மாவட்ட செய்திகள்

பாலிடெக்னிக் கல்லூரி அருகே பஸ்கள் நிற்காததை கண்டித்து மாணவர்கள் மறியல் + "||" + Students protesting for not standing buses near polytechnic college

பாலிடெக்னிக் கல்லூரி அருகே பஸ்கள் நிற்காததை கண்டித்து மாணவர்கள் மறியல்

பாலிடெக்னிக் கல்லூரி அருகே பஸ்கள் நிற்காததை கண்டித்து மாணவர்கள் மறியல்
பாலிடெக்னிக் கல்லூரி அருகே பஸ்கள் நிற்காததை கண்டித்து மாணவர்கள் மறியல் போராட்டத்தில் ஈடுபட்டனர்.
கீழப்பழுவூர்,

அரியலூர் மாவட்டம் திருமானூர் ஒன்றியத்துக்கு உட்பட்ட கீழப்பழுவூரில், அரியலூரில் இருந்து தஞ்சை செல்லும் தேசிய நெடுஞ்சாலை அருகே அரசு பாலிடெக்னிக் கல்லூரி உள்ளது. இந்த கல்லூரியில், இப்பகுதியை சுற்றியுள்ள பல்வேறு கிராமங்களில் இருந்து மாணவர்கள் பஸ்சில் வந்து கல்வி பயின்று வருகின்றனர்.


இந்நிலையில் கடந்த சில மாதங்களாகவே இந்த வழியாக சென்று வரும் பஸ்கள் கல்லூரி பஸ் நிறுத்தத்தில் நிற்காமல் சென்று வந்தன. இதுகுறித்து டிரைவர்கள் மற்றும் கண்டக்டர்களிடம் மாணவர்கள் எடுத்து கூறியும் அவர்கள் இங்கெல்லாம் நிறுத்த முடியாது என்று கூறியதாக தெரிகிறது. இதனால், கீழப்பழுவூர் புதிய பஸ் நிலையத்தில் மாணவர்கள் இறங்கி சுமார் 2 கிலோமீட்டர் நடந்து கல்லூரிக்கு சென்று வருகின்றனர்.

சாலை மறியல்

வழக்கம்போல நேற்றும் பஸ்கள் நிற்காமல் சென்றன. இதனால் அத்திரமடைந்த மாணவர்கள் இதனை கண்டித்தும், கல்லூரி அருகே பஸ்கள் நின்று செல்லக்கோரியும் அரியலூரில் இருந்து தஞ்சை செல்லும் தேசிய நெடுஞ்சாலையில் மறியலில் ஈடுபட்டனர். இதுகுறித்து தகவலறிந்த கீழப்பழுவூர் போலீஸ் சப்-இன்ஸ்பெக்டர் முத்துசாமி தலைமையிலான போலீசார் சம்பவ இடத்திற்கு வந்து மாணவர்களிடம் பேச்சுவார்த்தை நடத்தினர்.

இதுகுறித்து போக்கு வரத்து அதிகாரிகளிடம் தெரிவித்து தக்க நடவடிக்கை எடுப்பதாக உறுதி கூறியதன்பேரில் மறியலை கைவிட்டு மாணவர்கள் கலைந்து சென்றனர். இந்த மறியல் காரணமாக அப்பகுதியில் 30 நிமிடம் போக்குவரத்து பாதிக்கப்பட்டது.

தொடர்புடைய செய்திகள்

1. குடியுரிமை திருத்த சட்டத்துக்கு எதிர்ப்பு தெரிவித்து சேலம் கலெக்டர் அலுவலகம் முன்பு முஸ்லிம்கள் சாலை மறியல்
குடியுரிமை திருத்த சட்டத்துக்கு எதிர்ப்பு தெரிவித்து சேலம் கலெக்டர் அலுவலகம் முன்பு நேற்று முஸ்லிம்கள் சாலை மறியலில் ஈடுபட்டதால் பரபரப்பு ஏற்பட்டது.
2. தனி சுடுகாடு அமைத்து தரக்கோரி இறந்தவரின் உடலை சாலையில் வைத்து மறியல் நாகை அருகே நடந்தது
நாகை அருகே தனி சுடுகாடு அமைத்து தரக்கோரி இறந்தவரின் உடலை சாலையில் வைத்து கிராம மக்கள் மறியல் போராட்டத்தில் ஈடுபட்டனர்.
3. சாலை விரிவாக்க பணியை விரைந்து முடிக்க கோரி விருத்தாசலத்தில் அரசியல் கட்சியினர் சாலை மறியல்
சாலை விரிவாக்க பணியை விரைந்து முடிக்க கோரி விருத்தாசலத்தில் அரசியல் கட்சியினர் சாலை மறியல் போராட்டத்தில் ஈடுபட்டனர்.
4. அய்யம்பட்டி ஜல்லிக்கட்டில் பங்கேற்க டோக்கன் வழங்காததால் காளைகளுடன் மறியல்
சின்னமனூர் அருகே உள்ள அய்யம்பட்டி ஜல்லிக்கட்டில் பங்கேற்க டோக்கன் வழங்காததால் காளைகளுடன் அதன் உரிமையாளர்கள் மறியலில் ஈடுபட்டனர்.
5. நல்லம்பள்ளி அருகே பேராசிரியரை கண்டித்து அரசு கல்லூரி மாணவர்கள் தர்ணா போராட்டம்
நல்லம்பள்ளி அருகே பேராசிரியரை கண்டித்து அரசு கல்லூரி மாணவர்கள் தர்ணா போராட்டத்தில் ஈடுபட்டனர்.