<
பேரிகை அருகே, கஞ்சா வைத்திருந்த பெண்கள் உள்பட 5 பேர் கைது
பேரிகை அருகே கஞ்சா வைத்திருந்த பெண்கள் உள்பட 5 பேரை போலீசார் கைது செய்தனர்.
ஓசூர்,
பேரிகை போலீஸ் சப்-இன்ஸ்பெக்டர் ராமநாதன் மற்றும் போலீசார் பேரிகை - மாஸ்தி ரோடு புட்டப்பசாமி கோவில் பகுதியில் ரோந்து சென்றனர். அப்போது அங்கு 4 பெண்கள் நின்று கொண்டிருந்தனர். போலீசார் சந்தேகத்தின் பேரில் அவர்களை பிடித்து சோதனை செய்தனர். அப்போது, அவர்கள் ஒரு கிலோ கஞ்சா விற்பனைக்காக வைத்திருந்தது கண்டுபிடிக்கப் பட்டது.
இதையடுத்து கஞ்சா வைத்திருந்ததாக வேப்பனப்பள்ளி அருகே உள்ள தீர்த்தம் பகுதியை சேர்ந்த மாரக்கா (வயது 52), முனியம்மா (32), அமராவதி (32), பத்மா (60) ஆகிய 4 பெண்களை போலீசார் கைது செய்தனர்.
இதே போல பேரிகை போலீஸ் சப்-இன்ஸ்பெக்டர் சிவக்குமார் மற்றும் போலீசார் ரோந்து பணியில் ஈடுபட்டனர். அப்போது கஞ்சா விற்றதாக பேரிகை அண்ணா நகரை சேர்ந்த ஜொன்னப்பா என்கிற கொண்டன் (30) என்பவரை கைது செய்தனர். அவரிடம் இருந்து ½ கிலோ கஞ்சா பறிமுதல் செய்யப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
