மாவட்ட செய்திகள்

தலைவாசலில் தாறுமாறாக ஓடிய கார் சுற்றுலா வேன் மீது மோதல் டிரைவர்கள் உள்பட 3 பேர் காயம் + "||" + Three people injured in car collision with van driver

தலைவாசலில் தாறுமாறாக ஓடிய கார் சுற்றுலா வேன் மீது மோதல் டிரைவர்கள் உள்பட 3 பேர் காயம்

தலைவாசலில் தாறுமாறாக ஓடிய கார் சுற்றுலா வேன் மீது மோதல் டிரைவர்கள் உள்பட 3 பேர் காயம்
தலைவாசலில் தாறுமாறாக ஓடிய கார், தடுப்பு சுவரை தாண்டி எதிரே வந்த சுற்றுலா வேன் மீது மோதியது. இதில் டிரைவர்கள் உள்பட 3 பேர் காயம் அடைந்தனர்.
தலைவாசல்,

சேலத்தில் இருந்து சென்னைக்கு சுற்றுலா வேன் ஒன்று நேற்று புறப்பட்டது. சென்னை கொளத்தூர் பகுதியை சேர்ந்த முருகன் (வயது 35) என்பவர் வேனை ஓட்டி வந்தார். இந்த வேனில் உரிமையாளரான சென்னை கொளத்தூரை சேர்ந்த மோகன் (40) என்பவரும் உடன் வந்தார்.


இந்த வேன் நேற்று மதியம் 1 மணியளவில் சேலம் மாவட்டம், தலைவாசல் ஏரிக்கரையில் வாகன எடை போடும் நிலையத்திற்கு எதிரே உள்ள தேசிய நெடுஞ்சாலையில் சென்று கொண்டிருந்தது. அப்போது சென்னையில் இருந்து சேலம் நோக்கி வந்த கார் எதிர்பாராவிதமாக டிரைவரின் கட்டுப்பாட்டை இழந்து தாறுமாறாக ஓடியது. இதில் அந்த கார் தேசிய நெடுஞ்சாலையின் தடுப்புச்சுவரை தாண்டி, எதிரே சென்னை நோக்கி சென்ற அந்த சுற்றுலா வேன் மீது மோதியது.

3 பேர் காயம்

இந்த விபத்தில் காரின் முன்பகுதி அப்பளம் போல் நொறுங்கியது. அதே நேரத்தில் வேனின் முன்பகுதி சேதம் அடைந்ததுடன், அருகில் உள்ள சாலையோரத்தில் இறங்கி நின்றது. இந்த விபத்தில் வேனில் வந்த முருகன், மோகன் ஆகியோரும், கார் டிரைவரும் காயம் அடைந்தனர்.

இந்த விபத்து குறித்து தகவல் கிடைத்ததும், அங்கு விரைந்து வந்த போலீசார் விபத்தில் நொறுங்கிய காரை கிரேன் மூலம் சாலையில் இருந்து அப்புறப்படுத்தினர். மேலும் காயம் அடைந்த 3 பேரும் தலைவாசலில் உள்ள தனியார் ஆஸ்பத்திரிகளில் சேர்க்கப்பட்டு சிகிச்சை பெற்றனர்.

இந்த விபத்து குறித்து தலைவாசல் போலீசார் வழக்குப்பதிவு செய்து விசாரித்து வருகின்றனர்.

தொடர்புடைய செய்திகள்

1. காரிமங்கலம் அருகே மோட்டார் சைக்கிள் மீது லாரி மோதல்; பேக்கரி கடை தொழிலாளி சாவு தங்கை படுகாயம்
காரிமங்கலம் அருகே மோட்டார் சைக்கிள் மீது லாரி ேமாதி பேக்கரி கடை தொழிலாளி இறந்தார். அவருடைய தங்கை படுகாயம் அடைந்தார்.
2. தஞ்சை அருகே ஜல்லிக்கட்டு: காளைகள் முட்டி 19 பேர் காயம்
தஞ்சை அருகே நடந்த ஜல்லிக்கட்டில் காளைகள் முட்டியதில் 19 பேர் காயம் அடைந்தனர்.
3. அன்னவாசலில் ஜல்லிக்கட்டு: காளை முட்டியதில் பார்வையாளர் பலி 24 பேர் காயம்
அன்னவாசலில் நடந்த ஜல்லிக்கட்டில் காளை முட்டியதில் பார்வையாளர் ஒருவர் பரிதாபமாக இறந்தார். 24 பேர் காயமடைந்தனர்.
4. வேன்கள் மோதல்; ரேஷன் கடை ஊழியர்கள் உள்பட 13 பேர் படுகாயம்
கீரனூர் அருகே சரக்கு வேனும், பயணிகள் வேனும் மோதிக்கொண்டதில், ரேஷன் கடை ஊழியர்கள் உள்பட 13 பேர் படுகாயம் அடைந்தனர்.
5. செந்துறை அருகே வேன் கவிழ்ந்து 10 மாணவர்கள் காயம்
செந்துறை அருகே வேன் கவிழ்ந்து 10 மாணவர்கள் காயம் அடைந்தனர்.