மாவட்ட செய்திகள்

டாஸ்மாக் கடையை அகற்றக்கோரி சேலம் கலெக்டர் அலுவலகத்தை பொதுமக்கள் முற்றுகை + "||" + Public siege of Salem collector's office for removal of task force

டாஸ்மாக் கடையை அகற்றக்கோரி சேலம் கலெக்டர் அலுவலகத்தை பொதுமக்கள் முற்றுகை

டாஸ்மாக் கடையை அகற்றக்கோரி சேலம் கலெக்டர் அலுவலகத்தை பொதுமக்கள் முற்றுகை
சேலத்தில் டாஸ்மாக் கடையை அகற்றக்கோரி கலெக்டர் அலுவலகத்தை பொதுமக்கள் முற்றுகையிட்டனர்.
சேலம்,

சேலம் மாநகராட்சி 45-வது வார்டுக்கு உட்பட்ட குகை பஞ்சதாங்கி ஏரி, எம்.ஜி.ஆர். நகர் பகுதிகளில் ஆயிரத்திற்கும் மேற்பட்ட குடியிருப்புகள் உள்ளன. இந்த பகுதியில் நிலவும் சுகாதார சீர்கேட்டை சரி செய்ய வேண்டும், சிவனார் தெருவில் உள்ள டாஸ்மாக் மதுக்கடையை அகற்றக்கோரியும் நேற்று 100-க்கும் மேற்பட்ட பொதுமக்கள் திரண்டு வந்து மாவட்ட கலெக்டர் அலுவலகத்தை திடீரென முற்றுகையிட்டனர். அங்கு நுழைவு வாயிலில் பாதுகாப்பு பணியில் ஈடுபட்டிருந்த போலீசார், அவர்களை தடுத்து நிறுத்தி விசாரித்தனர்.


அப்போது பொதுமக்கள் தரப்பில் கூறும்போது, குகை பஞ்சதாங்கி ஏரி பகுதியில் சாக்கடை கால்வாயில் கழிவுநீர் தேங்குவதால் கொசுக்கள் உற்பத்தியாகி டெங்கு உள்ளிட்ட காய்ச்சல் பரவுகிறது. சுகாதார பணிகள் சரிவர மேற்கொள்வது இல்லை. இதை சீர் செய்யவும், குடியிருப்புகள் மத்தியில் உள்ள டாஸ்மாக் கடையை இடமாற்றம் செய்ய வேண்டும் என வலியுறுத்தியும் ஏற்கனவே பல்வேறு போராட்டங்களில் ஈடுபட்டுள்ளோம். ஆனால் அதிகாரிகள் உரிய நடவடிக்கை எடுக்கவில்லை. இதனால் கலெக்டரை சந்தித்து மனு கொடுக்க வந்துள்ளோம், என்றனர்.

கலெக்டரிடம் மனு

இதைத்தொடர்ந்து 45-வது வார்டு குகை ஓபுளி செட்டி தெருவை சேர்ந்த ஆட்டோ ராஜா என்பவரது தலைமையில் பொதுமக்கள் கலெக்டரை சந்தித்து ஒரு கோரிக்கை மனுவை அளித்தனர். அதில், கூறியிருப்பதாவது:-

சேலம் குகை பஞ்சதாங்கி ஏரி பகுதியில் நரிக்குறவர்கள் உள்பட ஆயிரத்திற்கும் மேற்பட்ட குடியிருப்புகள் உள்ளன. ஆனால் சுகாதார பணிகள் சரிவர நடைபெறாமல் உள்ளதால் கொசுக்கள் உற்பத்தியாகி காய்ச்சலால் நிறைய நபர்கள் பாதிக்கப்பட்டுள்ளனர். தெருக்களில் கொசு ஒழிப்பு மருந்து தெளிக்கவில்லை. எனவே, அடிப்படை வசதிகளை செய்து கொடுக்க உரிய நடவடிக்கை எடுக்க வேண்டும்.

மேலும், சிவனார் தெருவில் உள்ள டாஸ்மாக் மதுக்கடையால் சமூக விரோத செயல்கள் நடைபெற்று வருகிறது. இப்பகுதியில் குடியிருக்கும் பொதுமக்கள், வீட்டை விட்டு வெளியே வர பயப்படுகின்றனர். வியாபாரிகள் பாதிக்கப்படுகிறார்கள். குறிப்பாக பெண்கள் அந்த வழியாக நடந்து செல்ல முடியாத சூழ்நிலை உருவாகியுள்ளது.

டாஸ்மாக் கடை

ஏற்கனவே, குடியிருப்புகள் பகுதியில் உள்ள டாஸ்மாக் கடையை இடமாற்றம் செய்யக்கோரி பலமுறை மனு அளித்தும் இதுவரை நடவடிக்கை எடுக்கவில்லை. எனவே, பொதுமக்களுக்கு இடையூறாக உள்ள அந்த மதுக்கடையை அகற்ற உரிய நடவடிக்கை எடுக்க வேண்டும்.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. திருப்பத்தூர் அருகே குடிநீர் வழங்காததை கண்டித்து காலிக்குடங்களுடன் பொதுமக்கள் மறியல்
திருப்பத்தூர் அருகே குடிநீர் வழங்காததை கண்டித்து பொதுமக்கள் காலிக்குடங்களுடன் சாலைமறியல் போராட்டத்தில் ஈடுபட்டனர்.
2. அரசு நிலத்தை வனத்துறையிடம் ஒப்படைக்க எதிர்ப்பு அதிகாரிகளை பொதுமக்கள் முற்றுகை
தடிக்காரன்கோணம் ஊராட்சியில் அரசு நிலத்தை வனத்துறையிடம் ஒப்படைக்க எதிர்ப்பு தெரிவித்து பொதுமக்கள் அதிகாரிகளை முற்றுகையிட்டனர்.
3. சுடுகாட்டுக்கு பாதை கேட்டு பிணத்துடன் போலீஸ் நிலையத்தை முற்றுகையிட்டு பொதுமக்கள் போராட்டம்
சுடுகாட்டுக்கு பாதை வசதி கேட்டு பிணத்துடன் போலீஸ் நிலையத்தை முற்றுகையிட்டு பொதுமக்கள் போராட்டம் நடத்தினர்.
4. சேலம் செவ்வாய்பேட்டையில் சாலையை சீரமைக்க கோரி பொதுமக்கள் மறியல்
சேலம் செவ்வாய்பேட்டையில் சாலையை சீரமைக்க கோரி பொதுமக்கள் மறியல் போராட்டத்தில் ஈடுபட்டதால் போக்குவரத்து பாதிக்கப்பட்டது.
5. வீட்டுமனைபட்டா வழங்கக்கோரி திருவள்ளூர் கலெக்டர் அலுவலகம் முற்றுகை
வீட்டுமனைபட்டா வழங்கக்கோரி திருவள்ளூர் கலெக்டர் அலுவலகம் முற்றுகையிடப்பட்டது.