மாவட்ட செய்திகள்

பல்லடம் அருகே, காதலன் பேச மறுத்ததால் கல்லூரி மாணவி தீக்குளித்து தற்கொலை + "||" + Near Palladam, Boyfriend refused to talk College student commits suicide

பல்லடம் அருகே, காதலன் பேச மறுத்ததால் கல்லூரி மாணவி தீக்குளித்து தற்கொலை

பல்லடம் அருகே, காதலன் பேச மறுத்ததால் கல்லூரி மாணவி தீக்குளித்து தற்கொலை
பல்லடம் அருகே காதலன் பேச மறுத்ததால் கல்லூரி மாணவி தீக்குளித்து தற்கொலை செய்து கொண்டார். இந்த சம்பவம் குறித்து போலீஸ் தரப்பில் கூறப்படுவதாவது:-
திருப்பூர்,

திருப்பூர் மாவட்டம் பல்லடம் அருகே உள்ள குங்குமம்பாளையத்தை சேர்ந்தவர் ராமசாமி. இவரது மகள் பிருந்தா (வயது 19). இவர் பல்லடம் அரசு கலைக்கல்லூரியில் முதலாம் ஆண்டு படித்து வந்தார்.

இவரும் அதே பகுதியை சேர்ந்த வாலிபர் ஒருவரும் தீவிரமாக காதலித்து வந்தனர். இந்த நிலையில் காதலர் இருவருக்கும் சில நாட்களுக்கு முன்பு பிரச்சினை ஏற்பட்டுள்ளது. இதனால் பிருந்தாவிடம், அவருடைய காதலன் பேச மறுத்து விட்டதாக கூறப்படுகிறது. இதனால் மன வேதனை அடைந்த பிருந்தா தனது காதலனுடன் எப்படியாவது பேசிவிட வேண்டும் என்பதற்காக பல்வேறு முயற்சிகளை மேற்கொண்டார். ஆனால் அது முடியவில்லை.

அப்போதுதான் அவர் வேறு ஒரு பெண்ணிடம் பேசிக்கொண்டிருப்பது தெரியவந்தது. இதனால் விரக்தியடைந்த பிருந்தா கடந்த 3-ந் தேதி இரவு வீட்டில் யாரும் இல்லாத நேரத்தில் உடலில் மண்எண்ணெய்யை ஊற்றி தீ வைத்துக்கொண்டார்.

தீ மளமளவென அவருடைய உடல் முழுவதும் பரவியது. இதனால் வலி தாங்க முடியாமல் பிருந்தா அலறி சத்தம் போட்டார். இவருடைய அலறல் சத்தம் கேட்டு அக்கம் பக்கத்தினர் ஓடி வந்தனர். பின்னர் அவருடைய உடலில் பற்றி எரிந்த தீயை அணைத்து, அவரை மீட்டு பல்லடம் அரசு ஆஸ்பத்திரியில் சேர்த்தனர். அங்கு அவருக்கு முதலுதவி சிகிச்சை அளிக்கப்பட்டு மேல் சிகிச்சைக்காக கோவை அரசு ஆஸ்பத்திரியில் சேர்க்கப்பட்டார்.

அங்கு சிகிச்சை பெற்று வந்த பிருந்தா போலீசில் கொடுத்துள்ள வாக்குமூலம் வருமாறு:-

நானும், குங்குமம் பாளையத்தை சேர்ந்த சந்தோசும் உயிருக்கு உயிராக காதலித்தோம். ஆனால் சிறிது நாட்களாக அவர் என்னிடம் பேசுவதை குறைத்துக்கொண்டார்.

அதன்பின்னர் என்னிடம் பேசுவதை நிறுத்தி விட்டார். காதலித்து ஏமாற்றியதால் விரக்தியடைந்த நான் தீக்குளித்தேன்.

இவ்வாறு வாக்குமூலம் கொடுத்துள்ளார்.

இந்நிலையில் அவருக்கு தீவிர சிகிச்சை அளித்தும் சிகிச்சை பலனின்றி பிருந்தா பரிதாபமாக உயிரிழந்தார். இதையடுத்து இந்த சம்பவம் குறித்து பல்லடம் போலீசார் பிருந்தாவின் காதலன் சந்தோஷ் மீது தற்கொலைக்கு தூண்டியதாக வழக்கு பதிவு செய்து விசாரணை மேற்கொண்டு வருகின்றனர்.

தொடர்புடைய செய்திகள்

1. கூடலூரில் பரிதாபம்: அரசு பஸ் கண்டக்டர் தீக்குளித்து தற்கொலை
கூடலூரில் அரசு பஸ் கண்டக்டர் தீக்குளித்து தற்கொலை செய்து கொண்டார். இந்த பரிதாப சம்பவம் குறித்து போலீஸ் தரப்பில் கூறப்படுவதாவது:-
2. திருமணமான 6 மாதத்தில் பெண் என்ஜினீயர் தற்கொலை கர்ப்பம் கலைந்ததால் விபரீத முடிவு
திருமணமான 6 மாதத்தில் கர்ப்பம் கலைந்ததால் விஷம் குடித்து பெண் என்ஜினீயர் தற்கொலை செய்து கொண்டார்.
3. கணவன் இறந்த சோகத்தில் பெண் தற்கொலை ஒரே குடும்பத்தில் அடுத்தடுத்து 3 பேர் உயிரிழந்த பரிதாபம்
மார்த்தாண்டம் அருகே கணவன் இறந்த சோகத்தில் பெண் விஷம் குடித்து தற்கொலை செய்து கொண்டார்.
4. காயல்பட்டினத்தில் திருமணம் ஆகாத ஏக்கத்தில் மீனவர் தற்கொலை
காயல்பட்டினத்தில் திருமணம் ஆகாத ஏக்கத்தில் மீனவர் தற்கொலை செய்து கொண்டார்.
5. கரூரில் விஷ மாத்திரைகள் தின்று தாய்-மகன் தற்கொலை
கரூரில், விஷ மாத்திரைகளை தின்று தாய், மகன் தற்கொலை செய்து கொண்டனர்.

அதிகம் வாசிக்கப்பட்டவை