மாவட்ட செய்திகள்

தர்மபுரி, பாலக்கோட்டில் விதிமுறைகளை மீறி செயல்பட்ட 7 கடைகளுக்கு ‘சீல்’ + "||" + Sealed 7 shops operating in Dharmapuri, Balakot

தர்மபுரி, பாலக்கோட்டில் விதிமுறைகளை மீறி செயல்பட்ட 7 கடைகளுக்கு ‘சீல்’

தர்மபுரி, பாலக்கோட்டில் விதிமுறைகளை மீறி செயல்பட்ட 7 கடைகளுக்கு ‘சீல்’
தர்மபுரி மற்றும் பாலக்கோட்டில் விதிமுறைகளை மீறி செயல்பட்ட 7 கடைகளை அதிகாரிகள் பூட்டி ‘சீல்’ வைத்தனர்.
தர்மபுரி,

கொரோனா வைரஸ் பரவல் தடுப்பு நடவடிக்கையாக ஊரடங்கு நீட்டிக்கப்பட்டுள்ள நிலையில் தமிழக அரசு ஊரடங்கு கட்டுப்பாட்டில் சில தளர்வுகளை நேற்று முதல் அமல்படுத்தியது. இதன்காரணமாக தர்மபுரி நகரம் மற்றும் மாவட்டத்தின் பல்வேறு பகுதிகளில் தளர்வின்படி அனுமதிக்கப்பட்டவற்றில் பல கடைகள் திறக்கப்பட்டன. இந்த நிலையில் தர்மபுரி நகரில் போலீசார் மற்றும் வருவாய்த்துறையினர் கண்காணிப்பு பணி மேற்கொண்டனர்.

அப்போது சில கடைகளில் சமூக இடைவெளியை கடைபிடிக்காமல் இருந்தது தெரியவந்தது. இதுதொடர்பாக தர்மபுரி பஸ்நிலையம் அருகே ஒரு செல்போன் விற்பனை கடை, ஒரு மருந்து கடை ஆகியவற்றிற்கு தாசில்தார் சுகுமார், போலீஸ் இன்ஸ்பெக்டர் ரத்தினகுமார் ஆகியோர் சீல் வைத்தனர். இதேபோல் உரிய அனுமதியின்றியும் விதிமுறையை மீறியும் திறக்கப்பட்ட ஒரு ஜவுளி கடைக்கும் ‘சீல்’ வைக்கப்பட்டது.

இதேபோல் தர்மபுரி உதவி கலெக்டர் தேன்மொழி தலைமையில் பாலக்கோடு தாசில்தார் ராஜா மற்றும் அதிகாரிகள் குழுவினர் பாலக்கோடு பகுதியில் கண்காணிப்பு பணியில் ஈடுபட்டனர். அப்போது 2 மளிகை கடைகள் மற்றும் 2 பேக்கரி கடைகளில் சமூக இடைவெளியை கடைபிடிக்காமல் பொதுமக்கள் கூட்டமாக பொருட்கள் வாங்க திரண்டது தெரியவந்தது.

அந்த கடைகளில் முககவசங்கள் அணியாமல் பொருட்கள் வினியோகம் நடைபெற்றது தெரியவந்தது. இதையடுத்து அந்த 4 கடைகளுக்கு அதிகாரிகள் ‘சீல்’ வைத்தனர். தர்மபுரி, பாலக்கோட்டில் மொத்தம் 7 கடைகளுக்கு ‘சீல்’ வைக்கப்பட்டன.

தொடர்புடைய செய்திகள்

1. தர்மபுரியில் கொரோனாவால் பாதிக்கப்பட்ட 2 முதியவர்கள் சாவு
தர்மபுரியில் கொரோனா தொற்றால் பாதிக்கப்பட்ட 2 முதியவர்கள் நேற்று உயிரிழந்தனர்.
2. தர்மபுரி மாவட்டத்தில் பிளஸ்-2 தேர்வில் 90.80 சதவீத மாணவ-மாணவிகள் தேர்ச்சி
தர்மபுரி மாவட்டத்தில் பிளஸ்-2 பொதுத்தேர்வில் 90.80 சதவீத மாணவ-மாணவிகள் தேர்ச்சி பெற்று உள்ளனர். கடந்த ஆண்டை விட 1.18 சதவீதம் தேர்ச்சி அதிகரித்து உள்ளது.
3. தர்மபுரி, கிருஷ்ணகிரி மாவட்டங்கள் பயன் பெறும் எண்ணேகொள்புதூர் கால்வாய் திட்டத்துக்கு ரூ.50 கோடி நிதி எடப்பாடி பழனிசாமி அறிவிப்பு
தர்மபுரி, கிருஷ்ணகிரி மாவட்டங்கள் பயன் பெறும் எண்ணேகொள்புதூர் கால்வாய் திட்டத்துக்கு முதல்கட்டமாக ரூ.50 கோடி ஒதுக்கீடு செய்யப்பட்டுள்ளதாக முதல்-அமைச்சர் எடப்பாடி பழனிசாமி தெரிவித்தார்.
4. தர்மபுரி, கிருஷ்ணகிரியில் அரசு ஊழியர்கள் ஆர்ப்பாட்டம்
அரசுத்துறைகளில் காலிப்பணியிடங்களை நிரப்ப கோரி தர்மபுரி, கிருஷ்ணகிரியில் அரசு ஊழியர்கள் ஆர்ப்பாட்டம் நடத்தினார்கள்.
5. தர்மபுரியில் கொரோனாவுக்கு வெங்காய வியாபாரி பலி: உடலை அடக்கம் செய்ய எதிர்ப்பு கிளம்பியதால் பரபரப்பு
தர்மபுரியில் கொரோனாவால் பாதிக்கப்பட்ட வெங்காய வியாபாரி பலியானார். அவருடைய உடலை அடக்கம் செய்ய எதிர்ப்பு கிளம்பியதால் பரபரப்பு ஏற்பட்டது.

ஆசிரியரின் தேர்வுகள்...