மாவட்ட செய்திகள்

கிருஷ்ணகிரி மாவட்டத்தில் டாஸ்மாக் கடைகள் திறக்கப்பட்டன + "||" + Task Shop has opened in Krishnagiri district

கிருஷ்ணகிரி மாவட்டத்தில் டாஸ்மாக் கடைகள் திறக்கப்பட்டன

கிருஷ்ணகிரி மாவட்டத்தில் டாஸ்மாக் கடைகள் திறக்கப்பட்டன
கிருஷ்ணகிரி மாவட்டத்தில் டாஸ்மாக் கடைகள் நேற்று திறக்கப்பட்டன. மதுப்பிரியர்கள் சமூக இடைவெளியை கடைபிடித்து மதுபாட்டில்களை வாங்கி சென்றார்கள்.
கிருஷ்ணகிரி,

கொரோனா வைரஸ் பரவுவதைத் தடுக்க ஊரடங்கு உத்தரவு பிறப்பிக்கப்பட்டு அமலில் உள்ளது. இதையடுத்து கடந்த, 4-ந் தேதி முதல் ஊரடங்கை தளர்த்தி தமிழக அரசு உத்தரவிட்டுள்ளது. மேலும் நேற்று முதல் டாஸ்மாக் கடைகளைத் திறக்கவும் அனுமதி வழங்கி உள்ளது.


இதனால் கிருஷ்ணகிரி மாவட்டத்தில் உள்ள, 119 டாஸ்மாக் கடைகளுக்கு முன்பு நேற்று முன்தினம் தடுப்பு அமைத்து பாதுகாப்பு ஏற்பாடுகளை செய்திருந்தனர். நேற்று காலை, 10 மணிக்கு டாஸ்மாக் கடைகளில் விற்பனை தொடங்கியது. ஆனால் கிருஷ்ணகிரியில் எதிர்பார்த்த அளவிற்கு கூட்டம் கூடவில்லை. ஒவ்வொரு கடை முன்பும் சுமார் 100 பேர் அளவிற்கே கூட்டம் இருந்தது.

மது விற்பனை

முகக்கசவசம் அணிந்து ஆதார் எண்ணுடன் வந்தவர்களுக்கு மட்டுமே மது விற்பனை செய்யப்பட்டன. ஒவ்வொருவரும் சமூக இடைவெளியை கடைபிடித்து வரிசையில் நின்று மது பாட்டில்களை மதுப்பிரியர்கள் வாங்கிச் சென்றனர். ஆனால் அரசு அறிவித்தது போல் இல்லாமல், வயது வித்தியாசமின்றி வரிசையில் வந்த அனைவருக்கும் மது விற்பனை செய்யப்பட்டன. தமிழக அரசு மது விலையை உயர்த்தியுள்ளதால் எம்.ஆர்.பி., விலையை விட குவாட்டருக்கு, 20 ரூபாய் என ஒரு புல் பாட்டிலுக்கு, 80 ரூபாய் கூடுதலாக விற்பனை நடந்தது. இதனால் சில இடங்களில் டாஸ்மாக் ஊழியர்களுடன் மது வாங்க வந்தவர்கள் வாக்குவாதத்தில் ஈடுபட்டனர். அனைத்து கடைகளுக்கும் போலீஸ் பாதுகாப்பு போடப்பட்டிருந்தது. 

தொடர்புடைய செய்திகள்

1. ஒருங்கிணைந்த வேலூர் மாவட்டத்தில் ஒரே நாளில் ரூ.7½ கோடிக்கு மதுபானங்கள் விற்பனை டாஸ்மாக் அதிகாரிகள் தகவல்
ஒருங்கிணைந்த வேலூர் மாவட்டத்தில் ஒரேநாளில் ரூ.7 கோடியே 70 லட்சம் மதுபானங்கள் விற்பனையானது என்று டாஸ்மாக் அதிகாரிகள் தெரிவித்தனர்.
2. அதிக விலைக்கு மது விற்ற9,319 ஊழியர்கள் மீது நடவடிக்கை ஐகோர்ட்டில் ‘டாஸ்மாக்’ நிர்வாக இயக்குனர் தகவல்
அதிக விலைக்கு மது விற்பனை செய்ததாக கடந்த ஆண்டு 9,319 டாஸ்மாக் ஊழியர்கள் மீது நடவடிக்கை எடுக்கப்பட்டுள்ளதாக சென்னை ஐகோர்ட்டில் ‘டாஸ்மாக்’ நிர்வாக இயக்குனர் ஆர்.கிர்லோஷ்குமார் பதில் மனு தாக்கல் செய்துள்ளார்.
3. டாஸ்மாக் கடைகளில் சிசிடிவி கேமராக்கள் பொருத்த தமிழக அரசு நடவடிக்கை
டாஸ்மாக் கடைகளில் சிசிடிவி கேமராக்கள் பொருத்த தமிழக அரசு நடவடிக்கை எடுத்து வருகிறது.
4. டாஸ்மாக் கடையை அகற்ற கோரி பொதுமக்கள் சாலை மறியலில் ஈடுபட்டனர்.
வந்தவாசி அருகே டாஸ்மாக் கடையை அகற்ற கோரி பொதுமக்கள் திடீர் சாலை மறியலில் ஈடுபட்டனர்.
5. ஈரோடு மாவட்டத்தில் டாஸ்மாக் கடைகளில் 2-வது நாளாக மது விற்பனை அமோகம்
ஈரோடு மாவட்டத்தில் டாஸ்மாக் கடைகளில் நேற்று 2-வது நாளாக மது விற்பனை அமோகமாக நடந்தது.