மாவட்ட செய்திகள்

நாமக்கல் மாவட்டத்தில் மது, கள், சாராயம் விற்பனை செய்த 333 பேர் கைது + "||" + 333 persons arrested for selling liquor, liquor and liquor in Namakkal district

நாமக்கல் மாவட்டத்தில் மது, கள், சாராயம் விற்பனை செய்த 333 பேர் கைது

நாமக்கல் மாவட்டத்தில் மது, கள், சாராயம் விற்பனை செய்த 333 பேர் கைது
நாமக்கல் மாவட்டத்தில் ஊரடங்கு தொடங்கிய நாள் முதல் இதுவரை சட்டவிரோதமாக மதுபானம், கள், சாராயம் விற்பனை செய்த 333 பேர் கைது செய்யப்பட்டு இருப்பதாக போலீஸ் சூப்பிரண்டு அருளரசு தெரிவித்து உள்ளார்.
நாமக்கல்,

தமிழகம் முழுவதும் கொரோனா வைரஸ் தொற்று பரவுதலை தடுக்கும் பொருட்டு ஊரடங்கு உத்தரவு நீட்டிக்கப்பட்டு அமலில் இருந்து வருகிறது. இதையொட்டி டாஸ்மாக் கடைகள் அனைத்தும் மூடப்பட்டன.

இந்த நிலையில் நாமக்கல் மாவட்டத்தில் பல்வேறு இடங்களில் கடந்த மார்ச் மாதம் 25-ந் தேதி முதல் கள்ளத்தனமாக மதுபானங்களை விற்பனை செய்தல், விற்பனை செய்ய வைத்திருத்தல், கள் விற்பனை செய்தல், சாராயம் காய்ச்சுதல் மற்றும் விற்பனை செய்தல் தொடர்பாக 307 வழக்குகள் பதிவு செய்யப்பட்டன. இதில் 333 பேர் கைது செய்யப்பட்டனர். இவர்களில் 101 பேர் சாராயம் காய்ச்சுதல் மற்றும் விற்பனை செய்தல் குற்றத்திற்காக மட்டும் கைது செய்யப்பட்டவர்கள் ஆவார்கள். இந்த வழக்குகளில் 12 ஆயிரத்து 928 மதுபாட்டில்கள் பறிமுதல் செய்யப்பட்டன.


6,296 லிட்டர் ஊறல் அழிப்பு

மேலும் 516 லிட்டர் கள், 308 லிட்டர் சாராயம், 6,296 லிட்டர் சாராய ஊறல் கைப்பற்றி அழிக்கப்பட்டன. கள்ளத்தனமாக மதுபானங்கள் விற்பனை செய்ய பயன்படுத்திய 33 வாகனங்கள் பறிமுதல் செய்யப்பட்டன. தற்போது தமிழக அரசால் மதுபான கடைகள் திறக்கப்பட்டு உள்ள நிலையில், இனிவரும் காலங்களில் இதுபோன்று சாராயம் காய்ச்சுவதும், விற்பனை செய்வதுமான சட்ட விரோதமான செயல்களில் ஈடுபடும் நபர்கள் கைது செய்யப்பட்டு, குண்டர் தடுப்பு சட்டத்தின் கீழ் கடுமையான நடவடிக்கை எடுக்கப்படும்.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. ஜெயங்கொண்டம் ஒழுங்குமுறை விற்பனை கூடத்தில் விவசாயிகள் அதிகாரியிடம் வாக்குவாதத்தில் ஈடுபட்டதால் பரபரப்பு
ஜெயங்கொண்டம் ஒழுங்குமுறை விற்பனை கூடத்தில் விவசாயிகள் அதிகாரியிடம் வாக்குவாதத்தில் ஈடுபட்டதால் பரபரப்பு ஏற்பட்டது. மேலும் விவசாயிகள் ஒரே நேரத்தில் குவிந்ததால் போக்குவரத்து பாதிக்கப்பட்டது.
2. கொரோனா சிகிச்சைக்கான ஒரு மாத்திரை விலை ரூ.103; இன்று மாலை முதல் இந்தியாவில் விற்பனை
கொரோனா பாதித்த நோயாளிகளுக்கான வைரஸ் எதிர்ப்பு மாத்திரை இன்று மாலை முதல் இந்தியாவில் விற்பனை செய்யப்பட உள்ளது.
3. கடலூரில் இருந்து சாராயம் குடிக்க ஆற்றில் நீந்தி வந்தவர்கள் விரட்டியடிப்பு
சாராயம் குடிக்க ஆற்றில் நீந்தி வந்த கடலூரை சேர்ந்த மதுபிரியர்களை புதுச்சேரி போலீசார் அடித்து விரட்டினர்.
4. திருப்பூர் மார்க்கெட்டில் மீன் விற்பனை அமோகம் 30 டன் விற்று தீர்ந்தது
திருப்பூர் தென்னம்பாளையத்தில் உள்ள மீன் மார்க்கெட்டுக்கு நேற்று முன்தினம் இரவு ஆந்திராவில் இருந்து 30 டன் வளர்ப்பு மீன்கள் விற்பனைக்கு கொண்டு வரப்பட்டது.
5. விருத்தாசலத்தில் டோக்கன் வைத்திருப்பவர்களுக்கு மட்டுமே மது விற்பனை
டோக்கன் வைத்திருப்பவர்களுக்கு மட்டுமே மது விற்பனை டாஸ்மாக் ஊழியர்களுக்கு போலீஸ் அறிவுறுத்தல்.