<
செங்கல்பட்டு மாவட்ட கலெக்டருடன் இந்து சமய அறநிலையத்துறை ஆணையர் ஆலோசனை
செங்கல்பட்டு மாவட்ட கலெக்டருடன் இந்து சமய அறநிலையத்துறை ஆணையர் பணிந்திரரெட்டி காணொலி காட்சி மூலம் ஆலோசனை நடத்தினார்.
செங்கல்பட்டு,
செங்கல்பட்டு மாவட்டத்தில் கிராம கோவில் பூசாரிகள் நல வாரியத்தில் 483 பூசாரிகள் உறுப்பினர்களாக உள்ளனர். ஊரடங்கு உத்தரவு காரணமாக கோவில்கள் மூடப்பட்டு உள்ளதால், கிராம கோவில்களில் பணிபுரியும் பூசாரிகளின் வாழ்வாதாரத்தை கருத்தில் கொண்டு அவர்களுக்கு உதவித்தொகையாக ரூ.1,000 வழங்க முதல்-அமைச்சர் உத்தரவிட்டார்.
இத்தொகை பூசாரிகளின் வங்கி கணக்கில் செலுத்தப்படும். இது தொடர்பாக இந்து சமய அறநிலையத்துறை ஆணையர் பணிந்திரரெட்டி அனைத்து மாவட்ட கலெக்டர்களுடன் காணொலி காட்சி மூலம் ஆய்வு கூட்டம் நடத்தினார்.
அதன்படி செங்கல்பட்டு மாவட்ட கலெக்டர் அலுவலகத்தில் நடைபெற்ற காணொலி காட்சி ஆய்வு கூட்டத்தில் செங்கல்பட்டு மாவட்ட கலெக்டர் ஜான் லூயிஸ், மாவட்ட வருவாய் அலுவலர் பிரியா, இந்து சமய அறநிலையத்துறை உதவி ஆணையர் ரேணுகாதேவி, கோவில் ஆய்வாளர் கோவிந்தராஜ் உள்பட பலர் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
