மாவட்ட செய்திகள்

உசிலம்பட்டி அருகே போலீசுக்கு தெரியாமல் புதைக்கப்பட்ட பெண் குழந்தை உடல் தோண்டி எடுப்பு + "||" + Unidentified body buried near Usilampatti

உசிலம்பட்டி அருகே போலீசுக்கு தெரியாமல் புதைக்கப்பட்ட பெண் குழந்தை உடல் தோண்டி எடுப்பு

உசிலம்பட்டி அருகே போலீசுக்கு தெரியாமல் புதைக்கப்பட்ட பெண் குழந்தை உடல் தோண்டி எடுப்பு
உசிலம்பட்டி அருகே போலீசுக்கு தெரியாமல் புதைக்கப்பட்ட பெண் குழந்தை உடல் தோண்டி எடுக்கப்பட்டது.
உசிலம்பட்டி,

மதுரை மாவட்டம் உசிலம்பட்டி அருகே உள்ளது சேடபட்டி. இந்த ஊரைச்சேர்ந்த முத்துப்பாண்டி-சூரியபிரபா தம்பதிக்கு ஏற்கனவே 2 பெண் குழந்தைகள் உள்ள நிலையில் கடந்த மாதம் 6-ந் தேதி 3-வதாக பெண் குழந்தை பிறந்தது. பிறந்த 10 நாட்களில் அந்த குழந்தை இறந்து விட்டதாகக்கூறி குழந்தையின் உடலை வீட்டின் அருகே புதைத்து விட்டனர்.

கிராம செவிலியர் தடுப்பூசி போட சென்றபோது இந்த உண்மை தெரியவந்தது. இந்த விவகாரம் பரபரப்பை ஏற்படுத்திய நிலையில்சேடபட்டி போலீசார் வழக்குப்பதிவு செய்தனர். குழந்தையின் உடலை தோண்டி எடுக்க முடிவு செய்யப்பட்டது.

இதனைத் தொடர்ந்து பேரையூர் தாசில்தார் சாந்தி, போலீஸ் இன்ஸ்பெக்டர் ஜெயப்பிரியா, தடயவியல் நிபுணர் பெருமாள், சமூக நலத்துறை விரிவாக்க அலுவலர் ஜெயா, மகளிர் ஊர்நல அலுவலர் தனலட்சுமி ஆகியோர் அங்கு சென்றனர்.

புதைக்கப்பட்ட பெண் குழந்தையின் உடல் இவர்களது முன்னிலையில் தோண்டி எடுக்கப்பட்டது. அதே இடத்தில் மதுரை அரசு மருத்துவமனை டாக்டர்கள் மணிகண்டன், முனியப்பன்ஆகியோர் தலைமையிலான குழுவினர் குழந்தையின் உடலை பரிசோதனை செய்தனர்.அப்போது பேரையூர் மண்டல துணை தாசில்தார் முகிபாலன், வருவாய் அலுவலர் வனராஜா, கிராம நிர்வாக அலுவலர் பிரபாகரதாஸ் ஆகியோர் உடன் இருந் தனர்.

பிரேத பரிசோதனை அறிக்கை வந்த பின்னர்தான் குழந்தை நோய்வாய்ப்பட்டு இறந்ததா அல்லது பெண் சிசுக்கொலை செய்யப்பட்டதா என்பது குறித்து தெரியவரும் என போலீசார் தெரிவித்தனர். மேலும் இது குறித்து போலீசார் தொடர்ந்து விசாரணை செய்து வருகின்றனர்.

தொடர்புடைய செய்திகள்

1. உசிலம்பட்டி பகுதியில் அறுவடையான நெல்லுக்கு உரிய விலை கிடைக்காமல் விவசாயிகள் தவிப்பு
உசிலம்பட்டி பகுதியில் நெல் கொள்முதல் மையங்கள் மூடப்பட்டுள்ளதால் போதிய விலையின்றி அறுவடை செய்யப்பட்ட நெல்லை விற்க முடியாமல் விவசாயிகள் தவிப்புக்குள்ளாகி வருகின்றனர். எனவே நெல் கொள்முதல் மையங்களை உடனே திறக்க வேண்டும் என்று விவசாயிகள் வலியுறுத்தியுள்ளனர்.
2. உசிலம்பட்டி அருகே பயங்கரம்: ஊராட்சி தலைவருக்கு போட்டியிட்டவர் கொலை: எதிர்த்து நின்றவர் உள்பட 3 பேர் கைது
உசிலம்பட்டி அருகே ஊராட்சி தலைவர் பதவிக்கு போட்டியிட்டவர் கொலை செய்யப்பட்டார். அவரை எதிர்த்து நின்ற 3 பேரை இதுதொடர்பாக போலீசார் கைது செய்தனர்.
3. உசிலம்பட்டி அருகே பிளஸ்-1 மாணவியை பலாத்காரம் செய்து கொன்ற இரட்டை சகோதரர்கள்; விசாரணையில் திடுக்கிடும் தகவல்கள்
உசிலம்பட்டி அருகே பிளஸ்-1 மாணவியை பலாத்காரம் செய்து கொலை செய்த இரட்டை சகோதரர்கள் சிக்கினர்.
4. உசிலம்பட்டி அருகே திருமணத்துக்கு மறுத்த பிளஸ்-1 மாணவி கொடூரக் கொலை; கைதான வாலிபர் பரபரப்பு வாக்குமூலம்
உசிலம்பட்டி அருகே தலையில் கல்லைப் போட்டு பிளஸ்-1 மாணவி கொடூரமாக கொலை செய்யப்பட்டார். திருமணத்துக்கு மறுத்ததால் அவரை கொன்றதாக கைதான வாலிபர் பரபரப்பு வாக்குமூலம் அளித்துள்ளார்.