மாவட்ட செய்திகள்

கடலூரில், அடுத்தடுத்த கடைகளின் பூட்டை உடைத்து பணம் திருட்டு - மர்மநபர்களுக்கு போலீஸ் வலைவீச்சு + "||" + Cuddalore, Theft of money by breaking the lock of adjacent shops

கடலூரில், அடுத்தடுத்த கடைகளின் பூட்டை உடைத்து பணம் திருட்டு - மர்மநபர்களுக்கு போலீஸ் வலைவீச்சு

கடலூரில், அடுத்தடுத்த கடைகளின் பூட்டை உடைத்து பணம் திருட்டு - மர்மநபர்களுக்கு போலீஸ் வலைவீச்சு
கடலூரில் அடுத்தடுத்த கடைகளின் பூட்டை உடைத்து பணத்தை திருடிச்சென்ற மர்மநபர்களை போலீசார் வலைவீசி தேடி வருகின்றனர்.
கடலூர், 

கடலூர் புருகீஸ்பேட்டை பழமலை தெருவை சேர்ந்தவர் சேனாதிபதி மகன் கணபதி (வயது 41). இவர் கடலூர் மஞ்சக்குப்பம் பீச் ரோட்டில் செருப்பு கடை வைத்து நடத்தி வருகிறார். நேற்று முன்தினம் இரவு வியாபாரம் முடிந்ததும் கடையை பூட்டி விட்டு வீட்டுக்கு சென்றார். இந்த நிலையில் நேற்று காலை வழக்கம்போல் கடையை திறக்க கணபதி வந்தார். அப்போது கடையின் பூட்டு உடைக்கப்பட்டு கிடந்தது.

இதை பார்த்து அதிர்ச்சி அடைந்த அவர், கடைக்குள் சென்று பார்த்தார். அப்போது கடையில் இருந்த மேஜையை காணவில்லை. இதுபற்றி அவர் கடலூர் புதுநகர் போலீஸ் நிலையத்துக்கு தகவல் தெரிவித்தார். அதன் பேரில் போலீசார் சம்பவ இடத்துக்கு விரைந்து வந்து, கடையை பார்வையிட்டு அங்கிருந்தவர்களிடம் விசாரணை நடத்தினர்.

விசாரணையில் நேற்று முன்தினம் நள்ளிரவு மர்மநபர்கள் மஞ்சக்குப்பம் பீச்ரோட்டில் உள்ள மீனவர் வாழ்வுரிமை அலுவலகத்தின் கதவு பூட்டை உடைத்து உள்ளே புகுந்துள்ளனர். அங்கு பணம் ஏதும் இல்லாததால், அருகில் உள்ள வாகனங்கள் பழுது பார்க்கும் கடையின் பூட்டை உடைத்து, அங்கிருந்த 100 ரூபாயை திருடியுள்ளனர்.

பின்னர் அருகில் இருந்த கணபதியின் செருப்பு கடையின் பூட்டை உடைத்து கல்லாப்பெட்டி இருந்த இரும்பு மேஜையை, கடையின் பின்புறம் உள்ள நகராட்சி அலுவலக வளாகத்துக்குள் தூக்கி சென்றுள்ளனர். தொடர்ந்து கல்லாப்பெட்டியை உடைத்து அதில் இருந்த 3,200 ரூபாயையும், அங்கு நிறுத்தி வைத்திருந்த சைக்கிளையும் திருடிக் கொண்டு தப்பி சென்றது தெரியவந்தது.

தொடர்ந்து இதுகுறித்த புகாரின் பேரில் புதுநகர் போலீசார் வழக்குப்பதிவு செய்து அடுத்தடுத்த கடைகளின் பூட்டை உடைத்து பணத்தை திருடிச்சென்ற மர்மநபர்களை வலைவீசி தேடி வருகின்றனர்.

இந்த சம்பவம் அப்பகுதியில் பரபரப்பை ஏற்படுத்தி உள்ளது.

தொடர்புடைய செய்திகள்

1. மாவட்டத்தில் 6 இடங்களில் வீட்டின் பூட்டை உடைத்து நகை திருடியவர் கைது 15¼ பவுன் மீட்பு
நாமக்கல் மாவட்டத்தில் 6 இடங்களில் வீட்டின் பூட்டை உடைத்து நகை திருடியவரை போலீசார் கைது செய்தனர். அவரிடமிருந்து 15¼ பவுன் நகைகள் மீட்கப்பட்டன.
2. கோவில் பூட்டை உடைத்து திருட்டு பணத்தை எடுத்துக்கொண்டு உண்டியல்களை வீசி சென்ற மர்மநபர்கள்
கீரனூரில் கோவில் பூட்டை உடைத்து திருட்டு பணத்தை எடுத்துக்கொண்டு உண்டியல்களை வீசி சென்ற மர்மநபர்கள்.
3. இங்கிலாந்தில் ரூ.1.5 கோடி முக கவசங்கள் திருட்டு
இங்கிலாந்தில் ரூ.1.5 கோடி மதிப்பிலான முக கவசங்களை வேன்களில் வந்து கொள்ளையர்கள் திருடி சென்றுள்ளனர்.
4. வேடசந்தூர் கோர்ட்டில் பூட்டை உடைத்து மதுபாட்டில்களை திருடிய தந்தை-மகன் உள்பட 4 பேர் கைது
வேடசந்தூரில் கோர்ட்டு கதவின் பூட்டை உடைத்து மதுபாட்டில்களை திருடிய தந்தை-மகன் உள்பட 4 பேரை போலீசார் கைது செய்தனர்.
5. தென்பெண்ணையாற்றில் மணல் கடத்தலைத் தடுக்க பள்ளம் தோண்டி தடுப்புகள்
பாகூர் அருகே தென்பெண்ணையாற்றில் மணல் கடத்தலைத் தடுக்க மாட்டு வண்டிகள் செல்லும் பாதையில் பள்ளம் தோண்டி தடுப்புகள் ஏற்படுத்தப்பட்டுள்ளன.