மாவட்ட செய்திகள்

‘ரஜினிகாந்த் அரசியல் பிரவேசம் வரவேற்கத்தக்கது’ பொன்.ராதாகிருஷ்ணன் பேட்டி + "||" + Rajinikanth Welcomes Politics Interview with Pon.Radhakrishnan

‘ரஜினிகாந்த் அரசியல் பிரவேசம் வரவேற்கத்தக்கது’ பொன்.ராதாகிருஷ்ணன் பேட்டி

‘ரஜினிகாந்த் அரசியல் பிரவேசம் வரவேற்கத்தக்கது’ பொன்.ராதாகிருஷ்ணன் பேட்டி
‘ரஜினிகாந்த் அரசியல் பிரவேசம் வரவேற்கத்தக்கது’ என்று சேலத்தில் முன்னாள் மத்திய மந்திரி பொன்.ராதாகிருஷ்ணன் கூறினார்.
சேலம்,

சேலத்தில், மறைந்த பா.ஜனதா கட்சியின் முன்னாள் மாநில பொதுச்ெசயலாளர் ஆடிட்டர் ரமேசின் இல்ல திருமண விழா நேற்று நடந்தது. இதில், பா.ஜனதா கட்சியின் மூத்த தலைவரும், முன்னாள் மத்திய மந்திரியுமான பொன்.ராதாகிருஷ்ணன் கலந்து கொண்டு மணமக்களை வாழ்த்தினார்.


அப்போது அவர் நிருபர்களிடம் கூறியதாவது:-

குடியுரிமை திருத்த சட்டம் குறித்து காங்கிரஸ் மற்றும் தி.மு.க. கூறும் பொய் பிரசாரங்களை முஸ்லிம் சகோதரர்கள் நம்பவேண்டாம். இந்த சட்டத்தால் இந்தியாவில் வாழும் ஒரு முஸ்லிம் கூட பாதிக்கப்படமாட்டார்கள். தமிழகத்தில் மத ரீதியான மோதல்களை உருவாக்க தி.மு.க.வும், காங்கிரசும் அனைவரையும் தயார்படுத்திக் கொண்டு இருக்கிறது.

வரவேற்கத்தக்கது

தமிழக அமைச்சர்களை பா.ஜ.க. மிரட்டி வைத்துள்ளதாக தி.மு.க. தலைவர் மு.க.ஸ்டாலின் தெரிவித்த கருத்தை ஒருபோதும் ஏற்கமுடியாது. யாரையும் மிரட்ட வேண்டிய அவசியம் பா.ஜ.க.வுக்கு கிடையாது. தி.மு.க.-பா.ஜ.க. கூட்டணியாக இருந்தபோது, ஆ.ராசா, டி.ஆர்.பாலு ஆகியோர் நடுங்கி கொண்டு தான் இருந்தார்களா?. தமிழகத்திற்கு துரோகம் செய்வது தி.மு.க., காங்கிரஸ் கட்சியை தவிர வேறு கட்சிகள் கிடையாது.

நடிகர் ரஜினிகாந்த் அரசியல் பிரவேசம் வரவேற்கத்தக்கது. அவர் பா.ஜனதாவில் இணைய வேண்டும் என்பதே அனைவருடைய விருப்பம். ஆனால் தனிக்கட்சி என்று கூறும்போது, இந்த தருணம் சரியாக இருக்காது. 1996-ம் ஆண்டில் ரஜினிகாந்த் செய்த தவறு தி.மு.க.வை மீண்டும் ஆட்சியில் உட்கார வைத்தது. அப்போது அவர் ஆதரவு கொடுத்து ஒருவரை முதல்-அமைச்சராக ஆக்க முடியும் என நிரூபித்து காட்டியவர். தமிழகத்தின் பா.ஜ.க. தலைவராக முருகன் நியமிக்கப்பட்டுள்ளார். அவரை தகுந்த நேரத்தில் தலைமை நியமித்துள்ளது.

இவ்வாறு பொன்.ராதாகிருஷ்ணன் கூறினார்.

தொடர்புடைய செய்திகள்

1. இடைத்தரகர்களிடம் விவசாயிகள் ஏமாறக்கூடாது என்பதற்காகவே வேளாண் பாதுகாப்பு சட்டம் கொண்டுவரப்பட்டுள்ளது அமைச்சர் பேட்டி
இடைத்தரகர்களிடம் விவசாயிகள் ஏமாறக்கூடாது என்பதற்காகவே வேளாண் பாதுகாப்பு சட்டம் கொண்டுவரப்பட்டுள்ளது என திருவாரூரில் அமைச்சர் காமராஜ் கூறினார்.
2. பிரதமர் கிசான் திட்டத்தில் முறைகேடு; இதுவரை ரூ.72 கோடி மீட்பு தஞ்சையில், அமைச்சர் துரைக்கண்ணு பேட்டி
பிரதமர் கிசான் திட்டத்தில் முறைகேடு தொடர்பாக இதுவரையில் ரூ.72 கோடி மீட்கப்பட்டுள்ளது என்று அமைச்சர் துரைக்கண்ணு கூறினார்.
3. நாமக்கல் மாவட்டத்தில் 115 நகரும் ரேஷன் கடைகள் சேவை இன்று தொடக்கம் அமைச்சர் தங்கமணி பேட்டி
நாமக்கல் மாவட்டத்தில் 115 நகரும் ரேஷன் கடைகள் சேவை இன்று (செவ்வாய்க்கிழமை) தொடங்கப்பட உள்ளதாக அமைச்சர் தங்கமணி கூறினார்.
4. வேளாண்மை திருத்த சட்ட மசோதாவால் விவசாயிகளுக்கு பாதிப்பு இல்லை அமைச்சர் தங்கமணி பேட்டி
வேளாண்மை திருத்த சட்ட மசோதாவால் விவசாயிகளுக்கு எந்தவித பாதிப்பும் இல்லை என்று அமைச்சர் தங்கமணி கூறினார்.
5. வேளாண்மை சட்ட திருத்தத்துக்கு எதிராக தடையை மீறி போராட்டம் நாகையில் முத்தரசன் பேட்டி
வேளாண்மை சட்ட திருத்த மசோதாவுக்கு எதிராக தடையை மீறி போராட்டம் நடத்தப்படும் என்று நாகையில் முத்தரசன் கூறினார்.

அதிகம் வாசிக்கப்பட்டவை