மாவட்ட செய்திகள்

திருவள்ளுவர் சிலை அவமதிப்பு: கும்பகோணத்தில், நாம் தமிழர் கட்சியினர் ஆர்ப்பாட்டம் + "||" + Thiruvalluvar statue insults: In Kumbakonam, we Tamils protest

திருவள்ளுவர் சிலை அவமதிப்பு: கும்பகோணத்தில், நாம் தமிழர் கட்சியினர் ஆர்ப்பாட்டம்

திருவள்ளுவர் சிலை அவமதிப்பு: கும்பகோணத்தில், நாம் தமிழர் கட்சியினர் ஆர்ப்பாட்டம்
திருவள்ளுவர் சிலை அவமதிப்பு செய்யப்பட்டதை கண்டித்து கும்பகோணத்தில், நாம் தமிழர் கட்சியினர் ஆர்ப்பாட்டத்தில் ஈடுபட்டனர்.
கும்பகோணம்,

தஞ்சை அருகே பிள்ளையார்பட்டியில் திருவள்ளுவர் சிலை அவமதிப்பு செய்யப்பட்டதை கண்டித்து நாம் தமிழர் கட்சியின் சார்பில் கும்பகோணம் காந்தி பூங்கா முன்பு ஆர்ப்பாட்டம் நடைபெற்றது. ஆர்ப்பாட்டத்திற்கு கும்பகோணம் தொகுதி செயலாளர் வக்கீல் ஆனந்த் தலைமை தாங்கினார். மாவட்ட செயலாளர் அரவிந்தன் முன்னிலை வகித்தார்.


மாநில இளைஞர் பாசறை செயலாளர் செந்தில்குமார், வடக்கு மாவட்ட செயலாளர் கிருஷ்ணகுமார், மாவட்ட மாணவர் பாசறை செயலாளர் இடும்பாவனம் கார்த்திக் ஆகியோர் பேசினர். முடிவில் நகர இளைஞர் பாசறை செயலாளர் மணிகண்டன் நன்றி கூறினார்.

கைது செய்ய வேண்டும்

இதேபோல் திருவள்ளுவர் சிலை அவமதிப்பு செய்யப்பட்டதை கண்டித்து பேராவூரணியில் உள்ள காந்தி பூங்கா அருகே திருக்குறள் பேரவையினர் ஆர்ப்பாட்டத்தில் ஈடுபட்டனர். ஆர்ப்பாட்டத்துக்கு திருக்குறள் பேரவை தலைவர் தங்கவேலனார் தலைமை தாங்கினார். போசு, கிருஷ்ணன், இந்திய கம்யூனிஸ்டு கட்சி பொறுப்பாளர் பாலசுந்தரம், மார்க்சிஸ்ட் கம்யூனிஸ்டு கட்சி பொறுப்பாளர் கருப்பையா மற்றும் பலர் கலந்து கொண்டனர்.

திருவள்ளுவர் சிலையை அவமதித்தவர்களை கைது செய்ய வேண்டும். பொது இடங்களில் உள்ள திருவள்ளுவர் சிலைக்கு மத அடையாளம் பூசுவதை தடை செய்ய வேண்டும் என்பன உள்ளிட்ட கோரிக்கைகளை வலியுறுத்தி ஆர்ப்பாட்டத்தில் கோஷங்கள் எழுப்பப்பட்டன. 

தொடர்புடைய செய்திகள்

1. சென்னிமலையில் திருவள்ளுவர் சிலைக்கு போலீஸ் பாதுகாப்பு
சென்னிமலையில் திருவள்ளுவர் சிலைக்கு போலீஸ் பாதுகாப்பு போடப்பட்டுள்ளது.
2. தஞ்சை அருகே திருவள்ளுவர் சிலை அவமதிப்பு மாணவர்கள்-அரசியல் கட்சியினர் கண்டன ஆர்ப்பாட்டம்
தஞ்சை அருகே திருவள்ளுவர் சிலை அவமதிப்பு செய்யப்பட்டது. இதை கண்டித்து மாணவ, மாணவிகள் பல்வேறு கட்சியினர் ஆர்ப்பாட்டம் செய்தனர்.
3. ஆஸ்திரேலியாவில் இருந்து மீட்கப்பட்ட ஐம்பொன் நடராஜர் சிலை கும்பகோணம் கோர்ட்டில் ஒப்படைப்பு
ஆஸ்திரேலியாவில் இருந்து மீட்கப்பட்ட ஐம்பொன்னால் ஆன நடராஜர் சிலை நேற்று கும்பகோணம் கோர்ட்டில் ஒப்படைக்கப்பட்டது. அந்த சிலைக்கு மலர் தூவி பொதுமக்கள் மற்றும் இந்து அமைப்பினர் வரவேற்றனர்.
4. வேதாரண்யத்தில் 2-வது நாளாக கடைகள் அடைப்பு சேதப்படுத்தப்பட்டதற்கு பதிலாக புதிய அம்பேத்கர் சிலை அமைப்பு
வேதாரண்யத்தில் இரு தரப்பினரிடையே ஏற்பட்ட மோதலில் இதுவரை 28 பேர் கைது செய்யப்பட்டனர். 2-வது நாளாக நேற்றும் கடைகள் அடைக்கப்பட்டு இருந்தன. சேதப்படுத்தப்பட்ட சிலைக்கு பதிலாக புதிய அம்பேத்கர் சிலை நிறுவப்பட்டது.
5. மகாதேவர் கோவில் கொள்ளை விவகாரம்: திக்குறிச்சியில் இந்து முன்னணியினர் நூதன போராட்டம்
திக்குறிச்சி மகாதேவர் கோவில் கொள்ளை விவகாரத்தில் இந்து முன்னணியினர் நூதன போராட்டத்தில் ஈடுபட்டனர். மொட்டை அடித்து மாட்டிடம் மனு கொடுக்கப்பட்டது.