மாவட்ட செய்திகள்

அயோத்தி வழக்கில் தீர்ப்பு: மாவட்டத்தில் பலத்த போலீஸ் பாதுகாப்பு + "||" + Ayodhya verdict: Strong police protection in the district

அயோத்தி வழக்கில் தீர்ப்பு: மாவட்டத்தில் பலத்த போலீஸ் பாதுகாப்பு

அயோத்தி வழக்கில் தீர்ப்பு: மாவட்டத்தில் பலத்த போலீஸ் பாதுகாப்பு
அயோத்தி வழக்கில் தீர்ப்பு வெளியானதையடுத்து புதுக்கோட்டை மாவட்டத்தில் பலத்த போலீஸ் பாதுகாப்பு போடப்பட்டு உள்ளது.
புதுக்கோட்டை,

உத்திரபிரதேச மாநிலம் அயோத்தியில் ராமர்கோவில், பாபர் மசூதி தொடர்புடைய சர்ச்சைக்குரிய இடம் யாருக்கு சொந்தமானது என்பது தொடர்பான தீர்ப்பு நேற்று காலையில் வெளியானது. இதைத்தொடர்ந்து நேற்று காலை முதல் நாடு முழுவதும் பலத்த போலீஸ் பாதுகாப்பு ஏற்பாடு செய்யப்பட்டு இருந்தது. இதேபோல புதுக்கோட்டை மாவட்டத்திலும் நேற்று காலை முதல் பலத்த போலீஸ் பாதுகாப்பு போடப்பட்டு உள்ளது.


குறிப்பாக புதுக்கோட்டை புதிய பஸ் நிலையம், பழைய பஸ் நிலையம், ரெயில் நிலையம், பொது அலுவலக வளாகம், கலெக்டர் அலுவலகம், கோவில்கள் மற்றும் பள்ளி வாசல்களில் பலத்த போலீஸ் பாதுகாப்பு போடப்பட்டு உள்ளது.

அன்னவாசல்

இதேபோல இலுப்பூர், அன்னவாசல், முக்கண்ணாமலைப்பட்டி, பரம்பூர், பெருமநாடு, குடுமியான்மலை, வயலோகம், சித்தன்னவாசல், வீரப்பட்டி உள்ளிட்ட முக்கிய இடங்களில் உள்ள பள்ளிவாசல்கள், கோவில்கள், பஸ் நிலையங்கள், கடைவீதிகள் மற்றும் பொதுமக்கள் அதிகம் கூடும் இடங்களில் பலத்த போலீஸ் பாதுகாப்பு போடப்பட்டு இருந்தது.

அன்னவாசல் அருகே உள்ள முக்கண்ணாமலைப்பட்டி பள்ளிவாசலில் போலீசார் பாதுகாப்பு பணியில் ஈடுபட்டனர். அப்போது பள்ளிவாசல் பின்புற பக்கத்தில் இருந்து திடீரென பட்டாசு வெடிக்கும் சத்தம் கேட்டது. இதைத்தொடர்ந்து அங்கு பாதுகாப்பு பணியில் ஈடுபட்ட போலீசார் சம்பவ இடத்திற்கு சென்ற விசாரணை நடத்தினார்கள். விசாரணையில், வீட்டில் உள்ள தோட்டத்தை குரங்கு நாசம் செய்வதால், அதை விரட்டுவதற்காக பட்டாசு வைத்தது தெரியவந்தது. இதையடுத்து போலீசார் அங்கிருந்து புறப்பட்டு சென்றனர். இந்த சம்பவத்தால் முக்கண்ணாமலைப்பட்டியில் சிறிது நேரம் பரபரப்பு ஏற்பட்டது.

அறந்தாங்கி-கறம்பக்குடி

இதேபோல புதுக்கோட்டை மாவட்டத்தில் உள்ள ஆலங்குடி, திருமயம், பொன்னமராவதி, அறந்தாங்கி, ஆவுடையார்கோவில், மணமேல்குடி, கோட்டைப்பட்டினம், கறம்பக்குடி, கந்தர்வகோட்டை, கீரனூர், விராலிமலை உள்பட மாவட்டத்தின் பல்வேறு பகுதிகளில் உள்ள பஸ் நிலையங்கள், கோவில்கள் மற்றும் பள்ளி வாசல்கள் உள்ளிட்ட இடங்களில் பலத்த போலீஸ் பாதுகாப்பு போடப்பட்டு இருந்தது.


தொடர்புடைய செய்திகள்

1. தர்மபுரி மாவட்டத்தில் சோதனைச்சாவடிகளில் போலீஸ் ஐ.ஜி. ஆய்வு
தர்மபுரி மாவட்டம் தொப்பூர், காரிமங்கலம், காடுசெட்டிப்பட்டி ஆகிய சோதனைச்சாவடிகளில் போலீஸ் ஐ.ஜி. பெரியய்யா ஆய்வு மேற்கொண்டார்.
2. விழுப்புரம் அருகே வங்கியில் கொள்ளை முயற்சி மர்ம நபருக்கு போலீஸ் வலைவீச்சு
விழுப்புரம் அருகே வங்கியில் கொள்ளை முயற்சியில் ஈடுபட்ட மர்ம நபரை போலீசார் வலைவீசி தேடி வருகின்றனர்.
3. சேலத்தில் உடல் எரிந்த நிலையில் ஆண் பிணம் கொலையா? போலீஸ் விசாரணை
சேலத்தில் உடல் எரிந்த நிலையில் ஆண் பிணம் கிடந்தது. அவர் கொலை செய்யப்பட்டாரா? என போலீசார் விசாரணை நடத்தி வருகிறார்கள்.
4. தனியார் நிறுவன ஊழியர் சாவில் திடீர் திருப்பம்: கள்ளக்காதல் விவகாரத்தில் கார் ஏற்றி கொலையா? போலீஸ் விசாரணை
வில்லியனூர் அருகே தனியார் நிறுவன ஊழியர் சாவில் திடீர் திருப்பமாக, கள்ளக்காதல் விவகாரத்தில் கார் ஏற்றி கொலை செய்யப்பட்டாரா? என்று போலீசார் தீவிரமாக விசாரித்து வருகின்றனர்.
5. ஓமலூர் அருகே பயங்கரம் இருதரப்பினர் மோதலில் புதுமாப்பிள்ளை அடித்துக்கொலை பதற்றம்-போலீஸ் குவிப்பு
ஓமலூர் அருகே இருதப்பினர் மோதலில் புதுமாப்பிள்ளை அடித்துக்கொலை செய்யப்பட்டார். இதனால் அங்கு பதற்றம் நிலவுவதால் போலீசார் குவிக்கப்பட்டுள்ளனர்.