மாவட்ட செய்திகள்

அரியலூரில் முறைகேட்டில் ஈடுபட்டதாக 9 உர விற்பனையாளர்கள் மீது நடவடிக்கை + "||" + In Ariyalur 9 Action on Fertilizer Dealers

அரியலூரில் முறைகேட்டில் ஈடுபட்டதாக 9 உர விற்பனையாளர்கள் மீது நடவடிக்கை

அரியலூரில் முறைகேட்டில் ஈடுபட்டதாக 9 உர விற்பனையாளர்கள் மீது நடவடிக்கை
முறைகேட்டில் ஈடுபட்டதாக 9 உர விற்பனையாளர்கள் மீது நடவடிக்கை எடுக்கப்பட்டுள்ளது.
அரியலூர்,

அரியலூர் மாவட்டத்தில் கூடுதல் விலைக்கு உரங்கள் விற்பனை செய்யப்படுவதாக புகார்கள் வந்ததை தொடர்ந்து வேளாண்மை இணை இயக்குனர் கிரு‌‌ஷ்ணமூர்த்தி உத்தரவின்பேரில், வேளாண்மை அலுவலர்கள் சுப்ரமணியன், சவீதா ஆகியோர் உரக்கடைகளில் ஆய்வு மேற்கொண்டனர்.


ஆய்வின்போது முறைகேட்டில் ஈடுபட்டதாக 8 தனியார் உர விற்பனையாளர்களுக்கு உரக்கட்டுப்பாடு சட்டத்தின் கீழ் விளக்கம் கேட்கப்பட்டுள்ளது. மேலும் ஒரு கடையில் உரம் விற்பனைக்கு தடை விதிக்கப்பட்டுள்ளது. உர விற்பனையாளர்கள் நிர்ணயிக்கப்பட்ட விலையை விட கூடுதல் விலைக்கு விற்றது, ரசீதை விவசாயிகளுக்கு வழங்காமல் இருந்தது, இருப்பு மற்றும் விற்பனை சரிசெய்யாமல் இருந்தது, விலைப்பட்டியல் சரியாக பராமரிக்காமல் இருந்தது உள்ளிட்ட காரணங்களுக்காக இந்த நடவடிக்கை எடுக்கப்பட்டுள்ளதாக கூறப்படுகிறது.

கடும் நடவடிக்கை

மேலும் விற்பனையாளர்கள் உர உரிமத்தை புதுப்பிக் காமல் விற்பது, கிடங்குகளில் இருப்பு வைப்பது, உரத்துடன் பூச்சிக்கொல்லி நுண்சத்து மற்றும் இதர உரங்களை சேர்த்து வாங்க வற்புறுத்துவது போன்ற செயல்களில் ஈடுபட்டால் கடும் நடவடிக்கை மற்றும் உர உரிமம் ரத்து செய்யப்படும் என்று வேளாண்மை இணை இயக்குனர் கிரு‌‌ஷ்ணமூர்த்தி எச்சரித்துள்ளார்.

இதுதொடர்பாக விவசாயிகள் புகார்கள் தெரிவிக்க விரும்பினால் தகுந்த ஆதாரங்களுடன் வேளாண்மை உதவி இயக்குனர் தரக்கட்டுப்பாடு 94437 00807, அரியலூர் தரக்கட்டுப்பாடு 80726 46160 எண்ணிற்கு புகார்களை தெரிவிக்கலாம்.

மேலும் வட்டார அளவிலான புகார்களை வேளாண்மை உதவி இயக்குனர் அலுவலக தொலைபேசி அரியலூர்-70106 70907, திருமானூர்-94436 74577, செந்துறை-98846 32588, ஜெயங்கொண்டம்-97508 90874, ஆண்டிமடம்-98426 92807, தா.பழூர்-94430 92411 என்ற எண்ணில் தொடர்பு கொண்டு தெரிவிக்கலாம் என்றும் கேட்டுக்கொள்ளப்பட்டு உள்ளது.

தொடர்புடைய செய்திகள்

1. டெங்கு பாதுகாப்பு நடவடிக்கை மேற்கொள்ளாத தனியார் பள்ளிக்கு ரூ.20 ஆயிரம் அபராதம் கலெக்டர் உத்தரவு
டெங்கு பாதுகாப்பு நடவடிக்கை மேற்கொள்ளாத தனியார் பள்ளிக்கு ரூ.20 ஆயிரம் அபராதம் விதித்து கலெக்டர் ராமன் உத்தரவிட்டார்.
2. திருச்சி விமான நிலையத்தில் ரூ.15¼ லட்சம் தங்கம், 8 மடிக்கணினி வெளிநாட்டு பணம் பறிமுதல்
திருச்சி விமான நிலையத்தில் ரூ.15¼ லட்சம் தங்கம், 8 மடிக்கணினி வெளிநாட்டு பணம் பறிமுதல் செய்யப்பட்டது.
3. டெங்கு காய்ச்சல் பாதிப்பால் நோயாளிகளுக்கு சிகிச்சை: சேலம் அரசு ஆஸ்பத்திரியில் கலெக்டர் ஆய்வு
சேலம் அரசு ஆஸ்பத்திரியில் டெங்கு காய்ச்சல் பாதிப்பால் நோயாளிகளுக்கு அளிக்கப்பட்டு வரும் சிகிச்சை முறைகள் குறித்து மாவட்ட கலெக்டர் ராமன் ஆய்வு செய்தார்.
4. வேகத்தடைகளை, 3துறை அதிகாரிகள் ஆய்வு செய்து இருசக்கர வாகனங்களில் செல்வோரின் பாதுகாப்பை உறுதி செய்ய வேண்டும் - கவர்னர் உத்தரவு
வேகத்தடைகள் இருக்கும் இடங்களை 3 துறைகளின் அதிகாரிகள் ஆய்வு செய்து இருசக்கர வாகனங்களில் சாலையில் செல்வோரின் பாதுகாப்பை உறுதி செய்ய வேண்டும் என்று கவர்னர் கிரண்பெடி உத்தரவிட்டுள்ளார்.
5. குடிமராமத்து திட்டத்தில் தூர்வாரப்பட்ட குளங்களை கலெக்டர் ஆய்வு கரையில் மரக்கன்று நட அறிவுறுத்தல்
குடிமராமத்து திட்டத்தில் தூர்வாரப்பட்ட குளங்களை கலெக்டர் அண்ணாதுரை ஆய்வு செய்தார். அப்போது குளங்களின் கரையில் மரக்கன்று நட அதிகாரிகளை அறிவுறுத்தினார்.

ஆசிரியரின் தேர்வுகள்...