மாவட்ட செய்திகள்

விபத்தில் சிக்கி உயிருக்கு போராடிய தம்பதியிடம் நகை, பணம் பறித்த 3 பேர் கைது + "||" + Three arrested for jewelery, money laundering

விபத்தில் சிக்கி உயிருக்கு போராடிய தம்பதியிடம் நகை, பணம் பறித்த 3 பேர் கைது

விபத்தில் சிக்கி உயிருக்கு போராடிய தம்பதியிடம் நகை, பணம் பறித்த 3 பேர் கைது
ஆண்டிப்பட்டி அருகே விபத்தில் சிக்கி உயிருக்கு போராடிய தம்பதியிடம் இருந்து நகை, பணம் பறித்த 3 பேரை போலீசார் கைது செய்தனர்.
ஆண்டிப்பட்டி,

தேனி மாவட்டம் ஆண்டிப்பட்டி அருகே உள்ள வைகை அணை பகுதியை சேர்ந்தவர் சிவன்பாண்டி (வயது32). அவருடைய மனைவி கங்கம்மாள் (24). இவர்கள், தங்களது இல்ல விழாவையொட்டி உறவினர்களுக்கு அழைப்பிதழ் கொடுப்பதற்காக மோட்டார்சைக்கிளில் வைகை அணையில் இருந்து ஆண்டிப்பட்டிக்கு சென்றனர்.


வைகை அணையை அடுத்துள்ள சேடப்பட்டி கூட்டுக்குடிநீர் திட்ட அலுவலகம் அருகே மோட்டார் சைக்கிள் சென்று கொண்டிருந்தது. அப்போது எதிரே வந்த ஆட்டோ, சிவன்பாண்டியின் மோட்டார்சைக்கிள் மீது மோதியது. இதில் கணவன், மனைவி படுகாயமடைந்து உயிருக்கு போராடினர்.

அப்போது ஆட்டோவில் வந்த 3 பேர், கங்கம்மாளிடம் இருந்து 13 பவுன் நகை மற்றும் சிவன்பாண்டியிடம் இருந்து ரூ.15 ஆயிரம் ஆகியவற்றை பறித்து விட்டு ஆட்டோவில் ஏறி தப்பி சென்று விட்டனர்.

இதுகுறித்து வைகை அணை போலீசார் வழக்குப்பதிவு செய்து விசாரித்தனர். மேலும் ஆண்டிப்பட்டி போலீஸ் இன்ஸ்பெக்டர் சரவணதெய்வேந்திரன் தலைமையில் தனிப்படை அமைக்கப்பட்டு போலீசார் தீவிர விசாரணை நடத்தினர்.

விபத்து நடந்த நேரத்தில் அந்த பகுதியில் சென்ற ஆட்டோக்கள் குறித்து விசாரணை நடத்தப்பட்டது. இதற்காக அந்த பகுதிகளில் உள்ள கண்காணிப்பு கேமராக்கள் ஆய்வு செய்யப்பட்டன. ஆண்டிப்பட்டியில் இருந்து வைகை அணை வழியாக பெரியகுளம் சென்ற ஆட்டோக்கள் குறித்த விவரங்களை போலீசார் சேகரித்தனர்.அப்போது சந்தேகப்படும்படியாக சென்ற ஒரு ஆட்டோ குறித்து விசாரணை நடத்தினர். அந்த ஆட்டோவில் பயணம் செய்த பெரியகுளம் மூன்றாந்தல் பகுதியை சேர்ந்த முருகேசன் (21), முத்துப்பாண்டி(27), ஆட்டோ டிரைவர் ராமகிருஷ்ணன்(23) ஆகியோர் தம்பதியிடம் நகை, பணத்தை பறித்தது தெரியவந்தது. இதையடுத்து போலீசார் அவர்களை கைது செய்தனர். மேலும் அவர்களிடம் இருந்து 13 பவுன் நகை, ரூ.15 ஆயிரம் பறிமுதல் செய்யப்பட்டன.

தொடர்புடைய செய்திகள்

1. திண்டுக்கல்லில், முன்னாள் துணைவேந்தர் வீட்டில் 50 பவுன் நகை, பணம் கொள்ளை
திண்டுக்கல்லில் முன்னாள் துணைவேந்தர் வீட்டின் பூட்டை உடைத்து 50 பவுன் நகை, பணத்தை மர்ம நபர்கள் கொள்ளையடித்து சென்றனர்.
2. திண்டிவனம் அருகே, மேளக்காரர் வீட்டில் ரூ.8 லட்சம் நகை-பணம் கொள்ளை - மர்மநபர்களுக்கு போலீஸ் வலைவீச்சு
திண்டிவனம் அருகே மேளக்காரர் வீட்டின் கதவை உடைத்து ரூ.8 லட்சம் நகை, பணத்தை கொள்ளையடித்துச் சென்ற மர்மநபர்களை போலீசார் வலைவீசி தேடி வருகின்றனர்.
3. கோவையில், எலெக்டிரிக்கல் கடையில் ரூ.2½ லட்சம் கொள்ளை - 2 வீடுகளில் 35 பவுன் நகை திருட்டு
கோவையில் எலெக்டிரிக்கல் கடையின் ஷட்டரை உடைத்து ரூ.2½ லட்சத்தையும், கல்லூரி பேராசிரியர் வீடு உள்பட 2 பேரின் வீடுகளில் 35 பவுன் நகையையும் மர்ம ஆசாமிகள் திருடிச்சென்றனர்.
4. திருப்பத்தூர் அருகே, பூட்டிய வீட்டில் ரூ.10 லட்சம் நகை, பணம் கொள்ளை - தொடர் சம்பவத்தால் மக்கள் பீதி
திருப்பத்தூர் அருகே பூட்டிய வீட்டில் ரூ.10 லட்சம் நகை, பணம் கொள்ளையடிக்கப்பட்டது. தொடர் சம்பவத்தால் மக்கள் பீதியடைந்துள்ளனர்.
5. காரிமங்கலம் அருகே, சென்னகேசவ பெருமாள் கோவில் உண்டியலை உடைத்து நகை, பணம் திருட்டு
காரிமங்கலம் அருகே சென்னகேசவ பெருமாள் கோவில் உண்டியலை உடைத்து மர்ம நபர்கள் நகை, பணத்தை திருடிச்சென்றனர். அவர்களை போலீசார் வலைவீசி தேடி வருகின்றனர்.