மாவட்ட செய்திகள்

வீடு கட்ட பள்ளம் தோண்டியபோது ஐம்பொன் சிலைகள் கண்டெடுப்பு + "||" + Imbon statues found during excavation

வீடு கட்ட பள்ளம் தோண்டியபோது ஐம்பொன் சிலைகள் கண்டெடுப்பு

வீடு கட்ட பள்ளம் தோண்டியபோது ஐம்பொன் சிலைகள் கண்டெடுப்பு
வீடு கட்ட பள்ளம் தோண்டியபோது கண்டெடுக்கப்பட்ட ஐம்பொன் சிலைகள், தாசில்தாரிடம் ஒப்படைக்கப்பட்டது.
மெலட்டூர்,

தஞ்சை மாவட்டம் மெலட்டூர் அருகே உள்ள தேவராயன்பேட்டை ஊராட்சிக்கு உட்பட்ட கிடங்காநத்தம் கிராமத்தை சேர்ந்தவர் ராமலிங்கம் (வயது62). இவர் அம்மாப்பேட்டை ஒன்றிய தி.மு.க. பொருளாளர் ஆவார். அந்த பகுதியில் உரக்கடை நடத்தி வருகிறார். இவருடைய நிலத்தில் வீடு கட்டுவதற்காக கட்டிட தொழிலாளர்கள் நேற்று முன்தினம் மாலை பள்ளம் தோண்டினர். அப்போது நிலத்துக்கு அடியில் உலோக பொருட்கள் தட்டுப்பட்டது. இதையடுத்து தொழிலாளர்கள் கவனமாக தோண்டியபோது 2 சாமி சிலைகள் மண்ணில் புதைந்திருப்பது தெரியவந்தது. அவற்றை தொழிலாளர்கள் வெளியே எடுத்து பாதுகாப்பாக வைத்தனர்.


ஐம்பொன்

அதில் ஒன்று 3 அடி உயரம் உள்ள விஷ்ணு சிலையாகும். மற்றொன்று 2 அடி உயரம் உள்ள அம்மன் சிலை ஆகும். இதுகுறித்து பாபநாசம் தாசில்தார் அலுவலகத்துக்கு ராமலிங்கம் தகவல் தெரிவித்தார்.

தகவலின்பேரில் பாபநாசம் தாசில்தார் கண்ணன் மற்றும் வருவாய்த்துறை அதிகாரிகள் அங்கு சென்று சிலைகளை பார்வையிட்டனர். இதில் சிலைகள் இரண்டும் ஐம்பொன்னால் ஆனவை என்பது தெரியவந்தது. இதைத்தொடர்ந்து சிலைகள் தாசில்தாரிடம் ஒப்படைக்கப்பட்டது. பின்னர் அந்த சிலைகள் தாசில்தார் அலுவலகத்துக்கு கொண்டு செல்லப்பட்டு, பாதுகாப்பாக வைக்கப்பட்டுள்ளது. சிலைகள் எந்த காலத்தை சேர்ந்தவை? ஏதேனும் கோவிலுக்குரிய சிலைகளா? என்பது பற்றி அதிகாரிகள் தொடர்ந்து விசாரணை நடத்தி வருகிறார்கள்.

தொடர்புடைய செய்திகள்

1. தஞ்சை பெரியகோவிலில் மண்டலாபிஷேக நிறைவு விழா திரளான பக்தர்கள் சாமி தரிசனம்
தஞ்சை பெரியகோவிலில் மண்டலாபிஷேக நிறைவு விழா நடைபெற்றது. விழாவில் திரளான பக்தர்கள் கலந்து கொண்டு சாமி தரிசனம் செய்தனர்.
2. அமாவாசையையொட்டி ஆஞ்சநேயர் கோவில்களில் சிறப்பு வழிபாடு திரளான பக்தர்கள் சாமி தரிசனம்
அமாவாசையையொட்டி ஆஞ்சநேயர் கோவில்களில் சிறப்பு வழிபாடு நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
3. தஞ்சை பெரியகோவிலில் பக்தர்கள் பலமணி நேரம் காத்திருந்து சாமி தரிசனம்
தஞ்சை பெரியகோவிலில் நேற்று கொளுத்தும் வெயிலையும் பொருட்படுத்தாமல் பக்தர்கள் நீண்ட வரிசையில் பல மணி நேரம் காத்திருந்து சாமி தரிசனம் செய்தனர்.
4. சேலம் கோவில்களில் சிறப்பு பூஜை ஆங்கில புத்தாண்டையொட்டி திரளான பக்தர்கள் சாமி தரிசனம்
ஆங்கில புத்தாண்டையொட்டி சேலம் கோவில்களில் நேற்று சிறப்பு பூஜைகள் நடைபெற்றது. இதையொட்டி திரளான பக்தர்கள் கோவிலுக்கு வந்து சாமி தரிசனம் செய்தனர்.
5. ஆஞ்சநேயர் கோவில்களில் அனுமன் ஜெயந்தி விழா திரளான பக்தர்கள் சாமி தரிசனம்
திருவாரூர் மாவட்டத்தில் உள்ள ஆஞ்சநேயர் கோவில்களில் அனுமன் ஜெயந்தி விழா நடைபெற்றது. இதில் திரளான பக்தர்கள் கலந்துகொண்டு சாமி தரிசனம் செய்தனர்.