மாவட்ட செய்திகள்

குடியரசு தினவிழாவில் ரூ.59 லட்சம் நலத்திட்ட உதவிகள் - கலெக்டர் விஜயலட்சுமி வழங்கினார் + "||" + Rs. 59 Lakhs Welfare Program Assistance at Republic Day - Collector Vijayalakshmi

குடியரசு தினவிழாவில் ரூ.59 லட்சம் நலத்திட்ட உதவிகள் - கலெக்டர் விஜயலட்சுமி வழங்கினார்

குடியரசு தினவிழாவில் ரூ.59 லட்சம் நலத்திட்ட உதவிகள் - கலெக்டர் விஜயலட்சுமி வழங்கினார்
திண்டுக்கல்லில் நடந்த குடியரசு தினவிழாவில் ரூ.59 லட்சம் மதிப்பிலான நலத்திட்ட உதவிகளை கலெக்டர் விஜயலட்சுமி வழங்கினார்.
திண்டுக்கல்,

திண்டுக்கல் மாவட்ட விளையாட்டு மைதானத்தில், குடியரசு தினவிழா நடைபெற்றது. இதில் கலெக்டர் விஜயலட்சுமி தலைமை தாங்கி, தேசியக்கொடியை ஏற்றி வைத்தார். பின்னர் சமாதானத்தின் அடையாளமாக வெண் புறாக்களையும், மூவர்ண பலூன்களையும் பறக்கவிட்டார்.

இதையடுத்து போலீசார், தீயணைப்புத்துறை, ஊர்க்காவல்படை, தேசிய மாணவர் படையினர் அளித்த அணிவகுப்பு மரியாதையை கலெக்டர் ஏற்றுக் கொண்டார். பின்னர் இந்திய சுதந்திர போராட்டத்தில் பங்கேற்ற தியாகிகள் மற்றும் அவர்களின் வாரிசுகளுக்கு சால்வை அணிவித்து கவுரவித்தார்.

இதைத் தொடர்ந்து போலீஸ் துறையில் சிறப்பாக பணியாற்றிய கைரேகை பிரிவு போலீஸ் துணை சூப்பிரண்டு சீனியம்மாள் மற்றும் இன்ஸ்பெக்டர்கள் ராஜமுரளி, லாவண்யா, சப்-இன்ஸ்பெக் டர்கள் மாரிமுத்து, இளஞ்செழியன் உள்பட 25 பேருக்கு பாராட்டு சான்றும், 68 பேருக்கு முதல்-அமைச்சர் விருதும் கலெக்டர் வழங்கினார்.

அதேபோல் சிறப்பாக பணியாற்றிய மகளிர் திட்ட உதவி திட்ட அலுவலர் சதீஷ்பாபு, ஊரக வளர்ச்சி முகமை உதவி திட்ட அலுவலர் கலைச்செல்வன், ஊராட்சி உதவி இயக்குனர் விஜயசந்திரிகா உள்பட 180 பேருக்கு பதக்கம் மற்றும் பாராட்டு சான்றிதழ் வழங்கினார்.

அதன்பின்னர் பல்வேறு துறைகளின் சார்பில் 101 பேருக்கு நலத்திட்ட உதவிகள் வழங்கினார். அதில் சமூக பாதுகாப்பு திட்டத்தில் 42 பேருக்கு முதியோர் உதவித்தொகை, 26 பேருக்கு இலவச வீட்டுமனை பட்டா, முன்னாள் படைவீரர்கள் நலத்துறை சார்பில் 2 பேருக்கு தலா ரூ.50 ஆயிரம் வருடாந்திர பராமரிப்பு தொகை, தோட்டக்கலைத்துறை சார்பில் 4 பேருக்கு ரூ.13 லட்சம் மானியம், பிற்படுத்தப்பட்டோர் மற்றும் சிறுபான்மையினர் நலத்துறை சார்பில் 10 பேருக்கு இலவச இஸ்திரி பெட்டி மற்றும் தையல் எந்திரங்கள், வேளாண்மை பொறியியல் துறை சார்பில் 2 பேருக்கு ரூ.4½ லட்சம் நிதிஉதவி உள்பட மொத்தம் ரூ.59 லட்சத்து 22 ஆயிரத்து 219 மதிப்பிலான நலத்திட்ட உதவிகள் வழங்கப்பட்டன.

மேலும் வட்டார போக்குவரத்து அலுவலகம் சார்பில் சாலை பாதுகாப்பு விழிப்புணர்வு நிகழ்ச்சி நடந்தது. இதில் எமதர்மன், சித்திரகுப்தன் வேடமணிந்தவர்கள் ஹெல்மெட் அணிவதன் அவசியம் உள்ளிட்ட சாலை விதிகளை கடைபிடிப்பது குறித்து நடித்தனர். மேலும் அரசு போக்குவரத்துக்கழக பயிற்சி பள்ளி மாணவர்கள் விழிப்புணர்வு பாடலுக்கு நடனம் ஆடி அனைவரையும் கவர்ந்தனர்.

இறுதியில் பள்ளி மாணவ- மாணவிகளின் கண்கவர் கலைநிகழ்ச்சிகள் நடந்தன. இதில் தேசிய ஒருமைப்பாடு, பிளாஸ்டிக் ஒழிப்பு போன்றவற்றை வலியுறுத்தும் பாடலுக்கு மாணவ-மாணவிகள் நடனமாடினர். மேலும் கரகாட்டம், கோலாட்டம் உள்ளிட்ட கிராமிய கலைகளை பிரதிபலிக்கும் வகையில் மாணவிகள் நடனமாடி அசத்தினர். இந்த விழாவில் போலீஸ் சூப்பிரண்டு சக்திவேல், மாவட்ட வருவாய் அலுவலர் வேலு உள்பட அனைத்து துறை அதிகாரிகள் பங்கேற்றனர்.

இதேபோல் தமிழ்நாடு அரசு போக்குவரத்து கழகத்தின் திண்டுக்கல் மண்டல அலுவலக வளாகத்தில் குடியரசு தினவிழா நடைபெற்றது. இதில் மண்டல பொதுமேலாளர் கணேசன் தலைமை தாங்கி தேசியக்கொடியை ஏற்றினார். பின்னர் சிறப்பாக பணியாற்றிய 12 டிரைவர்கள், 12 கண்டக்டர்கள் உள்பட 29 பேருக்கு பரிசு மற்றும் பாராட்டு சான்றுகளை வழங்கினார். இதில் துணை மேலாளர்கள், உதவி மேலாளர்கள் உள்பட பலர் கலந்து கொண்டனர்.

திண்டுக்கல் ஒருங்கிணைந்த கோர்ட்டு வளாகத்தில் நடைபெற்ற குடியரசு தினவிழாவில் மாவட்ட நீதிபதி ஜமுனா தேசியக்கொடியை ஏற்றினார். பின்னர் பல்வேறு போட்டிகளில் வெற்றி பெற்ற கோர்ட்டு ஊழியர்களுக்கு பரிசுகள் வழங்கினார். இதில் நீதிபதிகள், மாஜிஸ்திரேட்டுகள், வக்கீல்கள், கோர்ட்டு ஊழியர்கள் பங்கேற்றனர்.

திண்டுக்கல் மாநகராட்சி அலுவலகத்தில் நடைபெற்ற குடியரசு தினவிழாவில் கமிஷனர் செந்தில்முருகன் தேசியக்கொடியை ஏற்றினார். பின்னர் சிறப்பாக பணியாற்றிய ஊழியர்களுக்கு பாராட்டு சான்று வழங்கப்பட்டது. இதில் நகர்நல அலுவலர் அனிதா உள்ளிட்ட அதிகாரிகள், ஊழியர்கள் கலந்து கொண்டனர்.

திண்டுக்கல் அபிராமி கூட்டுறவு சங்கத்தில் நடைபெற்ற குடியரசு தினவிழாவுக்கு மேலாண்மை இயக்குனர் குழந்தைவேல் தலைமை தாங்கினார். துணைத்தலைவர் வி.டி.ராஜன் முன்னிலை வகித்தார். விழாவில் தலைவர் பாரதிமுருகன் தேசியக்கொடியை ஏற்றினார். இதில் சிறப்பாக பணியாற்றியவர்களுக்கு பாராட்டு சான்றிதழ்கள் வழங்கப்பட்டன. அபிராமி கூட்டுறவு சங்க இயக்குனர்கள், அலுவலர்கள் பங்கேற்றனர். 

தொடர்புடைய செய்திகள்

1. ஏ.சி. வசதி இல்லாத கடைகள் நிபந்தனைகளுடன் செயல்படலாம் - கலெக்டர் அறிவிப்பு
திண்டுக்கல் மாவட்டத்தில் ஏ.சி. வசதி இல்லாத கடைகள் நிபந்தனைகளுடன் செயல்படலாம். இதுகுறித்து கலெக்டர் விஜயலட்சுமி கூறியிருப்பதாவது:-
2. பட்டிவீரன்பட்டி அருகே, கொரோனா பாதித்த பகுதிகளில் கலெக்டர் திடீர் ஆய்வு
பட்டிவீரன்பட்டி அருகே கொரோனா பாதித்த பகுதிகளில் திண்டுக்கல் மாவட்ட கலெக்டர் விஜயலட்சுமி நேரில் ஆய்வு செய்தார்.
3. சமூக இடைவெளி குறித்த விழிப்புணர்வு ஏற்படுத்த அனைத்து மத பிரதிநிதிகளும் அதிகாரிகளுடன் இணைந்து செயல்பட வேண்டும்
சமூக இடைவெளி குறித்து பொதுமக்களிடம் விழிப்புணர்வு ஏற்படுத்த அனைத்து மத பிரதிநிதிகளும் மாவட்ட நிர்வாக அதிகாரிகளுடன் இணைந்து செயல்பட வேண்டும் என்று ஆலோசனை கூட்டத்தில் கலெக்டர் விஜயலட்சுமி வேண்டுகோள் விடுத்துள்ளார்.
4. அத்தியாவசிய பொருட்களை கொண்டு செல்ல 1,754 வாகனங்களுக்கு அனுமதி சீட்டு - கலெக்டர் தகவல்
அத்தியாவசிய பொருட் களை கொண்டு செல்வதற்கு இதுவரை 1,754 வாகனங்களுக்கு அனுமதி சீட்டு வழங்கப்பட்டுள்ளதாக கலெக்டர் விஜயலட்சுமி தெரிவித்தார்.
5. கொரோனா வைரஸ் எதிரொலி: ரெயில் பயணிகளுக்கு நோய் தொற்று பரவாமல் தடுக்க நடவடிக்கை - கலெக்டர் உத்தரவு
ரெயில்களில் பயணம் செய்யும் பயணிகளுக்கு கொரோனா வைரஸ் பரவாமல் தடுக்க நடவடிக்கை எடுக்குமாறு கலெக்டர் விஜயலட்சுமி உத்தரவிட்டுள்ளார்.