மாவட்ட செய்திகள்

வேலூர் ஜெயிலில் முருகன் உண்ணாவிரதம் வாபஸ் + "||" + Murugan at the Vellore jail hunger strike withdrawn

வேலூர் ஜெயிலில் முருகன் உண்ணாவிரதம் வாபஸ்

வேலூர் ஜெயிலில் முருகன் உண்ணாவிரதம் வாபஸ்
வேலூர் ஜெயிலில் முருகன் நேற்று உண்ணாவிரதத்தை கைவிட்டார். மேலும் அவர் தனது மனைவி நளினியை சந்திக்க அனுமதி கேட்டு மனு அளித்துள்ளார்.
வேலூர், 

முன்னாள் பிரதமர் ராஜீவ் காந்தி கொலை வழக்கில் தண்டனைபெற்ற முருகன் வேலூர் ஆண்கள் ஜெயிலிலும், அவருடைய மனைவி நளினி பெண்கள் ஜெயிலிலும் தண்டனை அனுபவித்து வருகிறார்கள். கடந்த சில நாட்களுக்கு முன்பு முருகன் அறையில் இருந்து செல்போன் கைப்பற்றப்பட்டதை தொடர்ந்து அவருக்கு ஜெயிலில் வழங்கப்படும் சலுகைகள் அனைத்தும் ரத்து செய்யப்பட்டது. அதன்படி முருகன் தனி அறைக்கு மாற்றப்பட்டார்.

தனி அறையில் இருந்து வழக்கமான அறைக்கு மாற்றக்கோரியும், ஜெயில் சலுகைகளை மீண்டும் வழங்க வலியுறுத்தியும் அவர் சாப்பிட மறுத்து உண்ணாவிரதம் இருந்து வந்தார். இதே கோரிக்கையை வலியுறுத்தி முருகனுக்கு ஆதரவாக அவருடைய மனைவி நளினியும் கடந்த 26-ந் தேதி உண்ணாவிரதத்தை தொடங்கினார். இருவரும் தொடர் உண்ணாவிரதத்தில் ஈடுபட்டு வந்தனர். இதனால் இருவரின் உடல்நிலையும் மோசமானது. ஜெயில் அதிகாரிகளின் தொடர் பேச்சுவார்த்தைக்கு பின்னர் நளினி கடந்த 5-ந் தேதி தனது உண்ணாவிரதத்தை கைவிட்டார்.

அதேபோன்று முருகனையும் உண்ணாவிரதத்தை கைவிடுமாறு அதிகாரிகள் வலியுறுத்தி வந்தனர். இந்த நிலையில் நேற்று முன்தினம் மீண்டும் அதிகாரிகள் பேச்சுவார்த்தை நடத்தினர். அப்போது முருகன், கோர்ட்டு உத்தரவுப்படி 15 நாட்களுக்கு ஒருமுறை நான் நளினியை சந்தித்து வந்தேன். எனவே வருகிற சனிக்கிழமை அவரை சந்திக்க அனுமதிக்க வேண்டும் என்று கூறி, சிறைத்துறை ஏ.டி.ஜி.பி.க்கு கோரிக்கை மனு ஒன்றை வழங்கினார். மனுவை பெற்றுக்கொண்ட அதிகாரிகள், டி.ஐ.ஜி.க்கு அனுப்பி மனு குறித்து பரிசீலனை செய்து நடவடிக்கை எடுக்கப்படும் என்றனர். இதையடுத்து முருகன் பழங்கள் சாப்பிட்டு தனது 21 நாள் உண்ணாவிரதத்தை கைவிட்டார் என ஜெயில் அதிகாரிகள் தெரிவித்தனர்.

இதற்கிடையே முருகன் அறையில் கைப்பற்றப்பட்ட செல்போன் மற்றும் 2 சிம் கார்டுகள், ஒரு மெமரி கார்டு ஆகியவற்றை ஆய்வு செய்வதற்காக சென்னையில் உள்ள தடய அறிவியல் ஆய்வகத்துக்கு பாகாயம் போலீசார் அனுப்பி வைத்துள்ளனர்.

தொடர்புடைய செய்திகள்

1. திருச்சி வங்கி கொள்ளை வழக்கில் முருகனை 6 நாள் போலீஸ் காவலில் விசாரிக்க கோர்ட்டு அனுமதி
வங்கி கொள்ளை வழக்கில் முருகனை 6 நாள் போலீஸ் காவலில் விசாரிக்க ஸ்ரீரங்கம் கோர்ட்டு அனுமதி வழங்கி உள்ளது.
2. அதிகாரிகளுக்கு தெரியாமல் எப்படி செல்போன் வரும்? எனது பரோல், விடுதலையை தடுக்க திட்டமிட்டு சதி நடக்கிறது முருகன் பரபரப்பு பேட்டி
அதிகாரிகளுக்கு தெரியாமல் எப்படி எனது அறைக்கு செல்போன் வரும் என்றும், எனது பரோல் மற்றும் விடுதலையை தடுக்க திட்டமிட்டு சதி நடக்கிறது என்றும் முருகன் பரபரப்பு குற்றச்சாட்டை கூறினார்.
3. நளினி-முருகன் உண்ணாவிரதம் வாபஸ் - இளநீர் குடித்து முடித்துக்கொண்டனர்
வேலூர் ஜெயிலில் கருணைக்கொலை செய்யக்கோரி தொடர் உண்ணாவிரதத்தில் ஈடுபட்ட நளினியும், முருகனும் இளநீரை குடித்து அதனை கைவிட்டனர்.
4. தொடர் உண்ணாவிரதத்தால் முருகனின் உடல் எடை 20 கிலோ குறைந்தது - 2-வது நாளாக குளுக்கோஸ் ஏற்றப்பட்டது
வேலூர் மத்திய சிறையில் தொடர் உண்ணாவிரதத்தில் ஈடுபட்டுள்ள முருகன், நளினிக்கு நேற்று 2-வது நாளாக குளுக்கோஸ் ஏற்றப்பட்டது. உண்ணாவிரதம் காரணமாக முருகனின் உடல் எடை 20 கிலோ குறைந்துள்ளது.
5. வேலூர் ஜெயிலில் நளினி- முருகன் உண்ணாவிரதத்தை கைவிட மறுப்பு
விடுதலை செய்யக்கோரி வேலூர் ஜெயிலில் நளினியும், முருகனும் உண்ணாவிரதத்தை கைவிட மறுத்து நேற்றும் உண்ணாவிரதத்தை தொடர்ந்தனர்.