மாவட்ட செய்திகள்

தென்காசி கலெக்டர் அலுவலகத்தில் கிராம மக்கள் மனு + "||" + Villagers petition at the Tenkasi Collector's office

தென்காசி கலெக்டர் அலுவலகத்தில் கிராம மக்கள் மனு

தென்காசி கலெக்டர் அலுவலகத்தில் கிராம மக்கள் மனு
சாதி பிரச்சினையை தூண்டிவிட்டு ஆதாயம் தேட முயற்சி செய்பவர்கள் மீது நடவடிக்கை எடுக்க வேண்டும் தென்காசி கலெக்டர் அலுவலகத்தில் கிராம மக்கள் மனு அளித்துள்ளனர்.
தென்காசி, 

தென்காசி மாவட்டம் சங்கரன்கோவில் தாலுகா மேலநீலிதநல்லூர் யூனியன் பட்டாடைகட்டி கிராம பஞ்சாயத்தை சேர்ந்த ஏராளமான மக்கள் நேற்று மதியம் தென்காசி மாவட்ட கலெக்டர் அலுவலகத்திற்கு திரண்டு வந்தனர். அப்போது அவர்கள் ஒரு கோரிக்கை மனுவை மாவட்ட வருவாய் அலுவலர் கல்பனாவிடம் கொடுத்தனர். அதில் கூறப்பட்டு இருப்பதாவது:-

எங்களது ஊரில் சாதி பிரச்சினை இருப்பதாக மாவட்ட கலெக்டருக்கு புகார் வந்ததை தொடர்ந்து பஞ்சாயத்து உதவியாளர் மாற்றப்பட்டு உள்ளார். இதுவரை இந்த பஞ்சாயத்தில் 25 ஆண்டுகளாக பல்வேறு சமுதாயத்தை சேர்ந்த பஞ்சாயத்து உதவியாளர்கள் வந்துள்ளார்கள். இங்கு இதுவரை எவ்வித சாதி பிரச்சினையும் ஏற்பட்டது இல்லை. இந்த புகாரை அனுப்பியவர்கள் தனிபட்ட முறையில் சாதி பிரச்சினையை மேற்கோள்காட்டி தவறான தகவலை தந்துள்ளார்கள். அவர்கள் மீது தகுந்த நடவடிக்கை எடுக்க வேண்டும்.

மேலும் தட்டான்குளத்தில் பஞ்சாயத்து அலுவலகம் அரசால் திறக்கப்பட்டது. அதுவும் பஞ்சாயத்து உதவியாளர் வந்த பிறகுதான் நடைபெற்றது என்று சுயலாபத்திற்காக தவறான புகார் கொடுத்துள்ளனர். எனவே இதுகுறித்து விசாரணை நடத்தி சுயநலத்திற்காக சாதி பிரச்சினையை தூண்டிவிட்டு ஆதாயம் தேட முயற்சி செய்பவர்கள் மீது நடவடிக்கை எடுக்க வேண்டும். மீண்டும் வேறு இடத்திற்கு மாற்றம் செய்யப்பட்ட பஞ்சாயத்து செயலாளரை நியமனம் செய்ய கேட்டுக்கொள்கிறோம். இவ்வாறு அதில் கூறப்பட்டுள்ளது.

மனுவைப் பெற்றுக் கொண்ட மாவட்ட வருவாய் அலுவலர் கல்பனா இதுகுறித்து உரிய நடவடிக்கை எடுக்கப்படும் என்று கூறியதைத் தொடர்ந்து அனைவரும் கலைந்து சென்றனர்.

தொடர்புடைய செய்திகள்

1. கொடுவாய் அருகே, ஒரே இடத்தில் இரு தரப்பினருக்கு அரசு வீட்டுமனைப்பட்டா - குடியேறுவது யார்? என்பதில் குழப்பம்
கொடுவாய் அருகே ஒரே இடத்தில் இரு தரப்பினருக்கு அரசு சார்பில் வீட்டுமனைப்பட்டா வழங்கப்பட்டுள்ளது. இதனால் சம்பந்தப்பட்ட இடத்தில் யார் குடியேறுவது? என்றகுழப்பம் நிலவுகிறது. இதுகுறித்து இருதரப்பினரும் கலெக்டர் அலுவலகத்தில் மனு கொடுத்து முறையிட்டனர்.
2. தூத்துக்குடி கலெக்டர் அலுவலகத்துக்கு மண்எண்ணெய் கேனுடன் வந்த பெண்ணால் பரபரப்பு
தூத்துக்குடி கலெக்டர் அலுவலகத்துக்கு மண்எண்ணெய் கேனுடன் வந்த பெண்ணால் பரபரப்பு ஏற்பட்டது.
3. ஊதிய உயர்வு வழங்கக்கோரி தென்காசியில் வங்கி ஊழியர்கள் வேலைநிறுத்தம்
ஊதிய உயர்வு வழங்கக்கோரி தென்காசி மாவட்டத்தில் வங்கி ஊழியர்கள் நேற்று வேலைநிறுத்த போராட்டத்தில் ஈடுபட்டனர். இதனால் வங்கி பணிகள் முடங்கின. பல கோடி ரூபாய் பணபரிவர்த்தனைகள் முடங்கின.
4. தென்காசி மாவட்டத்தில், வருகிற 19–ந் தேதி 875 மையங்களில் போலியோ சொட்டு மருந்து முகாம் கலெக்டர் அருண் சுந்தர் தயாளன் தகவல்
தென்காசி மாவட்டத்தில் வருகிற 19–ந் தேதி 875 மையங்களில் போலியோ சொட்டு மருந்து முகாம் நடைபெற உள்ளதாக மாவட்ட கலெக்டர் அருண் சுந்தர் தயாளன் தெரிவித்துள்ளார்.
5. தென்காசியில் கலெக்டர் அலுவலகம் முற்றுகை
தேவேந்திர குல வேளாளர் சமுதாயத்தினர் தென்காசி மாவட்ட கலெக்டர் அலுவலகத்தை முற்றுகையிட்டனர்.