மாவட்ட செய்திகள்

கரூரில் இருந்து கேரளாவுக்கு 25 டன் மணல் கடத்தல்; லாரி பறிமுதல் - போலீசார் நடவடிக்கை + "||" + From Karur to Kerala 25 tons of sand smuggling Larry confiscated Police action

கரூரில் இருந்து கேரளாவுக்கு 25 டன் மணல் கடத்தல்; லாரி பறிமுதல் - போலீசார் நடவடிக்கை

கரூரில் இருந்து கேரளாவுக்கு 25 டன் மணல் கடத்தல்; லாரி பறிமுதல் - போலீசார் நடவடிக்கை
கரூரில் இருந்து கேரளாவுக்கு கடத்திய 25 டன் மணல் லாரியை போலீசார் பறிமுதல் செய்தனர். இந்த சம்பவம் குறித்து போலீஸ் தரப்பில் கூறப்படுவதாவது:-
பொள்ளாச்சி, 

பொள்ளாச்சியில் இருந்து பாலக்காடு செல்லும் சாலையில் கேரள எல்லையில் கோபாலபுரம் சோதனைச்சாவடி அமைந்துள்ளது. இந்த சோதனைச்சாவடியில் பொள்ளாச்சி துணை போலீஸ் சூப்பிரண்டு சிவக்குமார் உத்தரவின் பேரில், தாலுகா போலீசார் நேற்று முன்தினம் சோதனையில் ஈடுபட்டனர்.

அப்போது, அந்த வழியாக சதர்ன் ரெயில்வே பணி என எழுதி வந்த லாரியை சந்தேகத்தின் பேரில் போலீசார் தடுத்து நிறுத்தி சோதனை செய்தனர். அதில் சிறு, சிறு மூட்டைகளாக கட்டி 25 டன் மணலை கரூரில் இருந்து கேரளாவுக்கு கொண்டு சென்றது தெரியவந்தது. இதற்கான உரிய ஆவணங்கள் அவர்களிடம் இல்லை.

இதனைத்தொடர்ந்து கேரளாவுக்கு கடத்த முயன்ற 25 டன் மணலையும், கடத்தலுக்கு பயன்படுத்திய லாரியையும் போலீசார் பறிமுதல் செய்தனர். பின்னர் மணல் மூட்டைகளுடன் லாரியை பொள்ளாச்சி தாசில்தார் அலுவலகத்தில் ஒப்படைத்தனர். இதையடுத்து லாரி டிரைவர் தர்மபுரியைச் சேர்ந்த சிஜூ என்பவரை பிடித்து தாசில்தார் தணிகைவேல் விசாரணை நடத்தி வருகிறார். மேலும் இதுகுறித்து பொள்ளாச்சி வருவாய் கோட்டாட்சியர் ரவிக்குமாருக்கு தகவல் தெரிவிக்கப்பட்டது. இதையடுத்து, லாரியின் உரிமையாளர் சேலத்தை சேர்ந்த செல்வராஜ் என்பவரிடம் வருவாய் துறையினர் விசாரணை மேற்கொண்டு வருகின்றனர்.

தொடர்புடைய செய்திகள்

1. மணல் கடத்தலுக்கு பயன்படுத்திய டிராக்டர்-லாரி பறிமுதல்; தப்பியோடிய 3 பேருக்கு வலைவீச்சு
குளித்தலை, நொய்யல் பகுதிகளில் மணல் கடத்தலுக்கு பயன்படுத்திய டிராக்டர், லாரியை போலீசார் பறிமுதல் செய்து, தப்பியோடிய 3 பேரை வலைவீசி தேடி வருகின்றனர்.
2. மணல் கடத்தல்; 3 பேர் கைது
மாட்டு வண்டிகளில் மணல் கடத்தியது தொடர்பாக 3 பேர் கைது செய்யப்பட்டுள்ளனர்.
3. மதகடிப்பட்டு ஊரல் குளத்தில் போலீசார் தோண்டிய பள்ளத்தை மூடி மணல் கடத்தல்
திருபுவனை அருகே உள்ள மதகடிப்பட்டு ஊரல் குளத்தில் சமூக விரோதிகள் இரவு நேரங்களில் டிப்பர் லாரி மற்றும் மாட்டு வண்டிகளில் மணல் கடத்தி வருவதாக திருபுவனை போலீசாருக்கு ரகசிய தகவல் வந்தது.
4. மணல் கடத்திய 3 பேர் கைது
மணலூர்பேட்டை போலீஸ் சப்-இன்ஸ்பெக்டர் ராஜசேகர் தலைமையிலான போலீசார் சாங்கியம் கிராமத்தில் வாகன தணிக்கையில் ஈடுபட்டிருந்தனர்.
5. லாரிகளில் மணல் கடத்தல்; 33 பேர் கைது
கொள்ளிடம் ஆற்றில் இருந்து லாரிகளில் மணல் கடத்தி வந்த 33 பேரை போலீசார் கைது செய்தனர்.