மாவட்ட செய்திகள்

ஊரடங்கு முடியும் வரை சாலையோரத்தில் வசிப்போருக்கு உணவு வழங்க ஏற்பாடு + "||" + Provide food for residents along the roadside until the curfew is over

ஊரடங்கு முடியும் வரை சாலையோரத்தில் வசிப்போருக்கு உணவு வழங்க ஏற்பாடு

ஊரடங்கு முடியும் வரை சாலையோரத்தில் வசிப்போருக்கு உணவு வழங்க ஏற்பாடு
ஊரடங்கு முடியும் வரை சாலையோரத்தில் வசிப்போருக்கு வருவாய்த்துறை சார்பில் உணவு வழங்க ஏற்பாடு செய்யப்பட்டுள்ளது.
ஸ்ரீவில்லிபுத்தூர், 

ஊரடங்கு உத்தரவைமுன்னிட்டு ஸ்ரீவில்லிபுத்தூர் நகர் மற்றும் பெரும்பான்மையான இடங்கள் வெறிச்சோடி கிடக்கின்றன. பெரும்பாலான கடைகள் அடைக்கப்பட்டுள்ளன. கோவில்கள் முன்பும் மற்றும் முக்கிய இடங்களில் ஏராளமானோர் ஆதரவற்ற நிலையில் உள்ளனர். இவர்கள் அன்றாடம் கிடைக்கும் தொகையை வைத்து சாப்பிட்டு விட்டு வாழ்ந்து வருகின்றனர்.

கடைகள் அடைக்கப்பட்டதால் உணவுக்கு சிரமப்படும் நிலை ஏற்பட்டது. இதை தொடர்ந்து நேற்று காலை, மதியம் மாலை என மூன்று வேளையும் வருவாய்த்துறை சார்பில் உணவு வழங்கப்பட்டது. ஸ்ரீவில்லிபுத்தூர் தாசில்தார் கிருஷ்ணவேணி மற்றும் வருவாய் ஆய்வாளர் பால்துரை ஆகியோர் வழங்கினர்.

தாசில்தார் கிருஷ்ண வேணி இதுகுறித்து கூறுகையில், கலெக்டர் மற்றும் சப்-கலெக்டர் ஆகியோர் ஸ்ரீவில்லிபுத்தூர் நகரில் முக்கிய இடங்களில் ஆதரவற்று இருக்கும் முதியவர்கள் உட்பட அனைவருக்கும் மூன்று வேளையும் உணவு கிடைக்க ஏற்பாடு செய்ய உத்தரவிட்டுள்ளனர். அதன் அடிப்படையில் ஊரடங்கு உத்தரவு உள்ள 21 நாட்களுக்கு மூன்று வேளையும் உணவு வழங்க முடிவு செய்து உள்ளோம். மேலும் கோவில்கள் மட்டுமின்றி எங்கு இருக்கிறார்களோ அங்கெல்லாம் சென்று வழங்குவோம் என்றார். மேலும் தாலுகா அலுவலகத்திற்கு வரும் ஆதரவற்றவர்களுக்கும் உணவு வழங்குவதாகவும் அவர் தெரிவித்தார்.

தொடர்புடைய செய்திகள்

1. சிங்கப்பூரில் 1 மாதம் ஊரடங்கு; பிரதமர் அறிவிப்பு
சிங்கப்பூரில் 1 மாதம் ஊரடங்கு உத்தரவு பிறப்பித்து பிரதமர் அறிவிப்பு வெளியிட்டு உள்ளார்.
2. ஊரடங்கை மீறுபவர்களை போலீஸ் அடிப்பது தவறல்ல -நடிகர் சுரேஷ் கோபி
ஊரடங்கை மீறுபவர்களை போலீஸ் அடிப்பது தவறல்ல என்று பிரபல நடிகர் சுரேஷ் கோபி தெரிவித்துள்ளார்.
3. ஊரடங்கினால் தீப்பெட்டி ஆலை பூட்டப்பட்டதால் வீட்டில் இருந்த பெண், சுவர் விழுந்து பலி
சாத்தூர் அருகே ஊரடங்கு உத்தரவினால் தீப்பெட்டி ஆலை பூட்டப்பட்டதால் வீட்டில் இருந்த பெண், வீட்டின் சுற்றுச்சுவர் இடிந்து விழுந்ததில் உயிரிழந்தார்.
4. பெட்ரோல், டீசல், கியாஸ் தேவையான இருப்பு உள்ளது- இந்திய எண்ணெய் கழக தலைவர் அறிவிப்பு
பெட்ரோல், டீசல், கியாஸ் போதுமான இருப்பு உள்ளதால் ஊரடங்கு காலத்தில் தட்டுப்பாடு ஏற்படாது என்று இந்திய எண்ணெய் கழக தலைவர் தெரிவித்தார்.
5. ஊரடங்கு உத்தரவை மீறி கண்மாயில் கூட்டமாக மீன் பிடிக்கும் கிராமத்தினர்; விழிப்புணர்வு ஏற்படுத்த சமூக ஆர்வலர்கள் வலியுறுத்தல்
நாடு முழுவதும் ஊரடங்கு உத்தரவு பிறப்பிக்கப்பட்டுள்ள நிலையில் உத்தரவை மீறி கண்மாயில் கிராம மக்கள் கூட்டம் கூட்டமாக மீன் பிடித்து வருகின்றனர். எனவே கிராம மக்களுக்கு போதிய விழிப்புணர்வு ஏற்படுத்த வேண்டும் என சமூக ஆர்வலர்கள் கோரிக்கை விடுத்துள்ளனர்.