மாவட்ட செய்திகள்

ஜெயங்கொண்டம் அருகே மோட்டார் சைக்கிள் மோதி வியாபாரி பலி மனைவி உள்பட 2 பேர் படுகாயம் + "||" + Two killed including motorcycle collision dealer's wife near Jayankondam

ஜெயங்கொண்டம் அருகே மோட்டார் சைக்கிள் மோதி வியாபாரி பலி மனைவி உள்பட 2 பேர் படுகாயம்

ஜெயங்கொண்டம் அருகே மோட்டார் சைக்கிள் மோதி வியாபாரி பலி மனைவி உள்பட 2 பேர் படுகாயம்
ஜெயங்கொண்டம் அருகே மோட்டார் சைக்கிள் மோதி, காய்கறி வியாபாரி பலியானார். மேலும் அவரது மனைவி உள்பட 2 பேர் படுகாயம் அடைந்தனர்.
ஜெயங்கொண்டம்,

அரியலூர் மாவட்டம், ஜெயங்கொண்டம் அருகில் உள்ள இலையூர் கண்டியங்கொல்லை கிராமத்தை சேர்ந்தவர் சின்னத்தம்பி(வயது 55). காய்கறி வியாபாரியான இவர் நேற்று முன்தினம் நள்ளிரவு, இவரது மனைவி சரஸ்வதியுடன் காட்டுமன்னார்குடியில் இருந்து இலையூர் கண்டியங்கொல்லை கிராமத்தை நோக்கி வந்து கொண்டு இருந்தனர். ஜெயங்கொண்டம்- செந்துறை சாலையில் புதுக்குடி அருகே சென்று கொண்டிருந்தபோது, எதிரே வந்த மோட்டார் சைக்கிள், சின்னதம்பி ஓட்டி சென்ற மோட்டார் சைக்கிள் மீது மோதியது. இதில் படுகாயம் அடைந்த சின்னத்தம்பி சம்பவ இடத்திலேயே உயிரிழந்தார்.


2 பேர் படுகாயம்

இதில் சரஸ்வதி படுகாயம் அடைந்தார். மேலும் எதிரே மோட்டார் சைக்கிள் ஓட்டி வந்து விபத்து ஏற்படுத்திய சோழமாதேவி கிராமத்தை சேர்ந்த மகேஷ்(40) என்பவரும் படுகாயம் அடைந்தார். படுகாயம் அடைந்த சரஸ்வதியையும், மகேஷையும் அப்பகுதியினர் மீட்டு சிகிச்சைக்காக ஜெயங்கொண்டம் அரசு மருத்துவமனைக்கு கொண்டு சென்றனர். பின்னர் அங்கிருந்து மகேஷை மேல் சிகிச்சைக்காக தஞ்சை மருத்துவக்கல்லூரி மருத்துவமனைக்கு கொண்டு சென்றனர். இதுகுறித்து தகவல் அறிந்த ஜெயங்கொண்டம் போலீசார் சம்பவ இடத்திற்கு சென்று சின்னதம்பியின் உடலை கைப்பற்றி பிரேத பரிசோதனைக்காக ஜெயங்கொண்டம் அரசு மருத்துவமனைக்கு அனுப்பி வைத்தனர். பின்னர் இதுகுறித்து போலீஸ் இன்ஸ்பெக்டர் ராஜ்மோகன் வழக்குப்பதிவு செய்து, விசாரணை நடத்தி வருகிறார்.

தொடர்புடைய செய்திகள்

1. குப்பை லாரி சக்கரத்தில் சிக்கி, போலீஸ் ஏட்டு பலி மதுரை மாவட்டத்தை சேர்ந்தவர்
குப்பை லாரி சக்கரத்தில் சிக்கி, மதுரை மாவட்டம் மேலூரை சேர்்ந்த போலீஸ் ஏட்டு பரிதாபமாக இறந்தார்.
2. சேலத்தில் பரிதாபம் கல்லூரி பஸ் மோதி தனியார் நிறுவன மேலாளர் பலி
சேலத்தில் வேலைக்கு சென்ற போது கல்லூரி பஸ் மோதி தனியார் நிறுவன மேலாளர் பரிதாபமாக இறந்தார்.
3. மொபட் ஓட்டிச்சென்ற 13 வயது மாணவி, லாரி மோதி பலி உறவினர்கள் சாலை மறியல்
மொபட் ஓட்டிச் சென்ற 13 வயது மாணவி நான்கு வழிச்சாலையை கடந்த போது லாரி மோதி பரிதாபமாக இறந்தாள். இந்த சம்பவத்தை தொடர்ந்து அப்பகுதி மக்கள் திரண்டு சாலை மறியலில் ஈடுபட்டதால் அந்த பகுதியில் பரபரப்பு ஏற்பட்டது.
4. நண்பரின் இறுதி சடங்குக்கு சென்றபோது சம்பவம்: மோட்டார் சைக்கிளில் இருந்து தவறி விழுந்து டாக்டர் பலி
நண்பரின் இறுதி சடங்கில் பங்கேற்ற டாக்டர், மோட்டார் சைக்கிளில் இருந்து தவறி விழுந்து பரிதாபமாக உயிரிழந்தார்.
5. தர்மபுரியில் மின்சாரம் தாக்கி தொழிலாளி பலி
தர்மபுரியில் மின்சாரம் தாக்கி வடமாநில தொழிலாளி பலியானார்.