மாவட்ட செய்திகள்

சேலத்தில் மதுக்கடைக்கு எதிர்ப்பு தெரிவித்து ஆர்ப்பாட்டம் + "||" + Resistance to bartenders in Salem Demonstrate

சேலத்தில் மதுக்கடைக்கு எதிர்ப்பு தெரிவித்து ஆர்ப்பாட்டம்

சேலத்தில் மதுக்கடைக்கு எதிர்ப்பு தெரிவித்து ஆர்ப்பாட்டம்
சேலத்தில் மதுக்கடைக்கு எதிர்ப்பு தெரிவித்து ஆர்ப்பாட்டம்.
சேலம்,

தமிழகத்தில் ஊரடங்கு உத்தரவு அமலில் இருந்து வரும் நிலையில் டாஸ்மாக் மதுக்கடைகள் நேற்று முன்தினம் முதல் திறக்கப்பட்டன. இதற்கு பல்வேறு அமைப்புகளும், அரசியல் கட்சி தலைவர்களும் எதிர்ப்பு தெரிவித்து வருகின்றனர். இந்த நிலையில், சேலம் அஸ்தம்பட்டி உழவர் சந்தை அருகே இந்திய கம்யூனிஸ்டு கட்சி (மார்க்சிஸ்ட் லெனினிஸ்ட்) அலுவலகம் முன்பு நேற்று காலை டாஸ்மாக் மதுக்கடை திறப்புக்கு எதிர்ப்பு தெரிவித்து கண்டன ஆர்ப்பாட்டம் நடைபெற்றது. தமிழ்நாடு பெண்கள் சங்கத்தின் மாநில நிர்வாகி புவனேஸ்வரி தலைமையில் நடைபெற்ற இந்த ஆர்ப்பாட்டத்தில் கம்யூனிஸ்டு கட்சியை சேர்ந்த நிர்வாகிகள் சிலர் கலந்து கொண்டனர். பின்னர் அவர்கள் மதுக்கடை திறப்புக்கு எதிர்ப்பு தெரிவித்தும், தமிழக அரசை கண்டித்தும் கண்டன கோஷங்களை எழுப்பினர். மேலும் தமிழகத்தில் கொரோனா வைரசால் பொதுமக்கள் ஏராளமானோர் பாதிக்கப்பட்டு வருவதால் அதனை கட்டுப்படுத்த வேண்டும். திறக்கப்பட்ட மதுக்கடையை உடனடியாக மூட வேண்டும் என்ற கோரிக்கைகள் வலியுறுத்தப்பட்டன.


இதுகுறித்து தகவல் அறிந்த அஸ்தம்பட்டி போலீசார் அங்கு வந்து ஆர்ப்பாட்டத்தில் ஈடுபட்டவர்களிடம் பேச்சுவார்த்தை நடத்தி கலைந்து செல்லுமாறு அறிவுறுத்தினர். ஊரடங்கு உத்தரவு அமலில் இருப்பதால் ஆர்ப்பாட்டம் நடத்துவதற்கு அனுமதி இல்லை என்றும், அதை மீறினால் சட்டப்படி நடவடிக்கை எடுக்கப்படும் என போலீசார் கூறினர். இதையடுத்து ஆர்ப்பாட்டத்தில் ஈடுபட்ட கம்யூனிஸ்டு கட்சியினர் அங்கிருந்து கலைந்து சென்றனர். 

தொடர்புடைய செய்திகள்

1. தனியார் மயமாக்க எதிர்ப்பு; மின்துறை ஊழியர்கள் ஆர்ப்பாட்டம்
யூனியன் பிரதேசங்களில் உள்ள மின்துறை தனியார் மயமாக்கப்படும் என்று மத்திய அரசு அறிவித்துள்ளது. இதற்கு புதுச்சேரி யூனியன் பிரதேசமின்துறை ஊழியர்கள் கடும் எதிர்ப்பு தெரிவித்து பல்வேறு போராட்டங்கள் நடத்தி வருகிறார்கள்.
2. பாரதீய ஜனதா கட்சியினர் ஆர்ப்பாட்டம்
பா.ஜ.க. சார்பில் நேற்று இந்திரா காந்தி சிலை அருகே ஆர்ப்பாட்டம் நடந்தது.
3. கடலூரில் இந்திய கம்யூனிஸ்டு கட்சியினர் ஆர்ப்பாட்டம்
கடலூர் அண்ணா பாலம் அருகில் இந்திய கம்யூனிஸ்டு கட்சியினர் நேற்று காலை கருப்புக்கொடி ஏந்தி கண்டன ஆர்ப்பாட்டத்தில் ஈடுபட்டனர்.
4. இந்திய கம்யூனிஸ்டு கட்சியினர் ஆர்ப்பாட்டம்
இந்திய கம்யூனிஸ்டு கட்சி சார்பில் கள்ளக்குறிச்சி அருகே கீழ்நாரியப்பனூரில் ஆர்ப்பாட்டம் நடந்தது.
5. இந்திய கம்யூனிஸ்டு கட்சியினர் ஆர்ப்பாட்டம்
சேலம் டவுன் ரெயில் நிலையம் அருகே நேற்று இந்திய கம்யூனிஸ்டு கட்சி சார்பில் ஆர்ப்பாட்டம் நடைபெற்றது. இதற்கு மாவட்ட செயலாளர் மோகன் தலைமை தாங்கினார்.