மாவட்ட செய்திகள்

கிண்டியில் இளம்பெண் மர்ம சாவு - கொலையா? போலீஸ் விசாரணை + "||" + In Guindy Young woman mysterious death - murder? Police are investigating

கிண்டியில் இளம்பெண் மர்ம சாவு - கொலையா? போலீஸ் விசாரணை

கிண்டியில் இளம்பெண் மர்ம சாவு - கொலையா? போலீஸ் விசாரணை
கிண்டியில் வீட்டுக்குள் இளம்பெண் மர்மமான முறையில் இறந்து கிடந்தார். அவர் கொலை செய்யப்பட்டாரா? என போலீசார் விசாரித்து வருகின்றனர்.
ஆலந்தூர், 

சென்னை கிண்டி மடுவின்கரை மசூதி காலனி 5-வது தெருவைச் சேர்ந்தவர் பிரசாத் (வயது 36). இவருடைய மனைவி உஷா (30). இவர்களுக்கு 5 வயதில் பெண் குழந்தை உள்ளது. இவர்கள் அதே பகுதியில் மாவு கடை நடத்தி வருகின்றனர்.

நேற்று முன்தினம் இரவு உஷாவின் சகோதரி செல்போனில் அவரை தொடர்பு கொண்டார். அப்போது போனை எடுத்து பேசிய பிரசாத், உஷா தூங்குவதாக கூறி இணைப்பை துண்டித்துவிட்டார்.

இதையடுத்து நேற்று மீண்டும் அவர் தொடர்பு கொண்டபோது, போனை ஆந்திராவில் உள்ள பிரசாத்தின் உறவினர் எடுத்து பேசினார். இதனால் சந்தேகம் அடைந்த உஷாவின் சகோதரி, கிண்டியில் உள்ள தனக்கு தெரிந்தவர்களிடம் விவரத்தை கூறி தங்கையின் வீட்டுக்கு சென்று பார்க்கும்படி கூறினார்.

அதன்படி அவர்கள் உஷா வீட்டுக்கு சென்று பார்த்தனர். அங்கு உஷா, மர்மமான முறையில் இறந்துகிடந்தார். அவரது உடலில் காயங்கள் எதுவும் இல்லை. பிரசாத், தனது மகளை ஆந்திராவில் உள்ள பெற்றோரிடம் ஒப்படைத்துவிட்டு தலைமறைவாகிவிட்டது தெரிந்தது.

இது பற்றி தகவல் அறிந்துவந்த கிண்டி போலீசார், உஷா உடலை மீட்டு பிரேத பரிசோதனைக்கு அனுப்பி வைத்தனர். மேலும் இதுபற்றி போலீசார் வழக்குப்பதிவு செய்து கணவன்-மனைவி இடையே ஏற்பட்ட தகராறில் உஷா அடித்துக்கொலை செய்யப்பட்டாரா? அல்லது அவர் தற்கொலை செய்து கொண்டாரா? அல்லது வேறு ஏதேனும் காரணமா? என விசாரித்து வருகின்றனர்.

உஷாவின் பிரேத பரிசோதனை அறிக்கை வந்தால்தான் அவரது சாவுக்கான உண்மையான காரணம் என்ன? என்பது தெரியவரும் என போலீசார் தெரிவித்தனர். மேலும் தலைமறைவான பிரசாத்தை போலீசார் வலைவீசி தேடி வருகின்றனர்.

தொடர்புடைய செய்திகள்

1. சேலம் அரசு ஆஸ்பத்திரியில் அடிப்படை வசதிகள் செய்யக்கோரி வடமாநில இளம்பெண் திடீர் தர்ணா
சேலம் அரசு ஆஸ்பத்திரியில் அடிப்படை வசதிகள் செய்யக்கோரி வடமாநில இளம்பெண் திடீர் தர்ணா.
2. இளம்பெண்ணுக்கு செல்போனில் தொல்லை: தட்டிக்கேட்ட பூசாரிக்கு கத்திக்குத்து; 2 பேர் கைது
இளம்பெண்ணுக்கு செல்போனில் தொல்லை கொடுத்ததை தட்டிக்கேட்ட பூசாரியை கத்தியால் குத்திய 2 பேரை போலீசார் கைது செய்தனர்.
3. ஊரடங்கு உத்தரவால் சிக்க மாட்டோம் என நினைத்து இளம்பெண்ணிடம் சங்கிலி பறித்த வாலிபர்கள் - பொதுமக்கள் மடக்கிப்பிடித்து அடி-உதை
ஊரடங்கு உத்தரவால் சிக்க மாட்டோம் என நினைத்து இளம்பெண்ணிடம் சங்கிலி பறித்த வாலிபர்களை பொதுமக்கள் மடக்கிப்பிடித்து சரமாரியாக அடித்து உதைத்தனர்.
4. நாகர்கோவிலில் பஸ் சக்கரத்தில் சிக்கி இளம்பெண் சாவு: படுகாயம் அடைந்த கணவரும் பலியான பரிதாபம்
நாகர்கோவிலில் அரசு பஸ் சக்கரத்தில் சிக்கி இளம்பெண் பலியான சம்பவத்தில் படுகாயம் அடைந்த கணவரும் சிகிச்சை பலனின்றி பரிதாபமாக இறந்தார்.
5. சிலிண்டர் வெடித்து இளம்பெண் பலி காப்பாற்ற முயன்ற கணவர் படுகாயம்
ஈரோடு அருகே சிலிண்டர் வெடித்து இளம்பெண் இறந்தார். அவரை காப்பாற்ற சென்ற கணவர் படுகாயம் அடைந்தார்.