மாவட்ட செய்திகள்

மேட்டூர் அணை நீர்மட்டம் 103.81 அடியாக குறைந்தது + "||" + Mettur Dam falls to 103.81 feet

மேட்டூர் அணை நீர்மட்டம் 103.81 அடியாக குறைந்தது

மேட்டூர் அணை நீர்மட்டம் 103.81 அடியாக குறைந்தது
மேட்டூர் அணையின் நீர்மட்டம் 103.81 அடியாக குறைந்தது.
மேட்டூர்,

தமிழகத்தில் கோடை வெயிலின் தாக்கம் தற்போது தொடங்கி உள்ளது. பிரதான அணைகள், ஏரிகள், குளங்களில் வெயிலின் தாக்கத்தாலும், குடிநீர் தேவை அதிகரிப்பாலும் நீர்மட்டம் குறைய தொடங்கி உள்ளது.

அதே நேரத்தில் தமிழகத்தின் 12 மாவட்டங்களின் குடிநீர் ஆதாரமாக திகழும் மேட்டூர் அணையில் இருந்து குடிநீர் தேவைக்காக கடந்த பிப்ரவரி மாதம் முதல் தண்ணீர் திறந்து விடப்பட்டு வருகிறது. குறிப்பாக குடிநீர் தேவைக்கு ஏற்றவாறு அதிகரித்தோ, குறைத்தோ தண்ணீர் திறந்து விடப்பட்டு வருவது வழக்கம்.


இதன் அடிப்படையில் கடந்த சில வாரங்களுக்கு முன்பு அணையில் இருந்து வினாடிக்கு 2000 கனஅடி வீதம் தண்ணீர் திறந்து விடப்பட்டது. ஒரு சில நாட்களில் தண்ணீர் திறக்கும் அளவு வினாடிக்கு 1,000 கனஅடியாக குறைக்கப்பட்டது. அணைக்கு வினாடிக்கு 150 கனஅடிக்கு கீழே தண்ணீர் வந்து கொண்டு இருந்தது.

டெல்டா பாசனம்

குறிப்பாக பருவமழை காலம் முடிவடைந்த பிறகு அணையில் இருந்து பாசனத்துக்கு திறக்கப்படும் தண்ணீர் ஜனவரி மாதத்துடன் நிறுத்தப்படும். இந்த காலங்களில் அணையின் நீர் இருப்பு மிக குறைவாக அதாவது 60 அடிக்கு கீழே இருப்பது வழக்கம்.

இந்த ஆண்டு அதற்கு மாறாக அணை நீர்மட்டம் 100 அடிக்கு மேலே நீடித்து வருகிறது. இதனால் இந்த ஆண்டு டெல்டா பாசனத்துக்கு தண்ணீர் திறக்கப்படும் ஜூன் மாதத்தில் அணையில் இருந்து தண்ணீர் திறப்பதற்கான சாத்தியக்கூறுகள் நன்றாகவே உள்ளது.

103.81 அடியாக குறைந்தது

இருப்பினும் கடந்த சில வாரங்களுக்கு முன்பு 105 அடிக்கும் மேல் இருந்த அணையின் நீர்மட்டம் குடிநீர் தேவைக்கு ஏற்ப தண்ணீர் திறப்பு மற்றும் அணைக்கு நீர்வரத்து குறைவு காரணமாக தொடர்ந்து குறைந்து வருகிறது.

குறிப்பாக நேற்று முன்தினம் 103.89 அடியாக இருந்த அணையின் நீர்மட்டம் நேற்றைய நிலவரப்படி 103.81 அடியாக குறைந்தது. அணைக்கு நீர்வரத்து வினாடிக்கு 132 கனஅடியாக இருந்தது. அணையில் இருந்து குடிநீர் தேவைக்காக வினாடிக்கு 1,000 கனஅடி வீதம் தண்ணீர் திறக்கப்பட்டு வருகிறது.

தொடர்புடைய செய்திகள்

1. குன்னம் அருகே அணையில் தவறி விழுந்து டாக்டர், கல்லூரி மாணவர் சாவு
குன்னம் அருகே கொட்டரை அணையில் தவறி விழுந்து டாக்டர், கல்லூரி மாணவர் இறந்தனர். நண்பர்களுடன் அணையை சுற்றிப்பார்க்க சென்றபோது இந்த பரிதாப சம்பவம் நடைபெற்றது.
2. மேற்கு தொடர்ச்சி மலைப்பகுதியில் மழை: செங்கோட்டை குண்டாறு அணை நிரம்பியது விவசாயிகள் மகிழ்ச்சி
மேற்கு தொடர்ச்சி மலைப்பகுதியில் பெய்த பலத்த மழையின் காரணமாக செங்கோட்டை குண்டாறு அணை நிரம்பியது. இதனால் விவசாயிகள் பெரிதும் மகிழ்ச்சி அடைந்துள்ளனர்.
3. உடுமலை அருகே அமராவதி அணைக்கு நீர்வரத்து அதிகரிப்பு நீர்மட்டம் 42 அடியை கடந்தது
உடுமலை அருகே அமராவதி அணைக்கு நீர்வரத்து அதிகரிப்பால் நீர்மட்டம் 42 அடியை கடந்தது.
4. நீர்ப்பிடிப்பு பகுதியில் மழை பெய்யாததால் 34 அடியாக குறைந்த வைகை அணை நீர்மட்டம்
நீர்ப்பிடிப்பு பகுதியில் மழை பெய்யாததால், வைகை அணையின் நீர்மட்டம் 34 அடியாக குறைந்து விட்டது. இதனால் மதுரைக்கு குடிநீர் தட்டுப்பாடு அபாயம் ஏற்பட்டுள்ளது.
5. மேட்டூரில் இருந்து தர்மபுரிக்கு நடந்து வந்த 2 மூதாட்டிகள், குடும்பத்தினரிடம் ஒப்படைப்பு
மேட்டூரில் இருந்து தர்மபுரிக்கு நடந்து வந்த 2 மூதாட்டிகள் அவர்களுடைய குடும்பத்தினரிடம் ஒப்படைக்கப்பட்டனர்.