மாவட்ட செய்திகள்

வாகன சோதனையின்போது விபத்தில் காயமடைந்த இளம்பெண் தூக்குப்போட்டு தற்கொலை + "||" + Vehicle Testing Injured in the accident Young girl commits suicide by hanging

வாகன சோதனையின்போது விபத்தில் காயமடைந்த இளம்பெண் தூக்குப்போட்டு தற்கொலை

வாகன சோதனையின்போது விபத்தில் காயமடைந்த இளம்பெண் தூக்குப்போட்டு தற்கொலை
செங்குன்றம் அருகே போலீஸ் வாகன சோதனையின்போது ஏற்பட்ட விபத்தில் காயமடைந்த இளம்பெண் தூக்குப்போட்டு தற்கொலை செய்து கொண்டார்.
செங்குன்றம்,

செங்குன்றத்தை அடுத்த பாடியநல்லூர் ஜோதி நகரை சேர்ந்தவர் யஸ்வந்த். இவர் சென்னையில் உள்ள தனியார் நிறுவனத்தில் வேலை செய்து வருகிறார். இவருடைய மனைவி பிரியதர்ஷினி (வயது 22). இவர்களுக்கு கடந்த 4 ஆண்டுகளுக்கு முன்பு திருமணம் நடந்தது.


இந்தநிலையில் கடந்த ஆகஸ்டு மாதம் 20-ந் தேதி செங்குன்றத்தை அடுத்த காந்திநகர் அருகே உள்ள திருவள்ளூர் நெடுஞ்சாலையில் பிரியதர்ஷினி மொபட்டில் வந்தபோது, அங்கு போலீஸ் வாகன சோதனையில் ஈடுபட்டிருந்த ஊர்காவல் படையைச் சேர்ந்த முனி என்பவர் பிரியதர்ஷினியை மறிக்க முயன்றார். இதனால் நிலைத்தடுமாறிய பிரியதர்ஷினி மீது அங்கு வந்த லாரி மோதியது.

இதில் பிரியதர்ஷினிக்கு இரண்டு கால்களில் பலத்த காயம் ஏற்பட்டது. இந்த விபத்தை பார்த்த பொதுமக்கள் முனியின் மோட்டார் சைக்கிளை எரித்தனர். லாரியையும் அடித்து நொறுக்கி சாலை மறியலிலும் ஈடுபட்டனர். இதையடுத்து, பிரியதர்ஷினி சென்னை ஸ்டான்லி மருத்துவமனையில் சிகிச்சை பெற்று வீடு திரும்பினார். இந்த நிலையில் நீண்ட நாட்களாக கால் வலியால் அவதிப்பட்டு வந்த பிரியதர்ஷினி நேற்று முன்தினம் இரவு வீட்டில் தூக்குப்போட்டு தற்கொலை செய்து கொண்டார்.

இதுகுறித்த தகவல் அறிந்து சோழவரம் போலீசார் சம்பவ இடத்திற்கு வந்து பிணத்தை கைப்பற்றி, வழக்கு பதிவு செய்து விசாரணை நடத்தி வருகின்றனர்.

தொடர்புடைய செய்திகள்

1. கள்ளக்குறிச்சியில் வாகன சோதனையின் போது பெண் சாவு: 2-வது நாளாக உறவினர்கள் போராட்டம்
கள்ளக்குறிச்சியில் வாகன சோதனையின்போது பெண் இறந்த சம்பவம் தொடர்பாக, உறவினர்கள் 2-வது நாளாக நேற்று போராட்டத்தில் ஈடுபட்டனர். இதனிடையே சப்-இன்ஸ்பெக்டர்கள் உள்பட 5 பேர் பணியிடை நீக்கம் செய்யப்பட்டனர்.
2. கள்ளக்குறிச்சியில் போலீசார் வாகன சோதனை: மோட்டார் சைக்கிளில் இருந்து தவறி விழுந்த பெண் சாவு
கள்ளக்குறிச்சியில் போலீசார் வாகன சோதனையில் ஈடுபட்டபோது, மோட்டார் சைக்கிளில் இருந்து தவறி விழுந்த பெண் பரிதாபமாக உயிரிழந்தார். இதனால் ஆத்திரமடைந்த அவரது உறவினர்கள் போலீசாரை கண்டித்து சாலை மறியலில் ஈடுபட்டதால் பரபரப்பு ஏற்பட்டது.
3. குடியாத்தம் அருகே, வாகன சோதனையில் சிக்கிய கொள்ளையன் - சித்தூரில் திருடச்சென்றபோது பிடிபட்டார்
குடியாத்தம் அருகே நடந்த வாகன சோதனையில் கர்நாடகாவை சேர்ந்த கொள்ளையனை போலீசார் கைது செய்தனர். நண்பருடன் சித்தூரில் திருடச்சென்றபோது அவர் பிடிபட்டுள்ளார்.
4. அரியானாவில் வாகன சோதனையில் காரில் இருந்து ரூ.1.33 கோடி பறிமுதல்
அரியானாவில் சட்டமன்ற தேர்தலை முன்னிட்டு நடந்த வாகன சோதனையில் காரில் இருந்து ரூ.1.33 கோடி பறிமுதல் செய்யப்பட்டு உள்ளது.
5. நெல்லையில் வாகன சோதனையில் பரபரப்பு: ஆயுதங்களுடன் வந்த கார் சிக்கியது - தப்பி ஓடிய 4 பேருக்கு வலைவீச்சு
நெல்லையில் போலீசாரின் வாகன சோதனையில் ஆயுதங்களுடன் வந்த கார் சிக்கியது. இதுதொடர்பாக தப்பி ஓடிய 4 பேரை வலைவீசி தேடி வருகின்றனர்.