மாவட்ட செய்திகள்

திருச்செங்கோடு அருகே மதுக்கடையை மூடக்கோரி பொதுமக்கள் போராட்டம் + "||" + Civil Struggle to close liquor bar near Tiruchengode

திருச்செங்கோடு அருகே மதுக்கடையை மூடக்கோரி பொதுமக்கள் போராட்டம்

திருச்செங்கோடு அருகே மதுக்கடையை மூடக்கோரி பொதுமக்கள் போராட்டம்
திருச்செங்கோடு அருகே மதுக்கடையை மூடக்கோரி பொதுமக்கள் போராட்டத்தில் ஈடுபட்டனர்.
எலச்சிபாளையம்,

நாமக்கல் மாவட்டம் திருச்செங்கோடு அருகே உள்ள மோடமங்கலத்தில் மதுக்கடை இயங்கி வருகிறது. இங்கு நேற்று முன்தினம் ஆயிரக்கணக்கான மதுப்பிரியர்கள் சமூக இடைவெளியின்றி மது வகைகளை வாங்கி சென்றதாக கூறப்படுகிறது. மேலும் மோடமங்கலம் அருகே உள்ள வெப்படை, இளந்தகுட்டை போன்ற கொரோனோ பாதிக்கப்பட்ட பகுதிகளிலிருந்து மதுப்பிரியர்கள் மோடமங்கலம் வந்து மது வகைகளை வாங்கி சென்றதாகவும் கூறப்படுகிறது.


இதனால் அதிர்ச்சி அடைந்த அந்த பகுதி பொதுமக்கள் தங்கள் ஊரில் மதுக்கடை செயல்படக்கூடாது என்று வலியுறுத்தியும், மதுக்கடையை மூடக்கோரியும் மதுக்கடை அருகே திரண்டு சமூக இடைவெளியை கடைபிடித்து போராட்டம் நடத்தினர்.

கொரோனா ஆபத்து

இந்த போராட்டம் குறித்து தகவலறிந்த திருச்செங்கோடு புறநகர போலீஸ் இன்ஸ்பெக்டர் வெங்கடேசன் தலைமையில் போலீசார் அந்த பகுதிக்கு சென்று பொதுமக்களிடம் பேச்சு வார்த்தை நடத்தினர். அப்போது இது தொடர்பாக நாமக்கல் மாவட்ட கலெக்டரிடம் புகார் அளிக்கவும் என போலீசார் கூறி பொதுமக்களை அங்கிருந்து அப்புறப்படுத்தினர்.

இதுகுறித்து பொதுமக்கள் கூறும்போது, நேற்று (நேற்று முன்தினம்) 3 ஆயிரத்திற்கும் மேற்பட்டோர் மது வாங்க மோடமங்கலம் வந்திருந்தனர். இவர்களால் கொரோனா பரவும் ஆபத்து உள்ளது. இது தொடர்பாக மாவட்ட கலெக்டரிடம் மனு கொடுக்க கூறியுள்ளனர். தொடர்ந்து மதுக்கடையை இயக்கினால் மீண்டும் போராட்டத்தில் ஈடுபடுவோம் என்று கூறினர்.

இந்த போராட்டம் காரணமாக மோடமங்கலம் பகுதியில் சிறிது நேரம் பரபரப்பு ஏற்பட்டது.

தொடர்புடைய செய்திகள்

1. காவலில் கருப்பர் பலியால் போராட்டம் வலுக்கிறது: அமெரிக்காவில் போலீஸ் நிலையத்துக்கு தீ
அமெரிக்காவில் காவலில் இருந்த கருப்பர் பலியானதால், போராட்டம் வலுத்து வருகிறது. மேலும் போலீஸ் நிலையத்துக்கு தீ வைக்கப்பட்டது.
2. ‘பொதுமக்கள் கொரோனா பரிசோதனை செய்யாவிட்டால், வைரஸ் அதிவேகமாக வளரும்’ - ராகுல் காந்தியிடம் பிரபல நிபுணர் தகவல்
பொதுமக்கள் கொரோனா பரிசோதனை செய்யாவிட்டால், அந்த வைரஸ் அதிவேகமாக வளரும் என ராகுல் காந்தியுடன் கலந்துரையாடியபோது பிரபல நிபுணர் எச்சரித்தார்.
3. முடி திருத்தும் தொழிலாளர்கள் போராட்டம்
நகராட்சி, பேரூராட்சி பகுதிகளில் குறிப்பிட்ட நேரம் சலூன் கடைகளை திறக்க அனுமதி கோரி முடி திருத்தும் தொழிலாளர்கள் போராட்டத்தில் ஈடுபட்டனர்.
4. சேலம் கலெக்டர் அலுவலகம் முன்பு வடமாநில தொழிலாளர்கள் போராட்டம்
சொந்த ஊருக்கு அனுப்பி வைக்க கோரி சேலம் கலெக்டர் அலுவலகம் முன்பு போராட்டத்தில் ஈடுபட்ட வடமாநில தொழிலாளர்கள் ஓட்டம் பிடித்தனர். அவர்களை போலீசார் விரட்டிச்சென்று பிடித்ததால் பரபரப்பு ஏற்பட்டது.
5. தனியார் மயமாக்குவதற்கு எதிர்ப்பு: புதுவையில் மின்துறை ஊழியர்கள் போராட்டம்
தனியார் மயமாக்குவதற்கு எதிர்ப்பு தெரிவித்து புதுச்சேரி ஊழியர்கள் பணிகளை புறக்கணித்து நேற்று போராட்டத்தில் ஈடுபட்டனர்.