மாவட்ட செய்திகள்

தடையில்லா சான்றிதழ் வழங்க ரூ.5 ஆயிரம் லஞ்சம் வாங்கிய தீயணைப்பு நிலைய அலுவலர் கைது + "||" + Issue uninterrupted certification Bribes of Rs 5 thousand Fire Station Officer Arrested

தடையில்லா சான்றிதழ் வழங்க ரூ.5 ஆயிரம் லஞ்சம் வாங்கிய தீயணைப்பு நிலைய அலுவலர் கைது

தடையில்லா சான்றிதழ் வழங்க ரூ.5 ஆயிரம் லஞ்சம் வாங்கிய தீயணைப்பு நிலைய அலுவலர் கைது
ஸ்ரீவைகுண்டத்தில் தடையில்லா சான்றிதழ் வழங்க ரூ.5 ஆயிரம் லஞ்சம் வாங்கிய தீயணைப்பு நிலைய அலுவலரை லஞ்ச ஒழிப்பு போலீசார் கைது செய்தனர்.
ஸ்ரீவைகுண்டம், 

தூத்துக்குடி மாவட்டம் கீழ வல்லநாடு பகுதியைச் சேர்ந்தவர் சுந்தர். இவர் அப்பகுதியில் உள்ள தனது நிலத்தில் கோழிப்பண்ணை, ஆட்டுப்பண்ணை அமைப்பதற்கு ஏற்பாடு செய்தார். இதற்காக அவர், ஸ்ரீவைகுண்டம் தீயணைப்பு நிலைய அலுவலகத்தில் தடையில்லா சான்றிதழ் கேட்டு விண்ணப்பித்து இருந்தார்.

ஆனால், நீண்ட நாட்களாகியும் சுந்தருக்கு கோழிப்பண்ணை, ஆட்டுப்பண்ணை அமைக்க தடையில்லா சான்றிதழ் வழங்கப்படவில்லை. இதுகுறித்து அவர் ஸ்ரீவைகுண்டம் தீயணைப்பு நிலைய அலுவலகத்துக்கு சென்று கேட்டார். அப்போது அங்கு பணியில் இருந்த தீயணைப்பு நிலைய அலுவலர் ரோலன் (வயது 52), தடையில்லா சான்றிதழ் வழங்க வேண்டுமானால், ரூ.5 ஆயிரம் தர வேண்டும் என்று கேட்டதாக கூறப்படுகிறது.

ஆனால், லஞ்சம் கொடுக்க விரும்பாத சுந்தர், இதுகுறித்து தூத்துக்குடி லஞ்ச ஒழிப்புத்துறை போலீசாரிடம் புகார் செய்தார். இதையடுத்து லஞ்சம் கேட்ட தீயணைப்பு நிலைய அலுவலர் ரோலனை கையும், களவுமாக பிடிக்க போலீசார் முடிவு செய்தனர்.

அதன்படி, சுந்தரிடம் ரசாயன பொடி தடவிய ரூ.5 ஆயிரம் நோட்டுகளை போலீசார் கொடுத்து, அவற்றை ரோலனிடம் வழங்கும்படி கூறினர்.

இதையடுத்து சுந்தர் நேற்று மாலையில் ஸ்ரீவைகுண்டம் தீயணைப்பு நிலையத்துக்கு சென்று, ரோலனிடம் ரூ.5 ஆயிரத்தை வழங்கினார். அதை ரோலன் வாங்கியபோது, அங்கு மறைந்து இருந்த லஞ்ச ஒழிப்பு துணை போலீஸ் சூப்பிரண்டு ஹெக்டர் தர்மராஜ் தலைமையிலான போலீசார் விரைந்து சென்று, அவரை மடக்கி பிடித்து கைது செய்தனர். அவரிடம் இருந்து ரசாயனம் தடவிய ரூ.5 ஆயிரம் பறிமுதல் செய்யப்பட்டது.

தடையில்லா சான்றிதழ் வழங்க லஞ்சம் வாங்கிய தீயணைப்பு நிலைய அலுவலர் கைது செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

தொடர்புடைய செய்திகள்

1. திருப்பத்தூரில் இருந்து பெங்களூருவுக்கு கடத்திய 800 கிலோ ரே‌‌ஷன் அரிசி பறிமுதல்; 2 பேர் கைது
திருப்பத்தூரில் இருந்து பெங்களூருவுக்கு காரில் கடத்த முயன்ற 800 கிலோ ரே‌‌ஷன் அரிசியை போலீசார் பறிமுதல் செய்தனர். இது தொடர்பாக 2 பேர் கைது செய்யப்பட்டனர். இந்த சம்பவத்தில் கார் மோதியதில் போலீஸ்காரர் படுகாயம் அடைந்தார்.
2. பச்சிளம் ஆண் குழந்தை ரூ.1¼ லட்சத்துக்கு விற்பனை 2 தம்பதி உள்பட 5 பேர் கைது
மணப்பாறை அருகே பச்சிளம் ஆண் குழந்தையை ரூ.1¼ லட்சத்துக்கு விற்பனை செய்ததாக குழந்தையை விற்ற மற்றும் வாங்கிய 2 தம்பதிகளையும், பெண் புரோக்கரையும் போலீசார் கைது செய்துள்ளனர்.
3. திருச்சி மாவட்ட ஆயுதப்படை மைதானத்தில் காவலர் உடல்தகுதி தேர்வில் ஆள்மாறாட்டம் செய்த வாலிபர் கைது
திருச்சி மாவட்ட ஆயுதப்படை மைதானத்தில் நடந்த காவலர் உடல் தகுதி தேர்வில் ஆள்மாறாட்டம் செய்த வாலிபரை போலீசார் கைது செய்தனர்.
4. தேன்கனிக்கோட்டை அருகே வனவிலங்குகளை வேட்டையாடிய 2 பேர் கைது
தேன்கனிக்கோட்டை அருகே வனவிலங்குகளை வேட்டையாடிய 2 பேரை வனத்துறையினர் கைது செய்தனர்.
5. வாடிக்கையாளர்களின் பெயரில் போலி நகைகளை அடகு வைத்து ரூ.48½ லட்சம் மோசடி செய்த நகை மதிப்பீட்டாளர் கைது
வாடிக்கையாளர்களின் பெயரில் போலி நகைகளை அடகு வைத்து ரூ.48½ லட்சம் மோசடிசெய்த நகைமதிப்பீட்டாளர் கைதுசெய்யப்பட்டார்.