மாவட்ட செய்திகள்

பெங்களூருவில் நள்ளிரவு 2 மணி வரை மதுபான கடைகள் திறக்க முடிவு - கலால்துறை மந்திரி எச்.நாகேஷ் பேட்டி + "||" + Decision to open liquor stores in Bengaluru till midnight - Kalalturai Minister H. Nagesh

பெங்களூருவில் நள்ளிரவு 2 மணி வரை மதுபான கடைகள் திறக்க முடிவு - கலால்துறை மந்திரி எச்.நாகேஷ் பேட்டி

பெங்களூருவில் நள்ளிரவு 2 மணி வரை மதுபான கடைகள் திறக்க முடிவு - கலால்துறை மந்திரி எச்.நாகேஷ் பேட்டி
ஏழைகளுக்கு மானிய விலையில் மது வழங்க ஆலோசனை நடத்தப்பட்டு வருவதாகவும், பெங்களூருவில் நள்ளிரவு 2 மணி வரை மதுபான கடைகளை திறக்க அனுமதி வழங்க முடிவு செய்யப்பட்டுள்ளதாகவும் கலால்துறை மந்திரி எச்.நாகேஷ் கூறினார். கலால்துறை மந்திரி எச்.நாகேஷ் பெங்களூருவில் நேற்று நிருபர்களுக்கு பேட்டி அளிக்கையில் கூறியதாவது:-
பெங்களூரு, 

கர்நாடகத்தில் சித்தராமையா முதல்-மந்திரியாக இருந்தபோது வாரத்தில் வெள்ளி மற்றும் சனிக்கிழமைகளில் மட்டும் பெங்களூரு நகரில் மதுபான கடைகள் நள்ளிரவு 1 மணி வரை திறக்க அனுமதி வழங்கப்பட்டது. மாநில அரசின் வருமானத்தை பெருக்கும் வகையில் பெங்களூரு நகரில் தினமும் நள்ளிரவு 2 மணி வரை மதுபான கடைகளை திறக்க முடிவு செய்யப்பட்டுள்ளது. இதற்கு போலீஸ் துறையும் அனுமதி வழங்கியுள்ளது. சட்டம்ஒழுங்கை பாதுகாக்கும் பணியை போலீசார் மேற்கொள்வார்கள்.

நடப்பு ஆண்டில் கலால் வரி வசூல் இலக்காக ரூ.20 ஆயிரத்து 950 கோடி நிர்ணயிக்கப்பட்டுள்ளது. 2019-ம் ஆண்டு டிசம்பர் மாதம் வரை ரூ.16 ஆயிரத்து 100 கோடி வசூலாகியுள்ளது. இன்னும் உள்ள 3 மாதங்களில் இலக்கை அடைவோம் என்ற நம்பிக்கை உள்ளது. ஏழைகளுக்கு மானிய விலையில் மதுபானம் விற்பனை செய்வது குறித்து அரசு ஆலோசித்து வருகிறது.

ஏழை மக்கள் அதிகமாக பயன்படுத்தும் மதுபானத்தை மட்டும் மானிய விலையில் விற்பனை செய்வது குறித்து ஆலோசித்து வருகிறோம். அவர்களின் உடல்நிலையில் எந்த பாதிப்பும் ஏற்படாத வகையில் தரமான மதுபானம் விற்பனை செய்யப்படும்.

கூலித்தொழிலாளர்கள் குறைந்த விலை மதுபானத்தை பயன்படுத்துகிறார்கள். இதனால் உடல்நிலையில் பாதிப்பு ஏற்பட்டு அவர்கள் மரணம் அடையும் நிகழ்வுகள் நடக்கின்றன.

இவ்வாறு மந்திரி எச்.நாகேஷ் கூறினார்.

தொடர்புடைய செய்திகள்

1. 3 வயது குழந்தையை கடத்தி விற்க முயன்ற வழக்கில் தலைமறைவாக இருந்த தொழிலாளி உள்பட 3 பேர் கைது பெற்ற குழந்தையையும் ரூ.70 ஆயிரத்திற்கு விற்றது அம்பலம்
பெங்களூருவில் 3 வயது குழந்தையை கடத்தி விற்க முயன்ற வழக்கில் தலைமறைவாக இருந்த தொழிலாளி உள்பட 3 பேர் கைது செய்யப்பட்டார்கள். பெற்ற குழந்தையையும் ரூ.70 ஆயிரத்திற்கு விற்றது அம்பலமாகி உள்ளது.
2. பெங்களூரு மானேக்‌ஷா மைதானத்தில் குடியரசு தின விழா கவர்னர் நாளை தேசிய கொடி ஏற்றுகிறார் பலத்த பாதுகாப்பு ஏற்பாடுகள்
பெங்களூரு மானேக்‌ஷா மைதானத்தில் நாளை (ஞாயிற்றுக்கிழமை) குடியரசு தின விழா கோலாகலமாக கொண்டாடப் படுகிறது. இந்த விழாவில் கவர்னர் வஜூபாய் வாலா தேசிய கொடி ஏற்றி வைக்கிறார்.
3. பெங்களூருவில் மேலும் 2 பயங்கரவாதிகள் கைது: தமிழக சப்-இன்ஸ்பெக்டர் கொலையில் தொடர்பா? போலீஸ் விசாரணை
பெங்களூருவில் மேலும் 2 பயங்கரவாதிகள் கைது செய்யப்பட்டனர். தமிழக போலீஸ் சப்-இன்ஸ்பெக்டர் கொலையில் இவர்களுக்கு தொடர்பா? என்பது குறித்து விசாரணை நடைபெற்று வருகிறது.
4. பெங்களூருவில் கைது செய்யப்பட்ட மூவருக்கு 10 நாள் போலீஸ் காவல் -எழும்பூர் நீதிமன்றம் உத்தரவு
தீவிரவாதிகளுடன் தொடர்பில் இருந்ததாக பெங்களூருவில் கைது செய்யப்பட்ட 3 பேரை 10 நாள் போலீஸ் காவலில் எடுத்து விசாரிக்க எழும்பூர் நீதிமன்றம் உத்தரவிட்டுள்ளது.
5. பெங்களூருவில் திருட்டு, கொள்ளை வழக்குகளில் : தமிழகத்தை சேர்ந்தவர்கள் உள்பட 70 பேர் கைது
பெங்களூருவில், திருட்டு, கொள்ளை உள்பட பல்வேறு குற்ற வழக்குகளில் தொடர்புடைய தமிழகத்தை சேர்ந்தவர்கள் உள்பட 70 பேர் கைது செய்யப்பட்டு உள்ளனர். இவர்களிடம் இருந்து ரூ.1.48 கோடி நகை-பணம் உள்பட ஏராளமான பொருட்கள் மீட்கப்பட்டன. பெங்களூருவில் திருட்டு, கொள்ளை, வழிப்பறி உள்பட பல்வேறு வழக்குகளில் தொடர்புடையவர்களை தென்கிழக்கு மண்டல போலீசார் கைது செய்தனர். அதுபற்றிய விவரம் வருமாறு:-

ஆசிரியரின் தேர்வுகள்...