மாவட்ட செய்திகள்

இறைச்சி கடைகளில் அலைமோதிய மக்கள் கூட்டம் சமூக இடைவெளியை கடைபிடிக்காததால் பரபரப்பு + "||" + The crowds at Meat Shops are furious as they do not observe the social gap

இறைச்சி கடைகளில் அலைமோதிய மக்கள் கூட்டம் சமூக இடைவெளியை கடைபிடிக்காததால் பரபரப்பு

இறைச்சி கடைகளில் அலைமோதிய மக்கள் கூட்டம் சமூக இடைவெளியை கடைபிடிக்காததால் பரபரப்பு
இறைச்சி, மீன் கடைகளில் சமூக இடைவெளியை கடைபிடிக் காமல் பொதுமக்கள் கூட்டம் அலைமோதியதால் பரபரப்பு ஏற்பட்டது.
புதுச்சேரி,

கொரோனா வைரஸ் பரவாமல் தடுக்க தேசிய ஊரடங்கு உத்தரவு அமலில் உள்ளது. இதையொட்டி புதுவை மாநிலத்தில் கடைகளை திறக்க பல்வேறு கட்டுப்பாடுகள் விதிக்கப்பட்டுள்ளன. அதாவது சமூக இடைவெளியை கடைபிடிக்க வேண்டும், முககவசம் அணியவேண்டும் என்பது உள்பட பல்வேறு நிபந்தனைகளை அரசு அறிவுறுத்தியுள்ளது.


அதன்படி கடைகள், பால் பூத், வங்கிகள், மருத்துவமனை உள்பட அனைத்து இடங்களிலும் சமூக இடைவெளியை கடைபிடிக்கும் வகையில் பல்வேறு ஏற்பாடுகள் செய்யப்பட்டுள்ளன. கைகளை சுத்தம் செய்ய ஏதுவாக கிருமி நாசினியும் வைக்கப்பட்டுள்ளது.

காற்றில் பறந்த கட்டுப்பாடுகள்

இந்தநிலையில் ஞாயிற்றுக் கிழமையான நேற்று புதுவையில் உள்ள இறைச்சி கடைகளில் காலை முதலே மக்கள் கூட்டம் அதிகமாக காணப்பட்டது. சமூக இடைவெளி உள்ளிட்ட அரசு கட்டுப்பாடுகளை காற்றில் பறக்க விட்டு போட்டி போட்டுக் கொண்டு இறைச்சி வாங்குவதிலேயே மக்கள் குறியாக இருந்தனர். குறிப்பாக கடலூர் சாலை, காராமணிக்குப்பம் ரோடு, வில்லியனூர் சாலை, உப்பளம் சாலை உள்பட நகரில் பல்வேறு இடங்களில் இதே நிலை காணப்பட்டதால் பரபரப்பு ஏற்பட்டது.

இதுகுறித்து அந்த பகுதியில் ரோந்து சென்ற போலீசார் பொதுமக்கள் மற்றும் கடைக் காரர்களை எச்சரித்தனர். சமூக இடைவெளியை கடைபிடித்து நிற்கும் வகையில் பொதுமக்களை ஒழுங்குபடுத்தினர். அதேபோல் முககவசம் அணிந்து வராதவர்களுக்கு இறைச்சி வழங்க வேண்டாம் என்று கடைக்காரர்களை அறிவுறுத்தினர்.

மீன் விற்ற பெண்கள்

உப்பளம் சாலையில் இருந்து துறைமுகம் செல்லும் வழியில் சாலையோரத்தில் ஏராளமான பெண்கள் மீன் வியாபாரம் செய்தனர். அங்கு வந்த பொதுமக்கள் சமூக இடைவெளியை கடைபிடிக்காமல் ஒன்றுகூடி மீன்களை பேரம் பேசி வாங்கிக் கொண்டு இருந்தனர். அப்போது அந்த வழியாக ரோந்து சென்ற போலீசார் இதைப்பார்த்து அதிர்ச்சி அடைந்தனர். சமூக இடைவெளியை கடைபிடிக்குமாறு பொதுமக்களையும், மீனவ பெண்களையும் கடுமையாக எச்சரிக்கை செய்தனர். இதனால் அப்பகுதியில் சிறிது நேரம் பரபரப்பு ஏற்பட்டது.

தொடர்புடைய செய்திகள்

1. மூணாறு நிலச்சரிவில் பலியான தோட்ட தொழிலாளர்களின் குடும்பத்துக்கு தலா ரூ.25 லட்சம் வழங்க வேண்டும்
மூணாறு நிலச்சரிவில் பலியான தோட்ட தொழிலாளர்களின் குடும்பத்துக்கு தலா ரூ.25 லட்சம் வழங்க வேண்டும் என தமிழக மக்கள் முன்னேற்ற கழக நிர்வாகிள் கூட்டத்தில் தீர்மான நிறைவேற்றப்பட்டது.
2. தென்காசியில் அனுமதிபெற்ற இடங்களில் மட்டுமே போஸ்டர்கள் ஒட்ட வேண்டும் ஆலோசனை கூட்டத்தில் முடிவு
தென்காசியில் அனுமதிபெற்ற இடங்களில் மட்டுமே போஸ்டர்களை ஒட்ட வேண்டும் என போலீஸ் துணை சூப்பிரண்டு தலைமையில் நடந்த ஆலோசனை கூட்டத்தில் முடிவு செய்யப்பட்டது.
3. கொரோனா நெருக்கடிக்கு மத்தியில் பிரதமர் தைரியமான முடிவுகளை எடுத்து மக்களுக்கு உதவினார்
கொரோனா நெருக்கடிக்கு மத்தியில் மக்களுக்கு உதவ பிரதமர் நரேந்திர மோடி தைரியமான முடிவுகளை எடுத்தார் என்று பாரதீய ஜனதா தேசிய தலைவர் ஜே.பி. நட்டா கூறினார்.
4. திண்டிவனத்தில் கொரோனா வைரஸ் பரவலை தடுப்பது குறித்து ஆலோசனை கூட்டம்
திண்டிவனத்தில் கொரோனா வைரஸ் பரவலை தடுப்பது குறித்த ஆலோசனை கூட்டம் அமைச்சர் சி.வி.சண்முகம் தலைமையில் நடந்தது.
5. கோவையில் முழு ஊரடங்கு அறிவிக்கும் சூழல் இல்லை அமைச்சர் எஸ்.பி.வேலுமணி பேட்டி
கோவையில் முழு ஊரடங்கு அறிவிக்கும் சூழல் இல்லை என்று அமைச்சர் எஸ்.பி.வேலுமணி கூறினார்.

ஆசிரியரின் தேர்வுகள்...