மாவட்ட செய்திகள்

திருச்சி-திருப்பைஞ்சீலி இடையே அடிக்கடி பழுதாகும் அரசு பஸ் நடுவழியில் பயணிகள் அவதி + "||" + Trichy Between the Thiruppainjeeli The state bus is frequent

திருச்சி-திருப்பைஞ்சீலி இடையே அடிக்கடி பழுதாகும் அரசு பஸ் நடுவழியில் பயணிகள் அவதி

திருச்சி-திருப்பைஞ்சீலி இடையே அடிக்கடி பழுதாகும் அரசு பஸ் நடுவழியில் பயணிகள் அவதி
திருச்சி-திருப்பைஞ்சீலி இடையே அடிக்கடி பழுதாகும் அரசு பஸ்சால் நடுவழியில் மாற்று பஸ்சுக்காக காத்திருந்து பயணிகள் அவதி அடைந்து வருகின்றனர்.
சமயபுரம்,

திருச்சி சத்திரம் பஸ் நிலையத்திலிருந்து திருப்பைஞ்சீலிக்கு தினமும் அரசு பஸ் ஒன்று வந்து செல்கின்றது. இந்த பஸ்சில் திருப்பைஞ்சீலியிலிருந்து திருச்சிக்கு, பள்ளி மற்றும் கல்லூரிகளுக்கு செல்லும் மாணவ, மாணவிகள், கூலி வேலைக்கு செல்லும் தொழிலாளர்கள், தனியார் நிறுவன ஊழியர்கள் என்று 100-க்கும் மேற்பட்டோர் பயணம் செய்கின்றனர்.


இந்த பஸ் திருப்பைஞ்சீலியிலிருந்து மண்ணச்சநல்லூர்,நொச்சியம், டோல்கேட், திருவானைக்கோவில், சத்திரம் பஸ் நிலையம், மார்க்கெட், பாலக்கரை வழியாக மத்திய பஸ் நிலையம் வரை செல்கிறது.

இந்தநிலையில் இந்த பஸ் அடிக்கடி பழுதாகி நடுவழியில் நின்று விடுகிறது. இதன் காரணமாக தாங்கள் பயணம் செய்யும் பஸ் எங்கு பழுதாகி நின்று விடுமோ என்ற அச்சத்திலேயே தினமும் பயணிகள் பயணம் செய்து வருகின்றனர்.

வழக்கம்போல் திருப்பைஞ்சீலியிலிருந்து திருச்சிக்கு நேற்று காலை இந்த பஸ் புறப்பட்டது. உத்தமர்கோவில் மேம்பாலம் அருகே சென்று கொண்டிருந்தபோது திடீரென பஸ்சின் டயரிலிருந்து ஒரு விதமான துர்நாற்றத்துடன் புகை வந்தது.

இதை கவனித்த டிரைவர் பஸ்சை சாமர்த்தியமாக பஸ் நிறுத்தம் அருகே நிறுத்தினார். உடனே பஸ் பழுதாகி விட்டதாக கூறி, டிரைவரும், கண்டக்டரும் பயணிகளை நடுவழியில் கீழே இறக்கிவிட்டனர்.

பின்னர் அந்த வழியாக வந்த அரசு பஸ்களில் மாணவ-மாணவிகள் மற்றும் சிலர் ஏற்றி அனுப்பி வைக்கப்பட்டனர். பலர் அலுவலகத்துக்கு நேரமானதால், தனியார் பஸ்களில் தாங்கள் செல்ல வேண்டிய இடத்திற்கு சென்றனர்.

மேலும் பஸ்சில் பயணம் செய்ய குறிப்பிட்ட அளவே பணம் கொண்டு வந்த தொழிலாளர்கள் மற்றும் கல்லூரி மாணவிகள் அடுத்த பஸ்சில் செல்ல டிக்கெட் எடுக்க வேண்டும் என்பதால் நீண்ட நேரம் காத்திருந்தது பார்க்க பரிதாபமாக இருந்தது.

இதுபோன்று அடிக்கடி பழுதடையும் பழைய பஸ்களுக்கு பதிலாக புதிய பஸ்களை இந்த வழித்தடத்தில் விட வேண்டும் என்றும், அதுவரை பழைய பஸ்களை முறையாக பராமரிக்க வேண்டும் என்றும் இப்பகுதி பொதுமக்கள் கோரிக்கை விடுத்துள்ளனர்.

தொடர்புடைய செய்திகள்

1. திருச்சியில் 21-ந்தேதி திராவிடர் கழக செயற்குழு கூட்டம் - கி.வீரமணி அறிக்கை
திருச்சியில் 21-ந்தேதி திராவிடர் கழக செயற்குழு கூட்டம் நடைபெறும் என்று கி.வீரமணி தெரிவித்துள்ளார். திராவிடர் கழகத் தலைவர் கி.வீரமணி வெளியிட்டுள்ள அறிக்கையில் கூறியிருப்பதாவது:-
2. திருச்சியில் 2 வயது பெண் குழந்தையை கடத்திய தம்பதி கைது
திருச்சியில் 2 வயது பெண் குழந்தையை கடத்திய தம்பதியை போலீசார் கைது செய்தனர். இதுகுறித்து போலீஸ்தரப்பில் கூறப்படுவதாவது:-
3. திருச்சி காந்திமார்க்கெட் அருகே பயங்கரம்: பா.ஜ.க. நிர்வாகி வெட்டிக்கொலை
திருச்சி காந்தி மார்க்கெட் அருகே 4 பேர் கும்பல் சுற்றிவளைத்து பா.ஜ.க. நிர்வாகி வெட்டிக்கொலை செய்யப்பட்டார், இதனால் அந்த பகுதியில் கடை அடைப்பு மற்றும் பதற்றம் நிலவியது.
4. திருச்சியில் 8 வயது சிறுமிக்கு பாலியல் தொந்தரவு - தாயின் 2–வது கணவர் கைது
திருச்சியில் 8 வயது சிறுமிக்கு பாலியல் தொந்தரவு கொடுத்ததாக, அந்த சிறுமியுடைய தாயின் 2–வது கணவரை போலீசார் கைது செய்தனர். இதுகுறித்து போலீஸ் தரப்பில் கூறப்படுவதாவது:–
5. திருச்சியில் அனைத்து தொழிற்சங்கங்கள் வேலை நிறுத்தம்-மறியல் போராட்டம் - 1,250 பேர் கைது
திருச்சியில் அனைத்து தொழிற்சங்கங்கள் சார்பில் வேலை நிறுத்தம் நடைபெற்றது. மறியல் போராட்டத்தில் ஈடுபட்ட 1,250 பேர் கைது செய்யப்பட்டனர். வேலை நிறுத்த போராட்டத்தினால் மக்கள் இயல்பு வாழ்க்கைக்கு பாதிப்பு ஏற்படவில்லை.

அதிகம் வாசிக்கப்பட்டவை