மாவட்ட செய்திகள்

தேவிபட்டினத்தில், கடலுக்கு செல்லும் மழைநீரை மோட்டார் மூலம் ஊருணியில் நிரப்பும் இளைஞர்கள் + "||" + In tevipattinat, Rainwater to the ocean by motor Young people filling in the carnival

தேவிபட்டினத்தில், கடலுக்கு செல்லும் மழைநீரை மோட்டார் மூலம் ஊருணியில் நிரப்பும் இளைஞர்கள்

தேவிபட்டினத்தில், கடலுக்கு செல்லும் மழைநீரை மோட்டார் மூலம் ஊருணியில் நிரப்பும் இளைஞர்கள்
கடலுக்கு வீணாக செல்லும் தண்ணீரை ஊருணிக்கு திருப்பி விடும் இளைஞர்களுக்கு பாராட்டு குவிகிறது.
பனைக்குளம்,

தேவிபட்டினத்தில் கிழக்கு கடற்கரை சாலை அருகே ஆரம்ப சுகாதார நிலையத்தின் எதிரே மரைக்காயர் ஊருணி உள்ளது. இந்த ஊருணி தண்ணீரை தேவிபட்டினம் மற்றும் சுற்றுவட்டார பகுதியை சேர்ந்த பொதுமக்கள் பயன்படுத்தி வருகின்றனர். கடந்த சில ஆண்டுகளாக மழை பெய்யாமல் இந்த ஊருணி வறண்டு காணப்பட்டது.

இந்த நிலையில் தற்போது இந்த பகுதியில் பரவலாக மழை பெய்ததை தொடர்ந்து நீர் நிலைகளிலும், தாழ்வான பகுதிகள் மற்றும் வயல்வெளிகளில் தண்ணீர் தேங்கி நிற்கிறது. மேலும் வயல்வெளிகளில் அதிகளவு தண்ணீர் நிற்பதால் அதனை விவசாயிகள் பூவோடை வழியாக திறந்து விட்டுள்ளனர். இந்த தண்ணீர் அனைத்தும் கால்வாய் வழியாக கடலுக்கு வீணாக சென்று கலக்கிறது.

இதனையறிந்த தேவிபட்டினம் துவா அமைப்பினர் அதன் ஒருங்கிணைப்பாளர் உபயதுல்லா தலைமையில் கடலுக்கு வீணாக செல்லும் தண்ணீரை டீசல் மோட்டார் மூலம் மரைக்காயர் ஊருணிக்கு திருப்பி விடும் நடவடிக்கையில் ஈடுபட்டுள்ளனர். இதன் மூலம் தற்போது மரைக்காயர் ஊருணி வேகமாக நிரம்பி வருகிறது.

பொதுநலன் கருதி செயல்படும் இந்த அமைப்பினரை தேவிபட்டினம் பகுதி மக்கள் மட்டுமின்றி சுற்று வட்டார கிராம மக்களும் பாராட்டினர். பாராட்டு குவியும் வேளையில், இதேபோல மாவட்டத்தின் பல்வேறு பகுதிகளிலும் வீணாகும் தண்ணீரை அருகில் உள்ள நீர்நிலைகளில் சேகரிக்க இளைஞர்கள் முன்வர வேண்டும் என்றும் அனைத்து தரப்பினரும் விரும்புகின்றனர்.

தொடர்புடைய செய்திகள்

1. கிளித்தான்பட்டறையில் குளத்தை தூர்வாரி சீரமைக்கும் பணியில் ஈடுபட்ட இளைஞர்கள்
காட்பாடி பகுதியில் உள்ள கிளித்தான்பட்டறை தாமரைகுளத்தை தூர்வாரி சீரமைக்கும் பணியில் அப்பகுதி இளைஞர்கள் ஈடுபட்டனர். இதனை ‘ஜல்சக்தி அபியான்’ திட்ட தொழில்நுட்ப அலுவலர் பிரசன்னகுமார் பண்டிட் பார்வையிட்டார்.
2. வாய்க்கால்களை சொந்த செலவில் சீரமைத்த இளைஞர்கள்
கீரமங்கலம் அருகில் உள்ள மாங்காடு கிராமத்தில் நீர்நிலைகளை சீரமைத்து தண்ணீர் சேமிக்கும் பணியில் இளைஞர்கள் மும்முரமாக ஈடுபட்டு வருகின்றனர்.
3. அன்னவாசல் அருகே குளத்தை தூர்வாரும் பணியில் இளைஞர்கள்
அன்னவாசல் அருகே குளத்தை தூர்வாரும் பணியில் இளைஞர்கள் ஈடுபட்டு வருகின்றனர்.
4. கோத்தகிரி அருகே, நீரோடையை சுத்தம் செய்த இளைஞர்கள்
கோத்தகிரி அருகே நீரோடையை இளைஞர்கள் சுத்தம் செய்தனர்.
5. சென்னையில் நள்ளிரவில் பைக் ரேஸ்; 15 இளைஞர்கள் மீது வழக்கு பதிவு
சென்னையில் நள்ளிரவில் பைக் ரேசில் ஈடுபட்ட 15 இளைஞர்கள் மீது வழக்கு பதிவு செய்யப்பட்டு உள்ளது.