மாவட்ட செய்திகள்

காமநாயக்கன்பாளையம் அருகே கார்கள் மோதல்; பெண் பலி + "||" + Cars collide; Woman kills

காமநாயக்கன்பாளையம் அருகே கார்கள் மோதல்; பெண் பலி

காமநாயக்கன்பாளையம் அருகே கார்கள் மோதல்; பெண் பலி
காமநாயக்கன்பாளையம் அருகே கார்கள் மோதி கொண்டன. இந்த விபத்தில் பெண் ஒருவர் பலியானார். 8 பேர் காயம் அடைந்தனர்.
காமநாயக்கன்பாளையம்,

திருப்பூர் மாவட்டம், உடுமலை ஏரிபாளையத்தை சேர்ந்தவர் செல்வராஜ்(வயது 50). மரக்கடை வைத்து உள்ளார். இவருடைய மனைவி ரேணுகாதேவி(45). இவர்களது மகன் சுபாஷ்(24). இந்த நிலையில் ரேணுகாதேவி தனது மகன் சுபாசுடன்(24) பல்லடத்தில் உள்ள உறவினர் வீட்டுக்கு வந்திருந்தார்.


பின்னர் அங்கிருந்து அவர்கள் நேற்று அதிகாலை காரில் உடுமலைக்கு புறப்பட்டனர். காரை செல்வகுமார்(25) என்பவர் ஓட்டினார். அந்த கார் காமநாயக்கன்பாளையம் அருகே வாவிபாளையம் பி.ஏ.பி.வாய்க்கால் அருகே அதிகாலை 5.30 மணியளவில் சென்ற போது எதிரே வந்த மற்றொரு கார் மீது மோதியது. இதில் ரேணுகாதேவி வந்த கார் நொறுங்கியது. 2 கார்களில் இருந்தவர்களும் அலறினார்கள். விபத்தை பார்த்து அந்த வழியாக வந்தவர்கள் மீட்பு பணியில் ஈடுபட்டனர். கார் நொறுங்கியதால் ரேணுகாதேவி உள்ளிட்ட 3 பேரையும் மீட்க முடியவில்லை.

இது குறித்து தகவல் அறிந்ததும் காமநாயக்கன்பாளையம் போலீசாரும், பல்லடம் தீயணைப்பு வீரர்களும் சம்பவ இடத்துக்கு விரைந்து சென்றனர். அவர்கள் காருக்குள் சிக்கிய ரேணுகாதேவி, சுபாஷ், டிரைவர் செல்வக்குமார் ஆகிய 3 பேரையும் மீட்டனர். பின்னர் அவர்களை சிகிச்சைக்காக பல்லடம் அரசு ஆஸ்பத்திரிக்கு அனுப்பி வைத்தனர். ஆஸ்பத்திரிக்கு செல்லும் வழியில் ரேணுகாதேவி பரிதாபமாக இறந்தார். காயம் அடைந்த அவரது மகன் சுபாஷ், டிரைவர் செல்வகுமார் ஆகிய இருவரும் பல்லடம் அரசு ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார்கள். மற்றொரு காரில் வந்தவர்கள் உடுமலையை சேர்ந்த ஓட்டல் உரிமையாளர் பார்த்தசாரதி(47), அவரது தாய் சாவித்திரி(65), மனைவி அய்யம்மாள்(45) உள்பட 6 பேர் ஆவார்கள். காரை பார்த்தசாரதியே ஓட்டி வந்து உள்ளார். இவர்கள் உடுமலையில் இருந்து திருப்பதிக்கு செல்லும் வழியில் விபத்தில் சிக்கி கொண்டனர். இவர்கள் 6 பேருக்கும் லேசான காயம் ஏற்பட் டது. அவர்களும் பல்லடம் அரசு ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார்கள்.

இந்த விபத்து குறித்து காமநாயக்கன்பாளையம் போலீசார் வழக்கு பதிவு செய்து விசாரணை நடத்தி வருகின்றனர்.

தொடர்புடைய செய்திகள்

1. சிவகாசியில், திருமண மண்டப சுவர் இடிந்து இடிபாடுகளில் புதைந்த பெண் பலி - 5 பெண்கள் படுகாயத்துடன் மீட்பு
சிவகாசியில் திருமண மண்டப சுவர் இடிந்து விழுந்ததில் இடிபாடுகளுக்குள் உயிரோடு புதைந்த பெண் பரிதாபமாக இறந்தார். படுகாயத்துடன் மீட்கப்பட்ட மேலும் 5 பெண்களுக்கு தீவிர சிகிச்சை அளிக்கப்பட்டு வருகிறது.
2. யானை தாக்கியதில் பலியான, பெண்ணின் உடலை வாங்க மறுத்து உறவினர்கள், பொதுமக்கள் போராட்டம்
யானை தாக்கியதில் பலியான பெண்ணின் உடலை வாங்க மறுத்து அவரின் உறவினர்கள், பொதுமக்கள் போராட்டத்தில் ஈடுபட்டனர். இதனால் திண்டுக்கல் அரசு மருத்துவமனையில் பரபரப்பு ஏற்பட்டது.
3. போலீஸ் வாகனம் மோதி விபத்து: மேலும் ஒரு பெண் பரிதாப சாவு
கடையநல்லூர் அருகே போலீஸ் வாகனம் மோதிய விபத்தில் மேலும் ஒரு பெண் பரிதாபமாக உயிரிழந்தார்.
4. கள்ளக்குறிச்சியில் போலீசார் வாகன சோதனை: மோட்டார் சைக்கிளில் இருந்து தவறி விழுந்த பெண் சாவு
கள்ளக்குறிச்சியில் போலீசார் வாகன சோதனையில் ஈடுபட்டபோது, மோட்டார் சைக்கிளில் இருந்து தவறி விழுந்த பெண் பரிதாபமாக உயிரிழந்தார். இதனால் ஆத்திரமடைந்த அவரது உறவினர்கள் போலீசாரை கண்டித்து சாலை மறியலில் ஈடுபட்டதால் பரபரப்பு ஏற்பட்டது.
5. விழுப்புரம் அருகே, மின்னல் தாக்கி பெண் பலி - 2 பேர் படுகாயம்
விழுப்புரம் அருகே மின்னல் தாக்கியதில் பெண் பலியானார். 2 பேர் பலத்த காயமடைந்தனர்.

அதிகம் வாசிக்கப்பட்டவை