கோடியக்கரை சரணாலயத்தில் வனவிலங்குகள் கணக்கெடுக்கும் பணி

வேதாரண்யம்,

நாகை மாவட்டம் வேதாரண்யத்தை அடுத்த கோடியக்கரையில் வனவிலங்குகள் சரணாலயம் உள்ளது. இந்த சரணாலயத்தில் வெளிமான், புள்ளிமான், நரி, முயல், காட்டுப்பன்றி, குரங்கு போன்ற விலங்குகள் உள்ளன. இங்கு ஆண்டுதோறும் வனவிலங்குகள் கணக்கெடுக்கும் பணி நடைபெற்று வருகிறது.

தஞ்சாவூர் வனமண்டலம் வனபாதுகாவலர் ராமசுப்பிரமணியன், நாகப்பட்டினம் வன உயிரின காப்பாளர் கலாநிதி ஆகியோர் உத்தரவின் பேரில் இந்த ஆண்டுக்கான கணக்கெடுப்பு பணி நேற்று தொடங்கியது.

இந்த பணியில் மயிலாடுதுறை ஏ.வி.சி. கல்லூரி மாணவ-மாணவிகள், பேராசிரியர் பாஸ்கரன், வேலூர் பல்கலைக்கழக மாணவ-மாணவிகள், பேராசிரியர் குமரகுரு மற்றும் ஓய்வு பெற்ற வனச்சரக அலுவலர் சுப்பையா, வன ஆர்வலர்கள், கோடியக்கரை வனச்சரக அலுவலர் அயூப்கான், வனவர் சதீ‌‌ஷ்குமார், வனத்துறை பணியாளர்கள் ஈடுபட்டனர். வனவிலங்குகள் கணக்கெடுக்கும் பணி 14 வழித்தடங்களில் நடைபெற்று வருகிறது.