மாவட்ட செய்திகள்

தஞ்சை மாவட்டத்தில் 4-வது நாளாக மழை நீடிப்பு அதிராம்பட்டினத்தில் அதிகபட்சமாக 57 மி.மீ. பதிவானது + "||" + The maximum rainfall in Thanjavur district is 4 mm. Recorded

தஞ்சை மாவட்டத்தில் 4-வது நாளாக மழை நீடிப்பு அதிராம்பட்டினத்தில் அதிகபட்சமாக 57 மி.மீ. பதிவானது

தஞ்சை மாவட்டத்தில் 4-வது நாளாக மழை நீடிப்பு அதிராம்பட்டினத்தில் அதிகபட்சமாக 57 மி.மீ. பதிவானது
தஞ்சை மாவட்டத்தில் 4-வது நாளாக மழை நீடித்தது. அதிராம்பட்டினத்தில் அதிகபட்சமாக 57 மி.மீ. மழை பதிவானது.
தஞ்சாவூர்,

தமிழகத்தில் வடகிழக்குப்பருவமழை தீவிரமடைந்து வருகின்றன. இதையடுத்து தஞ்சை மாவட்டத்தில் கடந்த சில நாட்களாக மழை பெய்து வருகின்றன. நேற்று காலை மழை இன்றி காணப்பட்டது. இந்த நிலையில் காலை 11.30 மணி அளவில் மழை பெய்யத்தொடங்கியது. நேற்று 4-வது நாளாக அரைமணி நேரத்திற்கும் மேலாக மழை பெய்தது.


இதனால் சாலைகளில் மழைநீர் பெருக்கெடுத்து ஒடியது. தாழ்வான பகுதியில் மழைநீர் தேங்கி காணப்பட்டது. தொடர்ந்து வானம் மேகமூட்டத்துடன் காட்சி அளித்தது. இதேபோல் கும்பகோணம், பட்டுக்கோட்டை, ஒரத்தநாடு, திருவையாறு, பேராவூரணி, பாபநாசம் உள்ளிட்ட பகுதிகளிலும் பரவலாக மழை பெய்தது.

மழை அளவு

தஞ்சை மாவட்டத்தில் தற்போது விவசாயிகள் சம்பா, தாளடி சாகுபடி பணிகளில் ஈடுபட்டு வருகிறார்கள். இந்த நிலையில் மழை பெய்து வருவது விவசாயிகளுக்கு மகிழ்ச்சியை ஏற்படுத்தி உள்ளது. இருப்பினும் தற்போது நடவு செய்யப்பட்டுள்ள வயல்களில் மழைநீர் தேங்கி நிற்பதால் பயிர்கள் மூழ்கும் அபாயம் உள்ளது.

நேற்று காலை 8 மணியுடன் முடிவடைந்த 24 மணி நேரத்தில் தஞ்சை மாவட்டத்தில் பெய்த மழை அளவு மில்லி மீட்டரில் வருமாறு:-

அதிராம்பட்டினம் 57, மதுக்கூர் 55, குருங்குளம் 53, பூதலூர் 49, வெட்டிக்காடு 47, பேராவூரணி 44, வல்லம் 44, திருக்காட்டுப்பள்ளி 42, ஈச்சன் விடுதி 40, பட்டுக்கோட்டை 39, மஞ்சளாறு 30, திருவையாறு 27, பாபநாசம் 27, நெய்வாசல்தென்பாதி 22, கும்பகோணம் 18, அய்யம்பேட்டை 15, தஞ்சை 14, கல்லணை 14, அணைக்கரை 14, திருவிடைமருதூர் 13, ஒரத்தநாடு 10.

தொடர்புடைய செய்திகள்

1. ஆஸ்திரேலியாவில் திடீர் மழை ; காட்டுத்தீயின் தாக்கம் குறைகிறது
ஆஸ்திரேலிய நாட்டில் அதன் தென் பகுதியிலும், நியூசவுத் வேல்ஸ், விக்டோரியா கடற்கரையையொட்டிய பகுதிகளிலும் கடந்த செப்டம்பர் மாதம் முதல் காட்டுத்தீ தொடர்ந்து பரவி வருகிறது.
2. டெல்டா பகுதியில் கொட்டிய மழை: அறுவடைக்கு தயாரான நெற்பயிர்கள் சாய்ந்தன - விவசாயிகள் கவலை
டெல்டா பகுதியில் கொட்டிய மழையால் அறுவடைக்கு தயாரான நெற்பயிர்கள் வயலில் சாய்ந்துவிட்டன. இதனால் விவசாயிகள் கவலையடைந்துள்ளனர்.
3. நீர்ப்பிடிப்பு பகுதியில் பரவலாக மழை: நிரம்பி வரும் அணைகள்; விவசாயிகள் மகிழ்ச்சி
நெல்லை, தென்காசி மாவட்டங்களில் நீர்ப்பிடிப்பு பகுதியில் பரவலாக மழை பெய்ததால் அணைகள் நிரம்பி வருகின்றன. இது விவசாயிகள் மத்தியில் மகிழ்ச்சியை ஏற்படுத்தியுள்ளது.
4. தமிழகத்தில் இன்று காலை பரவலாக மழை
தமிழகத்தின் சில மாவட்டங்களில் இன்று காலை முதல் பரவலாக மழை பெய்து வருகிறது.
5. கடலோர மாவட்டங்களில் மழைக்கு வாய்ப்பு - சென்னை வானிலை ஆய்வு மையம் தகவல்
வளிமண்டல சுழற்சி காரணமாக தமிழகத்தின் கடலோர மாவட்டங்களில் மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.