மாவட்ட செய்திகள்

காட்டழகிய சிங்கப்பெருமாள் கோவில் கும்பாபிஷேகம்: கொள்ளிடம் ஆற்றில் இருந்து வெள்ளிக்குடத்தில் புனிதநீர் + "||" + Singaberumal temple in Kozhikode: The holy water from the Kolli river

காட்டழகிய சிங்கப்பெருமாள் கோவில் கும்பாபிஷேகம்: கொள்ளிடம் ஆற்றில் இருந்து வெள்ளிக்குடத்தில் புனிதநீர்

காட்டழகிய சிங்கப்பெருமாள் கோவில் கும்பாபிஷேகம்: கொள்ளிடம் ஆற்றில் இருந்து வெள்ளிக்குடத்தில் புனிதநீர்
ஸ்ரீரங்கம் காட்டழகிய சிங்கப்பெருமாள் கோவில் கும்பாபிஷேகத்தையொட்டி யாக சாலைக்கு கொள்ளிடம் ஆற்றில் இருந்து வெள்ளிக்குடத்தில் புனிதநீர் எடுத்து யானை மீது வைத்து ஊர்வலமாக கொண்டுவரப்பட்டது.
ஸ்ரீரங்கம்,

பூலோக வைகுண்டம் என்று போற்றப்படும் ஸ்ரீரங்கம் ரெங்கநாதர் கோவிலின் உபகோவிலாக காட்டழகிய சிங்கப்பெருமாள் கோவில் எனப்படும் லட்சுமிநரசிம்மர்கோவில் உள்ளது. இக்கோவில் முற்காலத்தில் அடர்ந்த காட்டுப்பகுதியில் அமைக்கப்பட்டதால் காட்டழகியசிங்கப்பெருமாள் கோவில் என்று அழைக்கப்படுகிறது.


இக்கோவிலில் கடந்த 2001-ம் ஆண்டு பிப்ரவரி 11-ந் தேதி கும்பாபிஷேகம் நடைபெற்றது. அதன்பிறகு 18 ஆண்டுகள் கழித்து வருகிற 1-ந்் தேதி கும்பாபிஷேகம் நடைபெற உள்ளது. இதற்காக கோவிலில் பழமை மாறாமல் திருப்பணிகள் மேற்கொள்ளப்பட்டன. அத்துடன் வெளிப்பிரகார விரிவாக்கம் உள்பட பல்வேறு பணிகள் மேற்கொள்ளப்பட்டன. மேலும் கடந்த 18-ந்தேதி கருவறை பாலாலயம் செய்யப்பட்டு, அங்கு திருப்பணிகள் நடந்தன.

வெள்ளிக்குடத்தில் புனிதநீர்

நேற்று முன்தினம் மாலை பாஞ்சராத்தர ஆகம முறைப்படி முதல்கால யாகசாலை பூஜைகள் நடைபெற்றது. நேற்று காலை கொள்ளிடம் ஆற்றிலிருந்து வெள்ளிக் குடத்தில் புனிதநீர் சேகரித்து யானை மீது வைத்து வாணவேடிக்கை மற்றும் மேளதாளத்துடன் கோவிலுக்கு ஊர்வலமாக எடுத்துவரப்பட்டது. இதைத்தொடர்ந்து 2-ம் கால யாகசாலை பூஜையும், மாலை 3-ம் கால யாகசாலை பூஜையும் நடைபெற்றது. இன்றும்(வெள்ளிக்கிழமை), நாளையும்(சனிக்கிழமை) காலை, மாலை வேளைகளில் யாகசாலை பூஜைகள் நடைபெறும்.

கும்பாபிஷேகம்

வருகிற 1-ந்தேதி அதிகாலை 8-ம் கால யாகசாலை பூஜைகள் தொடங்கி 8 மணியளவில் மகாபூர்ணாஹுதி நடைபெறுகிறது. அதனைத் தொடர்ந்து 8.45 மணியளவில் லட்சுமி நரசிம்மர் கருவறை விமானம் மற்றும் பரிவார மூர்த்திகள் விமானங்களுக்கு மகாகும்பாபிஷேகம் நடைபெற உள்ளது. யாகசாலை மற்றும் கும்பாபிஷேக நிகழ்ச்சிகளை ஸ்ரீரங்கம் ரெங்கநாதர் கோவில் அர்ச்சகர்கள், ஸ்தானீகர்கள், கைங்கர்யபரர்கள் நடத்துகின்றனர்.

கும்பாபிஷேகத்திற்கான ஏற்பாடுகளை அறங்காவலர் குழுத்தலைவர் வேணுசீனிவாசன், கோவில் இணை ஆணையர் ஜெயராமன், அறங்காவலர்கள் ரங்காச்சாரி, டாக்டர் சீனிவாசன், கவிதா, சுதர்சன ரங்காச்சாரி ஆகியோர் தலைமையில் உபயதாரர்கள் உள்ளிட்ட ஒருங்கிணைப்பாளர்கள் செய்துள்ளனர்.


தொடர்புடைய செய்திகள்

1. பக்தர்கள் கை குலுக்கக்கூடாது; கோவில், தேவாலயங்கள், மசூதிகளுக்கு கட்டுப்பாடு - தமிழக அரசு அறிவிப்பு
ஊரக பகுதிகளில் உள்ள கோவில்கள், சிறிய தேவாலயங்கள் மற்றும் சிறிய மசூதிகள் திறக்கப்பட்டதை தொடர்ந்து சில கட்டுப்பாடுகளை பின்பற்ற தமிழக அரசு அறிவிப்பு வெளியிட்டு உள்ளது. இதுகுறித்து தமிழக அரசு வெளியிட்டுள்ள செய்திக்குறிப்பில் கூறியிருப்பதாவது:-
2. கோவில் பூட்டை உடைத்து திருட்டு பணத்தை எடுத்துக்கொண்டு உண்டியல்களை வீசி சென்ற மர்மநபர்கள்
கீரனூரில் கோவில் பூட்டை உடைத்து திருட்டு பணத்தை எடுத்துக்கொண்டு உண்டியல்களை வீசி சென்ற மர்மநபர்கள்.
3. கோவில் வளாகத்தில் மட்டுமே சுற்றிவந்த கெங்கையம்மன் சிரசு - நள்ளிரவு 1½ மணி நேரத்தில் விழா முடிந்தது
குடியாத்தம் கெங்கையம்மன் கோவில் சிரசு திருவிழா நேற்று நடந்தது. பக்தர்கள் இன்றி கோவில் வளாகத்திலேயே அம்மன்சிரசு சுற்றிவந்து நள்ளிரவு 1½ மணி நேரத்தில் விழா முடிந்தது.
4. ‘கோவில், மசூதி, தேவாலய நிகழ்ச்சிகளை 31–ந்தேதி வரை நிறுத்தி வையுங்கள்’ கலெக்டர் சந்தீப்நந்தூரி வேண்டுகோள்
கோவில், மசூதி, தேவாலய நிகழ்ச்சிகளை வருகிற 31–ந்தேதி வரை நிறுத்தி வையுங்கள்’ என்று மாவட்ட கலெக்டர் சந்தீப்நந்தூரி வேண்டுகோள் விடுத்துள்ளார்.
5. ஸ்ரீரங்கம் ரெங்கநாதர் கோவில் பிரசாத கடையில் தீ ஊழியர்கள் உடனே அணைத்ததால் பெரும் விபத்து தவிர்ப்பு
ஸ்ரீரங்கம் ரெங்கநாதர் கோவில் பிரசாத கடையில் ஏற்பட்ட தீயை ஊழியர்கள் உடனே அணைத்ததால் பெரும் விபத்து தவிர்க்கப்பட்டது.