மாவட்ட செய்திகள்

ஆடு மேய்க்க சென்ற விவசாயி வெட்டிக்கொலை + "||" + The goat went to feed Killing the farmer

ஆடு மேய்க்க சென்ற விவசாயி வெட்டிக்கொலை

ஆடு மேய்க்க சென்ற விவசாயி வெட்டிக்கொலை
ஓசூர் அருகே ஆடு மேய்க்க சென்ற விவசாயி வெட்டிக்கொலை செய்யப்பட்ட சம்பவம் பரபரப்பை ஏற்படுத்தி உள்ளது.
ஓசூர், 

கிரு‌‌ஷ்ணகிரி மாவட்டம் ஓசூர் அருகே உள்ளது நல்லூர் அக்ரஹாரம். இந்த பகுதியை சேர்ந்தவர் வெங்கடப்பா (வயது 65). விவசாயி. மேலும், இவர் 30 ஆடுகளை வளர்த்து வந்தார். இந்தநிலையில் நேற்று வெங்கடப்பா வழக்கம் போல ஆடுகளை மேய்ச்சலுக்காக அழைத்து சென்றார். மாலை நீண்ட நேரமாகியும் அவர் வீட்டிற்கு வரவில்லை. இதனால் சந்தேகம் அடைந்த வெங்கடப்பாவின் குடும்பத்தினர் அவரை தேடி சென்றனர்.

அப்போது அருகில் உள்ள பேகேப்பள்ளி என்னும் கிராமத்தில் வனப்பகுதியையொட்டி ரத்த வெள்ளத்தில் வெங்கடப்பா பிணமாக கிடந்தார். இதைப் பார்த்து அதிர்ச்சி அடைந்த அவரது குடும்பத்தினர் கதறி அழுதனர். இது தொடர்பாக அப்பகுதி மக்கள் ஓசூர் சிப்காட் போலீசாருக்கு தகவல் கொடுத்தனர்.

அதன்பேரில் போலீசார் சம்பவ இடத்திற்கு விரைந்து சென்று வெங்கடப்பாவின் உடலை கைப்பற்றி விசாரணை நடத்தினர். இதற்கிடையே ஓசூர் துணை போலீஸ் சூப்பிரண்டு மீனாட்சியும் அங்கு சென்று விசாரணை மேற்கொண்டார். போலீசார் நடத்திய விசாரணையில், வெங்கடப்பாவை மர்ம நபர்கள் அரிவாளால் வெட்டிக்கொலை செய்து விட்டு தப்பி ஓடியது தெரியவந்தது. இதைத் தொடர்ந்து அவரது உடலை மீட்டு பிரேத பரிசோதனைக்காக ஓசூர் அரசு ஆஸ்பத்திரிக்கு அனுப்பி வைத்தனர்.

மேலும், வெங்கடப்பா எதற்காக கொலை செய்யப்பட்டார்? அவரை கொலை செய்த மர்ம நபர்கள் யார்? என்பது குறித்து போலீசார் வழக்குப்பதிவு செய்து விசாரணை நடத்தி வருகின்றனர். ஆடு மேய்க்க சென்ற போது விவசாயி வெட்டிக்கொலை செய்யப்பட்ட சம்பவம் ஓசூர் அருகே பரபரப்பை ஏற்படுத்தி உள்ளது.

தொடர்புடைய செய்திகள்

1. கோவில் கட்டும் பிரச்சினையில் விவசாயி வெட்டிக்கொலை பதற்றம் நீடிப்பதால் போலீஸ் பாதுகாப்பு
திருமானூர் அருகே கோவில் கட்டும் பிரச்சினையில் விவசாயி சரமாரியாக வெட்டிக்கொலை செய்யப்பட்டதால் அப்பகுதியில் பதற்றம் நீடிக்கிறது. இதனால் அப்பகுதியில் போலீஸ் பாதுகாப்பு போடப்பட்டுள்ளது.
2. சொத்தை பிரித்து தராததால் ஆத்திரம்: தந்தை, தங்கையை கொலை செய்ய முயன்ற விவசாயி கைது
சொத்தை பிரித்து தராததால் ஆத்திரம் அடைந்து தந்தை, தங்கையை கொலை செய்ய முயன்ற விவசாயியை போலீசார் கைது செய்தனர்.
3. பண்ருட்டியில் பட்டப்பகலில் துணிகரம், விவசாயியின் மோட்டார் சைக்கிள் பெட்டியை உடைத்து ரூ.77 ஆயிரம் திருட்டு
பண்ருட்டியில் பட்டப்பகலில் விவசாயியின் மோட்டார் சைக்கிள் பெட்டியை உடைத்து ரூ.77 ஆயிரத்தை திருடிச்சென்ற மர்மநபரை போலீசார் வலைவீசி தேடி வருகின்றனர்.
4. சிமெண்டு ஆலையில் வேலை கொடுக்கவில்லை என்றால் தீக்குளிப்போம் கருத்து கேட்பு கூட்டத்தில் விவசாயி கதறல்
ஆனந்தவாடி கிராமத்தில் சுண்ணாம்பு சுரங்கம் அமைக்க நிலம் கொடுத்தவர்களுக்கு வேலை கொடுக்கவில்லை என்றால் தீக்குளிப்போம் என்று கருத்துகேட்பு கூட்டத்தில் விவசாயி கதறி அழுதார்.
5. விவசாயிக்கு அரிவாள் வெட்டு: மைத்துனர் உள்பட 2 பேருக்கு 3 ஆண்டு ஜெயில் தண்டனை
விவசாயியை அரிவாளால் வெட்டிய மைத்துனர் உள்பட 2 பேருக்கு 3 ஆண்டு ஜெயில் தண்டனை விதித்து தென்காசி கோர்ட்டு தீர்ப்பு கூறியது.