மாவட்ட செய்திகள்

காதல் விவகாரத்தில் பெண் வீட்டார் மிரட்டியதால் என்ஜினீயரின் தாய் தற்கொலை வழக்கில் 3 பேர் கைது + "||" + Woman is home in love affair Engineer's mother arrested for threatening suicide

காதல் விவகாரத்தில் பெண் வீட்டார் மிரட்டியதால் என்ஜினீயரின் தாய் தற்கொலை வழக்கில் 3 பேர் கைது

காதல் விவகாரத்தில் பெண் வீட்டார் மிரட்டியதால் என்ஜினீயரின் தாய் தற்கொலை வழக்கில் 3 பேர் கைது
காதல் விவகாரத்தில் பெண் வீட்டார் மிரட்டியதால் மனமுடைந்த என்ஜினீயர் தாய் தற்கொலை செய்து கொண்டார். இந்த வழக்கில் பெண்ணின் குடும்பத்தை சேர்ந்த 3 பேரை போலீசார் கைது செய்தனர்.
பத்மநாபபுரம்,

தக்கலை அருகே பள்ளியாடி தட்டுவிளை பகுதியை சேர்ந்தவர் ராஜன். இவருடைய மனைவி கனகம். இவர்களுடைய மகன் ஆஸ்டின் சந்துரு, சென்னையில் சாப்ட்வேர் நிறுவனத்தில் என்ஜினீயராக பணிபுரிந்து வருகிறார். இவருக்கும், ஷியாம் என்பவருடைய மகளுக்கும் காதல் ஏற்பட்டது. அவர் டாக்டராக உள்ளார்.


தூரத்து உறவுமுறையில் ஆஸ்டின் சந்துருவும், டாக்்டரும் அண்ணன், தங்கை என்று கூறப்படுகிறது. இதனால் காதலுக்கு பெற்றோர் எதிர்ப்பு தெரிவித்தனர். இந்தநிலையில் பெண் டாக்டருடன், ஆஸ்டின் சந்துரு வீட்டை விட்டு வெளியேறி திருமணம் செய்து கொண்டார்.

தாய் தற்கொலை

இதனையடுத்து பெண் வீட்டார் ஆஸ்டின் சந்துரு வீட்டுக்கு சென்றனர். அங்கு, அவருடைய தாயார் கனகத்தை கண்டபடி பேசியதாகவும், மிரட்டியதாகவும் தெரிகிறது. மனமுடைந்த கனகம் சில நாட்களுக்கு முன்பு வீட்டில் இருந்த திராவகத்தை குடித்து விட்டார்.

உடனே அக்கம் பக்கத்தினர் அவரை மீட்டு சிகிச்சைக்காக திருவனந்தபுரம் ஆஸ்பத்திரிக்கு கொண்டு சென்றனர். அங்கு சிகிச்சை பலனின்றி அவர் பரிதாபமாக இறந்தார்.

3 பேர் கைது

இதுதொடர்பாக பெண்ணின் தந்தை ஷியாம், தாய் ஜெயந்தி, உறவினர்கள் குமார், அவருடைய மனைவி செல்வராணி ஆகியோர் மீது தற்கொலைக்கு தூண்டியதாக தக்கலை போலீசார் வழக்குப்பதிவு செய்தனர். இதனை அறிந்த அவர்கள் தலைமறைவாகி விட்டனர்.

இந்தநிலையில் ஷியாம், குமார், செல்வராணியை போலீசார் கைது செய்தனர். இதில் கைதான குமார், ம.தி.மு.க. மாவட்ட இளைஞரணி பிரமுகராக உள்ளார் என்பது குறிப்பிடத்தக்கது. 

தொடர்புடைய செய்திகள்

1. பெண்களிடம் சங்கிலி பறித்த வாலிபர் கைது
திருச்சியில் பெண்களிடம் சங்கிலி பறித்த வாலிபரை போலீசார் கைது செய்தனர்.
2. திருமாவளவனுக்கு கொலை மிரட்டல் விடுத்தவரை கைது செய்யக்கோரி விடுதலை சிறுத்தைகள் கட்சியினர் சாலை மறியல்
திருமாவளவனுக்கு கொலை மிரட்டல் விடுத்தவரை கைது செய்யக்கோரி விடுதலை சிறுத்தைகள் கட்சியினர் சாலை மறியலில் ஈடுபட்டதால் போக்குவரத்து பாதிக்கப்பட்டது.
3. வேலை கேட்பது போல் நடித்து பூட்டிய வீடுகளில் கைவரிசை காட்டிய தாய், மகன் கைது
வளசரவாக்கத்தில் வீடுகளின் பூட்டை உடைத்து தொடர் கொள்ளையில் ஈடுபட்டு வந்த தாய், மகன் இருவரையும் போலீசார் கைது செய்தனர்.
4. ஓமலூர் அருகே 17 வயது சிறுமியை கடத்தி பாலியல் பலாத்காரம் கூலித்தொழிலாளி கைது
ஓமலூர் அருகே 17 வயது சிறுமியை ஆசை வார்த்தை கூறி கடத்தி சென்று பாலியல் பலாத்காரம் செய்ததாக கூலித்தொழிலாளியை போலீசார் கைது செய்தனர்.
5. சொத்தை பிரித்து தராததால் ஆத்திரம்: தந்தை, தங்கையை கொலை செய்ய முயன்ற விவசாயி கைது
சொத்தை பிரித்து தராததால் ஆத்திரம் அடைந்து தந்தை, தங்கையை கொலை செய்ய முயன்ற விவசாயியை போலீசார் கைது செய்தனர்.