுத்து, போலீசார் அந்த பெண்ணின் உடலை கைப்பற்றி பிரேத பரிசோதனைக்காக கரூர் அரசு மருத்துவமனைக்கு அனுப்பி வைத்தனர். இந்த சம்பவம் தொடர்பாக தென்னிலை போலீசார் வழக்குப்பதிவு செய்து, பெண்ணை கொலை செய்த மர்மநபர்கள் யார்? எதற்காக கொலை செய்தனர். கற்பழித்து கொலை செய்யப்பட்டாரா? என்பன உள்பட பல்வேறு கோணங்களில் விசாரணை நடத்தி வருகின்றனர்.

மேலும் அந்த பெண்ணை கொலை செய்த மர்மநபர்களை போலீசார் வலைவீசி தேடி வருகின்றனர். பெண் ஒருவர் கத்தியால் குத்திக் கொலை செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தி உள்ளது.

தொடர்புடைய செய்திகள்

1. திருச்சி அரசு ஆஸ்பத்திரியில் மின்விசிறி கழன்று விழுந்து பெண் காயம்
திருச்சி அரசு ஆஸ்பத்திரியில் மின்விசிறி கழன்று பெண் மீது விழுந்ததில் காயமடைந்தார்.
2. ஓசூர் அருகே பயங்கரம், கார் டிரைவர் கத்தியால் குத்திக்கொலை - 2 பேர் கைது - பிரபல ரவுடிக்கு வலைவீச்சு
ஓசூர் அருகே கார் டிரைவர் கத்தியால் குத்திக்கொலை செய்யப்பட்டார். இது தொடர்பாக 2 பேரை கைது செய்த போலீசார் பிரபல ரவுடியை வலைவீசி தேடி வருகிறார்கள். இந்த பயங்கர சம்பவம் குறித்து போலீஸ் தரப்பில் கூறப்பட்டதாவது:-
3. கலெக்டர் பேசுவதாக கூறி ஓட்டல் மேலாளரிடம் பணம் பறிக்க முயன்ற பெண் கைது
கலெக்டர் பேசுவதாக கூறி ஓட்டல் மேலாளரிடம் பணம் பறிக்க முயன்ற வழக்கில் பெண் கைது செய்யப்பட்டார். இதில் தொடர்புடைய ஒருவரை போலீசார் வலைவீசி தேடி வருகின்றனர்.
4. விபத்தில் படுகாயம் அடைந்த பெண்ணுக்கு இழப்பீடு வழங்காததால் அரசுபஸ் ஜப்தி நாமக்கல்லில் பரபரப்பு
விபத்தில் படுகாயம் அடைந்த பெண்ணுக்கு இழப்பீடு வழங்காததால் அரசுபஸ் ஜப்தி செய்யப்பட்ட சம்பவம் நேற்று நாமக்கல் பஸ்நிலையத்தில் சிறிது நேரம் பரபரப்பை ஏற்படுத்தியது.
5. பொருட்கள் வாங்கி கொண்டு 500 ரூபாய் கள்ள நோட்டை மாற்ற முயன்ற பெண் கைது
மயிலாடுதுறையில் பொருட்களை வாங்கி கொண்டு 500 ரூபாய் கள்ள நோட்டை கொடுத்து மாற்ற முயன்ற பெண்ணை போலீசார் கைது செய்தனர். இதனால் அங்கு பரபரப்பு நிலவியது.