மாவட்ட செய்திகள்

பேராவூரணி நீலகண்டபுரம் ரெயில்வே கீழ்பாலம் பணிகளை விரைந்து முடிக்க வேண்டும் பொதுமக்கள் கோரிக்கை + "||" + Public demand for speeding of Neelakandapuram railway bridge

பேராவூரணி நீலகண்டபுரம் ரெயில்வே கீழ்பாலம் பணிகளை விரைந்து முடிக்க வேண்டும் பொதுமக்கள் கோரிக்கை

பேராவூரணி நீலகண்டபுரம் ரெயில்வே கீழ்பாலம் பணிகளை விரைந்து முடிக்க வேண்டும் பொதுமக்கள் கோரிக்கை
பேராவூரணி நீலகண்டபுரம் ரெயில்வே கீழ்பாலம் பணிகளை விரைந்து முடிக்க வேண்டும் என பொதுமக்கள் கோரிக்கை விடுத்துள்ளனர்.
பேராவூரணி,

பேராவூரணியில் புதிய பஸ் நிலையம் அருகில் நீலகண்டபுரம் செல்லும் ரெயில்வே கேட் நீண்ட நாட்களாக பழக்கத்தில் இருந்து வருகிறது. இந்தநிலையில் இந்த ரெயில்வே கேட்டை நடைபெற்று முடிந்த காரைக்குடி-திருவாரூர் அகல ரெயில் பாதை சீரமைப்பின் போது நிரந்தரமாக மூடுவதாக ரெயில்வேதுறை முடிவு செய்தது. இதனை எதிர்த்து அந்த பகுதியில் உள்ள பொதுமக்கள் மற்றும் அந்த வழியாக செல்லக்கூடிய கழனிவாசல், கொரட்டூர், சோழகனார்வயல், ஆதனூர், மணக்காடு உள்ளிட்ட 30-க்கும் மேற்பட்ட கிராம மக்கள் பல்வேறு கட்ட போராட்டங்கள் நடத்தினர். ரெயில்வே உபயோகிப்பாளர்கள் கூட்டமைப்பு சங்கம் ஏற்படுத்தி அவர்கள் மூலம் மத்திய, மாநில அமைச்சர்கள், ரெயில்வே துறை அதிகாரிகள் ஆகியோரை சந்தித்து மனு அளித்தனர்.


பாலம் கட்டுமான பணிகள்

தொடர்ந்து தஞ்சை மாவட்ட கலெக்டர், கோவிந்தராசு எம்.எல்.ஏ., வைத்திலிங்கம் எம்.பி. திருச்சி சிவா எம்.பி. ஆகியோரை சந்தித்து வலியுறுத்தினர். பலரின் கோரிக்கை ஏற்று நீலகண்டபுரத்தில் ரெயில்வே கீழ்பாலம் அமைக்க ரெயில்வே உயர்அதிகாரிகள் ஒப்புதல் அளித்தனர். அதன்பின்னர் கடந்த ஆண்டு (2018) ஆகஸ்ட் மாதம் இதற்கான பணிகள் தொடங்கப்பட்டன.

இந்த பணிகள் ஆமை வேகத்தில் நடைபெற்று வருகின்றன. இந்த பணிகள் இன்னும் முடியாததால் அவசர காலங்களில் ஆம்புலன்ஸ், தீயணைப்பு வாகனங்கள் செல்ல முடியாத நிலை உள்ளது. இப்பகுதியில் உள்ள விவசாயிகள், மாணவ-மாணவிகள், வேலைக்கு செல்பவர்கள் என 30-க்கும் மேற்பட்ட கிராம மக்கள் 2 கிலோ மீட்டர் தூரம் சுற்றி செல்கின்றனர்.

அதிகாரிகள் நடவடிக்கை

தற்போது பேராவூரணி பகுதியில் மழை பெய்து வருகிறது. இந்த மழை தண்ணீர் கீழ்பாலத்தில் தேங்கி குளம்போல் காட்சி அளிக்கிறது. போக்குவரத்து மற்றும் நடந்து செல்வதற்கு கூட இந்த பாதை பயனற்ற நிலையில் உள்ளது. எனவே நீலகண்டபுரம் ரெயில்வே கீழ்பாலம் அமைக்கும் பணிகளை விரைந்து முடிக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

பாலம் பணிகளை விரைந்து முடித்து பயன்பாட்டிற்கு கொண்டு வரவில்லையென்றால் ரெயில்வே உபயோகிப்பாளர்கள் சங்கம் மற்றும் பேராவூரணி பொதுமக்கள் சார்பில் ரெயில் மறியல் போராட்டத்தில் ஈடுபடுவதும் என அப்பகுதி மக்கள் முடிவு செய்துள்ளனர்.


தொடர்புடைய செய்திகள்

1. மூடப்பட்ட கூட்டுறவு சர்க்கரை ஆலையை திறக்க வேண்டும் கலெக்டரிடம் கோரிக்கை
மயிலாடுதுறை அருகே மூடப்பட்ட கூட்டுறவு சர்க்கரை ஆலையை திறக்க வேண்டும் என்று கலெக்டரிடம் விடுதலை சிறுத்தைகள் கட்சியினர் கோரிக்கை விடுத்துள்ளனர்.
2. கூட்டத்தில் இருந்து பாதியில் எழுந்து வந்து மாற்றுத்திறனாளி பெண்களிடம் மனு வாங்கிய போலீஸ் சூப்பிரண்டு பொதுமக்கள் பாராட்டு
கூட்டத்தில் இருந்து பாதியில் எழுந்து வந்து மாற்றுத்திறனாளி பெண்களிடம் மனு வாங்கிய போலீஸ் சூப்பிரண்டை பொதுமக்கள் பாராட்டினர்.
3. 2 ஆண்டுகளுக்கு முன்பு மாயமான மத்திய ரிசர்வ் போலீஸ் சப்-இன்ஸ்பெக்டரை மீட்டுத்தர குடும்பத்தினர் கோரிக்கை
2 ஆண்டுகளுக்கு முன்பு மாயமான மத்திய ரிசர்வ் போலீஸ் சப்-இன்ஸ்பெக்டரை மீட்டுத்தர குடும்பத்தினர் அரசுக்கு கோரிக்கை விடுத்து உள்ளனர்.
4. மழையால் பாதிக்கப்பட்ட நெற்பயிர்களை மீண்டும் கணக்கெடுத்து ஏக்கருக்கு ரூ.25 ஆயிரம் நிவாரணம் வழங்க வேண்டும் விவசாயிகள் கோரிக்கை
மழையால் பாதிக்கப்பட்ட நெற்பயிர்களை மீண்டும் கணக்கெடுத்து ஏக்கருக்கு ரூ.25 ஆயிரம் நிவாரணம் வழங்க வேண்டும் என விவசாயிகள் கோரிக்கை விடுத்துள்ளனர்.
5. மூங்கில்துறைப்பட்டு அருகே குளத்தின் கரை உடையும் அபாயம் சீரமைக்க விவசாயிகள் கோரிக்கை
முங்கில்துறைப்பட்டு அருகே உடையும் நிலையில் உள்ள குளத்தின் கரையை சீரமைத்து தரக்கோரி விவசாயிகள் கோரி்க்கை விடுத்து வருகின்றனர்.