மாவட்ட செய்திகள்

சென்னை திருவேற்காடு அருகே வீடுகளுக்குள் மழைநீர் புகுந்தது பொதுமக்கள் சாலை மறியல் + "||" + Chennai Rainwater flooded into homes Public road blockade

சென்னை திருவேற்காடு அருகே வீடுகளுக்குள் மழைநீர் புகுந்தது பொதுமக்கள் சாலை மறியல்

சென்னை திருவேற்காடு அருகே வீடுகளுக்குள் மழைநீர் புகுந்தது பொதுமக்கள் சாலை மறியல்
திருவேற்காடு அருகே வீடுகளுக்குள் மழைநீருடன் கழிவுநீரும் புகுந்ததால் ஆத்திரம் அடைந்த பொதுமக்கள் சாலை மறியலில் ஈடுபட்டனர்.
பூந்தமல்லி,

சென்னை மற்றும் புறநகர் பகுதியில் நேற்று முன்தினம் இரவு முதல் விடிய விடிய பலத்த மழை பெய்தது. இதனால் திருவேற்காடு நகராட்சிக்கு உட்பட்ட அயனம்பாக்கம் அம்பேத்கர் தெருவில் உள்ள மழைநீர் கால்வாயில் வெள்ளம் பெருக்கெடுத்து ஓடியது.


அந்த பகுதியில் உள்ள மழைநீர் கால்வாயில் பராமரிப்பு பணிகள் முடியாததால், மழைநீர் செல்ல வழியின்றி கால்வாயில் இருந்து வெளியேறி தெருக்களில் வழிந்தோடியதுடன், அந்த பகுதியில் உள்ள சில வீடுகளுக்குள்ளும் புகுந்தது. மழைநீருடன் கழிவுநீரும் கலந்து வந்ததால் துர்நாற்றம் வீசியது.

இதனால் அந்த வீடுகளில் இருந்தவர்கள், பொருட்களை எடுத்துக்கொண்டு வெளியேறி தங்கள் உறவினர்கள் வீடுகளில் தஞ்சம் அடைந்தனர்.

இது குறித்து தகவல் தெரிவித்தும் அதிகாரிகள் யாரும் வராததால் ஆத்திரமடைந்த அப்பகுதி மக்கள், அம்பத்தூர்–வானகரம் சாலையில் திடீரென மறியலில் ஈடுபட்டனர். சாலையின் குறுக்கே கல் மற்றும் மரக்கட்டைகளை அடுக்கி வைத்ததால் அந்த பகுதியில் போக்குவரத்து பாதிக்கப்பட்டது.

இதுபற்றி தகவல் அறிந்துவந்த பூந்தமல்லி தாசில்தார் காந்திமதி மற்றும் நகராட்சி அதிகாரிகள் பேச்சுவார்த்தையில் ஈடுபட்டனர். டெங்கு காய்ச்சல் பரவி வரும் நேரத்தில் கழிவுநீருடன் மழைநீர் வீடுகளுக்குள் புகுந்ததால் குழந்தைகளுடன் அவதிப்படுகிற£ம். இதுபற்றி அதிகாரிகள் கண்டுகொள்ளவில்லை என பொதுமக்கள் தெரிவித்தனர்.

மழைநீர் கால்வாய் வேகமாக சரிசெய்யப்படும் என அதிகாரிகள் உறுதி அளித்தனர். ஆனாலும் அதை ஏற்க மறுத்த பொதுமக்கள், அதிகாரிகளுடன் வாக்குவாதத்தில் ஈடுபட்டனர். சாலை மறியல் காரணமாக அந்த பகுதியில் போக்குவரத்து நெரிசல் ஏற்பட்டதால் வாகனங்கள் மாற்றுப்பாதையில் திருப்பி விடப்பட்டன.

நீண்டநேர பேச்சுவார்த்தைக்கு பிறகு சாலை மறியலை கைவிட்டு பொதுமக்கள், அங்கிருந்து கலைந்து சென்றனர். இதனால் அந்த பகுதியில் சுமார் 4 மணிநேரம் போக்குவரத்து பாதிக்கப்பட்டது.

தொடர்புடைய செய்திகள்

1. சென்னையில் கொரோனா பாதிப்பு சமூக பரவலாக மாறவில்லை- சென்னை மாநகராட்சி ஆணையர்
சென்னையில் கொரோனா பாதிப்பு சமூக பரவலாக மாறவில்லை என சென்னை மாநகராட்சி ஆணையர் பிராகாஷ் கூறி உள்ளார்.
2. சென்னையில் முதல் முறையாக ஆளில்லா விமானம் மூலம் கிருமி நாசினி தெளித்து பரிசோதனை
சென்னையில் முதல் தடவையாக இயற்கை முறையிலான கிருமி நாசினி ஆளில்லா விமானம் மூலம் தெளித்து பரிசோதனை செய்யப்பட்டது. இந்த கிருமி நாசினி மனிதர்கள் மீது பட்டாலும் பக்க விளைவுகள் கிடையாது.
3. சென்னையில் மண்டல வாரியாக கொரோனாவுக்கு சிகிச்சை பெற்று வருபவர்கள் பட்டியல் - சென்னை மாநகராட்சி வெளியீடு
சென்னையில், மண்டல வாரியாக கொரோனா பாதிப்புக்குள்ளாகி மருத்துவமனைகளில் சிகிச்சை பெற்று வருபவர்களின் பட்டியலை சென்னை மாநகராட்சி வெளியிட்டுள்ளது.
4. சென்னையில் 3.65 லட்சம் பேர் வீட்டு தனிமை - மாநகராட்சி கமிஷனர் தகவல்
சென்னையில் 7 லட்சம் பேருக்கு காய்ச்சல் பரிசோதனை செய்யப்பட்டு உள்ளது என்றும், 3 லட்சத்து 65 ஆயிரம் பேர் வீட்டு தனிமையில் இருக்கின்றனர் என்றும் மாநகராட்சி கமிஷனர் கோ.பிரகாஷ் தகவல் தெரிவித்துள்ளார்.
5. சென்னையில் மீண்டும் பெருவெள்ளம் ஏற்பட வாய்ப்பு - ஐ.ஐ.டி. ஆராய்ச்சியில் தகவல்
பசுமை இல்ல வாயுக்களை அதிகம் வெளியேற்றுவதால் சென்னையில் மீண்டும் பெருவெள்ளம் ஏற்பட வாய்ப்பு இருப்பதாக ஐ.ஐ.டி. ஆராய்ச்சியாளர்கள் தெரிவிக்கின்றனர்.